|
موضوع مهم يستحق النقاش
السلام عليكم ورحمة الله وبركاته
ندخل فـــ الموضوع يوجد فـــ بعض الدول العربية منع قيادة السيارة بالنسبة للمرأة وبعض الدول العربية لا تمنع قيادة السيارة للمرأة فأنا حبيت نتناقش فــ الموضوع ده مع بعض انتوا ايه رأيكم؟؟؟؟؟؟ من الأفضل ان المرأة تقود سيارة خاصة بها أو انها تركب فى تكاسى وغيرة لانى لاحظت فـــ بعض البلاد منهم السعودية بتمنع منعا باتا ركوب المرأة للسيارة بس انا شايف ان فى خلل يعنى هى متركبش عربية خاصة ليها وتركب مع سواق غريب مش عارفين ايه نيته يا رب يكون وصل قصدى من الموضوع وأترك لكم ساحة النقاش مستنى آرائكم تحياتى |
صراحة الموضوع جميل انا راءي المرءاة تقود السيارة
|
تسلم يا محمود على المرور الرائع وشكرا لرأيك
ولكن ننتظر آراء البقية |
اعتقد ان القرار ده ممكن يكون صائب شيئا ما
لان السيدات معروفين بعدم تمكنهم من القيادة السليمة يعنى لو ماشي بعربية وجات عربية عملت حركة غبية قدامك طبيعى انك تقول دى واحدة ست اللى سايقة بس مش معنى كدة ان كلهم مبيعرفوش يسوقوا كويس وانا عن نفسي اشجع قيادة الست للسيارة لان ده هيمنعها من ركوب مواصلات وبهدلة وانها تركب مع حد متعرفوش فده هيوفر عليها كتيييييييير |
بص يابرنس
من خلال فكرتى المتواضعه اللى كونتها خلال السنين اللى مشيتها على الطريق بالعربيه سواء سفر طويل او داخل المدن اقدر اقولك وبقلب جامد انا لو مسئول عن الحركه المروريه فى العالم كله همنع اى واحده تسوق عربيه حتى لو خاصه ومستعد لللنقاش فى اى وقت ومع اى حد فكرتى كونتها من خلال المواقف اللى بتعرض لها وبشوفها على الطريق يوميا الواحده اللى بتسوق عربيه نوع من الاتنين ملهاش تالت:- 1- اما انها تكون نيله فى السواقه ومبتعرفش تركب بسكلته حتى 2- او انها تكون قلبها ميت وبتدوس فى اى حاجه واى طريق والاتنين افظع من بعض لان الاتنين بيسببوا مصايب ربنا يحمينا منها وزى ما اتعلمنا والايام والطرق علمتنا ان السواقه ملهاش كبير ده غير ان الغالبيه العظمى من الحريم بيبقى قلبهم خفيف ومش بيعرفوا يتصرفوا بسرعه ولا يسيطروا على اعصابهم الموضوع كله عباره عن انك ماشى على الهواء لان العربيه ماشيه على اربع كاوتشات والكاوتشات دى منفوخه هواء يبقى انت ماشى على الهواء بس ده ميمنعش ان فيه رجاله كده برضه وبيعملوا مصايب لانهم برضه نوع من النوعين اللى قولتهم قبل كده علشان محدش يقول انى متحيز للرجاله على حساب الحريم ارجو ان اكون نقلت لكم وجهه نظرى المتواضعه |
شكرا على مروركم وآرائكم
من ال انا فهمته منكم انكم مبتشجعوش قيادة المرأة للسيارة يعنى هى لما تركب فى سيارات أجرة مع غريب هو ده الصح بصوا انا شايف ان لا دى صح ولا دى صح هو موضوع فعلا محير بس يا ريت نتناقش فيه أكتر تحياتى |
اييييييييييييييه ده
ايه يا جماعه اللي انا بسمعه ده لا طبعا أنا مع سواقة الستات جدا انتوا فعلا كده متحاملين عالستات بقى الستات نوعين يا فينديزل على فكره الستات في السواقه وف أى حاجه في الدنيا ولا قلبهم خفيف جدا ولا قلبهم ميت ودايسين عالدنيا دي بقى تبقى انواع الرجاله لكن الستات اغلبيتهم بيعملوا بخير الأمور الوسط آه ببقى خايفه وانا بسوق بس مش لدرجة الجبن وبيبقى عندي شوية شجاعه بس ده عشان اعرف اتصرف لو حاجه مفاجأه أو طارقه حصلت لكن ده مش معناه ان قلبي ميت على فكره اقرب مثال ليه هو انا انا وأختي سواقتنا أحلى من سواقة أخويا 100 مره هو ومعظم الرجاله بيسوقوا كأنهم محترفين يعنى الواحد فيهم الغرور بيركبوا ويعملي فيها محترف ويدوس ولا بيهمه لكن احنا بنبقى واخدين بالنا كويس جدا وبنسوق وفينا حتة خوف وده شئ كويس جدا لأنه هيخلينا منتبهين وطبعا يا علي شئ غريب جدا ومتخلف جدا انهم يمنعوا سواقة الستات في السعوديه ازاى بلد المنقبات والاحترام وعدم الاختلاط تسمح بركوب ست مع راجل غريب احسن ما يسوقوا هما وتبقى الواحده معززه مكرمه في عربيتها وفي النهايه عاوزه اقول حاجه السواقه واى حاجه في الدنيا بتبقى اشياء نسبيه يعنى بتختلف من شخص لآخر وليس من جنس لآخر يعني زى ما فيه رجاله كويسين سواقه فيه ستات كويسين وزى ما فيه رجاله سواقتهم زباله هكذا الستات مش ذنبنا بقى يا فينديزل انك مشفتش ستات سواقتهم حلوه لحد دلوقتى ميرسي ليك يا علي عالموضوع وطرحه |
شكرا على مرورك يا كارمن
وطبعا الآراء بتختلف بس يا ريت نشوف آراء أكتر |
| الساعة الآن 07:07 PM. |
Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
TranZ By World 4Arab
www.q8-one.com