ليا مين بعدك يا مصر هيقولوا مجنون هيقولوا مفتون برده بحبك يا مصر مهما شفت منك من هم و عذاب و جسمي خد منك رقات و بطني جاعت ساعات وساعات برده بحبك يا مصر مهما يقولوا انتي وحيدة و يقولوا مفيش فيكي فايدة و لا ميزة و يقولوا راحت عليكي من مدة طويلة برده بحبك يا مصر عشان يعني فقر و مرمطة ؟ و لا عشان فساد و انتخة ؟ و لا يمكن طوابير و بهدلة ؟ برده بحبك يا مصر هتقومي وتعلي تاني و تشدي و تصحي كل الأماني و رب المصحف لترجعي تاني تقودي و تعلي و تعلمي الأيادي تكون هيا اللي تحت و انتي في الأعالي و برده بحبك يا مصر