سيادتك سيادتك معالى الرئيس
حركاتك ياريس صبحت تغيظ
احب اقولك يوم الخميس
الشعب بايعك وانت العريس؟!
ـــــــــــــــــــــــــ ــــــــــــــــــ
انافق واجامل اكون مليونير
اطلع حرامى ابقى سفير
اقول الحقيقة وضعى خطير
ناس كتير راحوا فطيس
ـــــــــــــــــــــــــ ــــــــــــ
حاسس وفاهم
عارف ونادم
نفسك تظبطنا
مناك تطورنا
واللى يعارض يبقى دسيس
ـــــــــــــــــــــــــ ـــــــــــــــــ
ف يوم ولادتك
ويوم جوازتك
كنت لوحدك
م حد جاملك
ويوم رياستك
ويوم جوازتك
قٌلَّة وزير
راح اكسر كتير
اغتاله ياناس عميل دسيس
ـــــــــــــــــــــــــ ــــــــــــــــــــــ
شعبك حبيب حبُّوب مِحْباب
طول الحياة وانتو صحاب
تِعِب من كُتر دق الباب
وانت مطنش
نايم مفرفش
ياريتك مرة تبقى حثيث
ـــــــــــــــــــــــــ ــــــــــــــــــــــ
سيادتك سيادتك معالى الرئيس
سيادتك سيادتك معالى الرئيس
ـــــــــــــــــــــــــ ـــــــــــــــــــــــــ
والله مقدرتش اجيب اكتر من كده
ويارب تعجبكم