منتدي q8-one.com - الضاحك الباكى ( صلاح جاهين )

هنا هحط بعض من رباعيات صلاح جاهين

شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب و جرحي لهيب
ودواك فرغ مني .... و إيه العمل
عجبي !!!

أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي !!

إيش تطلبي يا نفس فوق كل ده
حظك بيضحك و انتي متنكده
ردت قالت لي النفس : قول للبشر
ما يبصوليش بعيون حزينة كده
عجبي !!

إقلع غماك يا تور وارفض تلف
إكسر تروس الساقية و اشتم وتف
قال : بس خطوة كمان .. وخطوة كمان
يا اوصل نهاية السكة يا البير تجف
عجبي !!!

سنوات وفايته عليا فوج بعد فوج
واحدة خدتني ابن والتانية زوج
والتالتة أب خدتني .. والرابعة ايه
ايه يعمل اللي بيحدفه موج لموج
ووعجبي!!!

إيـديا فـي جيوبـي

إيـديا فـي جيوبـي وقلبـي طـرب

سـارح في غربة بس مش مـغترب

وحـدي لكـن ونسـان وماشـي كده

وبـابتعد… ما أعرفش… أو باقترب

أوقـات

أوقـات أفـوق ويحــل عنـي غبـايا

وأشـعر كأني فـهمت كـل الخبـايـا

وافتـح شـفايفي عشــان أقـول الدرر

مـا أقـولش غير حبة غزل في الصبايا

عـجبي !!

إيه اللي خدتـه

إيه اللي خدتـه من مرور السـنين

يا قلبـي الا دمـعتك والأنـيـن

بتئن وبتفــرح وترجــع تحــن

مـع إن مـش كل البشر فرحـانين

عـجبي !!

أيـوب رمـاه الـبـين بـكـل الــعلل

سـبع سـنين مـرضان وعـنـده شـلل

الصـبر طيـب.. صـبر أيـوب شـفـاه

بـس الأكـاده مـات بـفـعل الـمـلل

عـجبي !!

لیه ياحبیبتي ما بینا دايماً سفر
ده البعد ذنب كبیر لا يغتفر
لیه يا حبیبتي ما بینا ديماً بحور
أعدي بحر.... آلاقي غیره اتحفر
عجبي

وصیك ياابني .. بالیل والزھور
اوصیك.. بلیل القاھر المسحور
وانجیت في بالك
اشتري عقد فل .. لاي سمره
وقبري اوعاك تزور

أنا اللي بالأمر المحال اغتوى..
شفت القمر نطیت لفوق بالھوا..
طلته ما طلتوش إيه انا يھمني....
ولیه ...ما دام بالنشوة قلبي ارتوى
عجبي

يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول