[karmen]

الموضوع كان باللغه الخليجيه يعنى مكنتوش هتفهمه حاجه قعدت ظبطهلكم لما اتهد حيلى
ياللا عدوا الجمايل


اشهر 22 كذبه عند الشباب

1- حبيبتي تعرفى والله أنا ماليش فى حركات الشباب دى خالص..مبكلمش بنات خالص أصلا مبحبش الحركات دى
(( باااااااااين ده على أساس ان انت كنت الفتره اللى فاتت دى كلها فى الجهاد))


2-مش عارف يا حبيبتى حاسس انى اعرفك من زمان
((اه يمكن متلغبط بينها وبين واحده كنت تعرفها قبل كده.. ))


3- حبيبتى حاسس انك غير كل البنات حاسس انك مختلفه وغيرهم كلهم
(( لالا مش كفايه ))


4-حبيبتي والله حاسس ان في حاجات كثيرة انا وانتي نتشابه فيهااا .. كأننا شخص واحد
(( سبحان الله اخوها في الاسلام لازم يكون في شبه ها ها هاااي ))


5-ياريتني ياقلبي عرفتك من زمان
(( معلش كان عندك زحمه ))


6- حبيبتي انتي تأمري قلبي أمر .. كل اللي تقوليه يتنفذ
(( ايوه في الاحلام اكيد ))


7- حيااتي لازم تلبسى واسع وطويل عشان ما حدش يشوفك غيري لاني بغير
((لا يا حرااااام الغيرة حرقت قلبك حرق ))


8- هاجى اخطبك من اهلك بس بعد ما اكون نفسي
(( وماله ياخويا فالح بس تضيع فلوسك عالموبايل والعربيه وعزايم اصحابك.....الخ الخ الخ))


9-يا قلبى نفسى اشوفك عن قرب ونقعد لوحدنا عشان اطفى الشوق اللى جوايا
(( هاهاهاها قديمه يا فالح اضحك بيها على واحده غيرى))


10 - انا احب الشعر ومن هواياتي الرسم والسباحه
(( لا رومنسي ****** ))


11- حبيبتي حطي في بالك انا اذا حبيت بحب من كل قلبي
(( عندك حق بس عرفنى انهى قلب فيهم بالظبط؟!!!! ))


12- علاقتى بيكى محدش يعرفها خالص لأنها من أهم خصوصياتى
(( أه طبعا عشان لما تيجى تسيبها تخلع فى الخفيف كده))


13-يا يا حبيبتى شفت النهارده حتة عربيه bmw تحفه بابى وعدنى هيجيبهالى
((وانتوا لاقيين تاكلوا اصلا وتلاقيها حتة 128 مهكعه))


14 - احتمال اروح سويسرا الصيف الجاي
(( أه طبعا بس لما تكلمك وموبايلك يبقى فاصل شبكه متنساش تقولها ان الارسال ضعيف فى جمصه ))


15-دايما اشترى برفاناتى من باريس(( الحمدلله والشكر لله ))


16- لما أشوف رقمك على موبايلى قلبى ينط من مكانه
(( اكييد .. خايف تكون كشفت ملاعيبك ))


17- فلان قال لي اديله رقمك .. بس انا قلت له اقتلني قبل ماتاخذ رقمها مني
(( هاهاااي يا مضحي انت يا شجااع .. وطبعا تلاقى نص الشله بتاعته عارفه رقمك))


19 - حبيبتي عاوز صورتك اخليها عندي عشان قبل ما انام اشوفها واحطها تحت راسي وانام
(( لا وانت الصادق عشان يوم ما تمل منها تهددها ))


20- اسف حبيبتي امبارح ما اتصلتش بيكى بس كنت مشغووووول أوى بالمذاكره
(( باين يا نيوووتن اسم الله عليك ))


21-تعرفى يا حبيبتى كل البنات فى الجامعه عاوزين رقمى بس انا مش برضى عشان انتى حبيبتى
ودايما بيجروا ورايا وانا مش بديهم وش
(( هاهاااي .. فى غلطه نحويه فى الجمله دى اكيد تقصد.. دايما بجرى وراهم وهما مش بيدونى وش ))

22- معلش حياتى مش هقدر أقابلك النهارده اصلى نازل اشترى لاب توب جديد أصل بتاعى بقاله شهرين معايا وبتاع اخويا مش عاجبنى والكمبيوتر اللى عندنا فى البيت مش متعود عليه
((ماشاء الله وكالة كمبيوتراات ....وانتوا اصلا معندكمش غير جهاز واحد قديم وخربان وكل ما يعطل تصلحوه واللا شكلك اصلا معندكش خالص ولما بتفتح الايميل بتنزل السايبر اللى على اول شارعكم))