|
حنان ملوش حدود أعظم إنسانه في الوجود::شكرا يا ماما
تكمله بقى للموضوع ده
8 مرات : كذبت أمي عليّ !!!... فيه أغنيه راب عجبتني أوي عن الأم لأحمد مكي فقلت أجيبلكم كلماتها (أحمد مكي.راب) (شكرا يا ماما) ياااااااااا أمي حنان ملوش حدود أعظم إنسانه في الوجود يا ماما مهما هحكي اللي في قلبي واللي نفسي أقوله ليكي مش هيطلع حتى نقطه في بحر إحساسي بيكي كان حلمك تبقي سعيده مع زوج حنون عليكي تبنوا حياه جديده وولادك حواليكي ويادوب حققتي حلمك جه وهد البيت عليكي فجأه راح سابك وحيده ساب ولادك حتى بيكي سابك محتاره وحزينه والولاد ماسكين ايديكي وبقى عندك إختيار بيت جديد وفرصه تانيه أو تعيشي عمرك وحيده مع ولادك الصغار مسئوليه صعبه جدا كنتي قد الإختبار قولتي هختار ولادي ولو هربيهم في نار م النهارده دول حياتي مش هسيبهم مهما صار اللي قالك ليه تضحي واللي قالك ده إنتحار واللي قالت بكره تيجي تندبي سوء الإختيار الولاد دول كانوا إحنا أنا وأخواتي الكبار قدرتي تعدي بينا وتربينا وده إنتصار وجاي أقولك بإبتسامه من قلبي شكرا يا ماما شكرا يا ماما ياااااااااااااه يا أمي دعوه حلوه منك وإيديكي في السما يسمع ربي منك وينورلي أنا شكرا يا ماما دعوه حلوه منك وإيديكي في السما يسمع ربي منك وينورلي أنا كذا مره أوقات كتير الظروف كات واقفه ضدك كنتي بتخبي علينا وتدخلي تبكي لواحدك وأما يدخل حد فينا بتضحكي وتداري دمعك بس كنت ببقى عارف مره بالصدفه سمعتك وقتها أنا رحت حالف باللي خلقك وبغلاوتك إن ما هتغفل عيوني إلا لو فرحت قلبك وييجي اليوم اللي تكوني فيه فخوره إن أنا إبنك لما بشوفك وإنتي قاعده بفضل أراقبك من سكات وألقى نفسي بقول لنفسي بحب فيكي كتير حاجات لما بتحكي يوم ولادتي يوم ما خدتيني ف ايديكي رحتي حضناني بمحبه كل تعبك راح عليكي قمتي بصالي في عنيه قولتي يومها سألتي نفسك إنت مين وهتبقى إيه يارب يطهرلي قلبك كنت بهرب من إيديكي وياما بتدلع عليكي ولما أحس بخوف وغربه بجري وأستخبى فيكي ولو في يوم حسيت تعب جوه حضنك تحتويني وبصوت حنون ودافي تدعي الرحمن يشفيني ولما بنكسر أو أفشل والأمل بيبقى فاني بتقوليلي قوم وكمل قوم وحاول مره تاني طول ما فيك الروح يا إبني قوم وحقق الأماني ثق في ربك ثق في نفسك قوم عشانك قوم عشاني بسببك إنتي بقيت بقدر طبعا أي ست قيمه لأني طول ما أنا كنت بكبر شايفك إنتي إزاي عظيمه ده أنا مهما كبرت هاجي وأوطي على رجلك وأبوسها ده إنتي أمي وإنتي عمري وكل حاجه حلوه حاسسها من كل قلبي شكرا يا ماما ياااااااااااااه يا أمي دعوه حلوه منك وإيديكي في السما يسمع ربي منك وينورلي أنا شكرا يا ماما دعوه حلوه منك وإيديكي في السما يسمع ربي منك وينورلي أنا |
الله على الكلام الرقيق ده
كلام فى منتهى الاحساس شكرا على الموضوع |
ميرسي ليك يا علي عالمرور والرد الجميل
|
ويادوب حققتي حلمك جه وهد البيت عليكي
فجأه راح سابك وحيده ساب ولادك حتى بيكي سابك محتاره وحزينه والولاد ماسكين ايديكي حلوه قوى كارمن |
ويادوب حققتي حلمك جه وهد البيت عليكي
فجأه راح سابك وحيده ساب ولادك حتى بيكي سابك محتاره وحزينه والولاد ماسكين ايديكي دى عجبتنى بردو يااسامه شكرا ياساره |
ميرسي أسامه وريم عالمرور الجميل
|
| الساعة الآن 01:22 AM. |
Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
TranZ By World 4Arab
www.q8-one.com