كنت بحلم بـ حلم جميل
لكن يا خسارة اتهدم
وعشت باقى عمرى فـ ويل
وكانت آخرة الحلم ندم
حلم وحيد وكان بسيط
لكن الدنيا طمعت فيه
ده فى ناس بتحلم بالعبيط
اشمعنى أنا محسود عليه
عشتى ايامى على الفاضى
والدنيا حكمت عليا بالإعدام
مفيش لا محامى ولا قاضى
يحكملى بالعيشة فـ سلام
أبكى!!!!!!وهل هينفعنى؟؟
هل ممكن أصعب على حد؟
ولا حتى من بكائى هيحرمنى
ولا هيمسح بدمعى الأرض
عايش فى عالم ممسوح
من الحنان والحب والعطف
وعايش بـ قلب مجروح
ومركون فى آخر الصف
متقولوش عليا يائس
بس هى دى الحياه
مستورة بأحلى الملابس
لكن من جوة معاناه