|
مواليد التمانينات وتاكسي السهره(ياللا إفتكر معايا)
كنت قبل كده عملتلكم موضوع لو كنت مواليد 1980:1990 تعالى افكرك بذكرياتنا سوا (ادخل والله مش هتندم ابدا)انا بحلف وتكمله للموضوع ده في أغنيه راب حلوه جدا بتتكلم في نفس الموضوع هتذكركم بردو بأيام زمان (مودى راب) (مواليد التمانينات) اتفضلوا مقدمه: ايه انت مش فاكر واللا ايه؟ ارجع ارجع لماضيك تاكل ريري الواد كان عنده حق بولا بولا أنا باكل سامبا توت توت توت توت طول ما ندي ضهرنا للترعه ذهب الليل وطلع الفجر والعصفور صوصو صوصو مواليد التمانينات تايهين في البلد دي عايشين حياه غريبه مش عارفين ناخد وندِّي مواليد التمانينات واقع م الحسابات محدش همو حد فينا عاش واللا مات أوزو وماما نجوى كانت البدايه في جيلي إخترنا لك وتاكسي السهره والفيلم التسجيلي أنا جيلي سينما الأطفال يوم الجمعه الصبح والبرامج العجيبه اللي مكنش هدفها الربح العلم والإيمان وإعلانات الشمعدان كلنا جبنا شريط واتس ناو من زمان رجل المستحيل وملف المستقبل ساعتها روايات كتير مرميه معظمنا شاحتها إحنا الجيل اللي فضل شهرين يشرب كوكاكولا بندور عالجادون زي الكلاب المسعوره إحنا اللي ياما كنا بنفرد شعرنا بجلاد بنقلد عمرو دياب في نور العين بالكريمات إحنا اللي شوفنا مازنجر وجرين دايزر بعد العيش البلدي كلنا الفينو كمان الكايزر إحذر في أغنية إيه الأساتوك ده إيه ورد الجناين ده اللي يصحّي النايم ده مواليد التمانينات تايهين في البلد دي عايشين حياه غريبه مش عارفين ناخد وندِّي مواليد التمانينات واقع م الحسابات محدش همو حد فينا عاش واللا مات إحنا جيل عمرو دياب جيل محمد منير مدحت صالح وعلي الحجار وغيرهم كتير مصر في كاس العالم وكمان حرب الخليج البوسنه والهرسك وإعتزال الخطيب إحنا اللي إتحبسنا جوا القناه الأولى والتانيه اللي يشوفنا يشوف الجون برجول جوه ألبانيا إحنا الجيل اللي شاف التفجيرات في عز الضهر الشركات توظيف الأموال والناس بتموت م القهر إحنا اللي شفنا الرصاصه لاتزال في جيبي أفلام حرب أكتوبر بتفرج ويا قرايبي إحنا اللي بسرعه إشترينا بلوفر تمللي معاك يوم الكليب كان منتشر في المحلات إحنا اللي إتفرجنا على أفلام إسماعيل ياسين والأفلام التاريخيه والناصر صلاح الدين ياما لعبنا بلاي إستيشن ولعبنا الكوره الياباني ياما إتخانقنا وقولنا هنعيد الماتش من تاني مواليد التمانينات تايهين في البلد دي عايشين حياه غريبه مش عارفين ناخد وندِّي مواليد التمانينات واقع م الحسابات محدش همو حد فينا عاش واللا مات إحنا اللي كنا بنروح الدرس بالبسكليته ونعاكس البنات ونتضرب من كل الحته كمل ألبوم الصور إنزل إشتري اللبان مع طاهر القويري جوايز الشمعدان بعد التمثيليه بنلاقي حديث الروح والأمهات تقول على سريرك ياللا روح طول ما تِدّي ضهرك للترعه محلول الجفاف خُد جرعه كنت بتسحب أسرق المربى م التلاجه آكل وأنا بتفرج على شاهد ما شافش حاجه إحنا اللي كنا بنتفرج على كلام من دهب وقرينا في الجرايد نجيب محفوظ اتضرب الكابتن ماجد ياللا نتابع ياللا بينا بص يجيب الجون للسنتر في حلقتين ونص كانت أيام خياليه طفولة التسعينات آدي قصة حياة مواليد التمانينات مواليد التمانينات تايهين في البلد دي عايشين حياه غريبه مش عارفين ناخد وندِّي مواليد التمانينات واقع م الحسابات محدش همو حد فينا عاش واللا مات |
منتظره الردود والآراء
|
بجد جميلة اوى وبرضه ذكريات وحاجات جميلة وجايب برضه تفاصيل وحاجات كتيرة قلب علينا ذكريات العمر والطفولة تسلم ايديكى يا كارمن |
فعلا جايب تفاصيل تانيه كتير
ميرسي كتير يا رامي على مرورك اهي زكرياااااااااااااااااااااات |
مواليد التمانينات تايهين في البلد دي
عايشين حياه غريبه مش عارفين ناخد وندِّي مواليد التمانينات واقع م الحسابات محدش همو حد فينا عاش واللا مات فكرتنى بالذى ماضى طب مفيش شئ لموليد 90 |
هههههههههههههههههه
فيه طبعا بس لما يكبروا شويه ويبقوا في العشرينات ميرسي كتير يا أسامه لمرورك |
| الساعة الآن 03:05 AM. |
Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
TranZ By World 4Arab
www.q8-one.com