ليه تشكي وتلوم الناس ليه تبكي وتكون حساس(تفكيرك محتاج تغيير)!!!
أغنيه راب كلماتها معبره وجميله
حبيت أجيبلكم كلماتها
اتفضلوا
(إم تي إم.راب)
(ليه تشكي؟؟!!)
أبقى كداب لو قلت مره إني نسيت أيام زمان
مهما كان مش هنسى إصحابي القدام
الأيام بتعدي والحياه بتستمر
دلوقتي بس عرفت إن أنا كبرت
إبتديت دلوقتي أفهم معنى كلمة المصالح
ناس تبقى إصحابك بس الكدب ف عينهم واضح
واضح إيه جواهم واللي كانوا فاكرينه سر
حاولت كتير معاهم وإستحملت
ممكن أكون صغرت ف عينهم بس خلاص مبقاش يهم
مش هسأل ليه بيقولوا عليه كلام زي السم
مش مهم مين يتكلم مش مهم مين ينم
المهم إن المهمه بتاعتي لازم تتم
سيبكوا م الكلام بقى سيبكوا م الفضايح
سيبكوا من الكذب إنتوا بتلعبوا ف الوقت الضايع
عالعموم كله رايح
ومفيش فايده من النصايح
ليه تشكي وتلوم الناس؟
ليه تبكي وتكون حساس؟
تفكيرك محتاج تغيير
الدنيا أبسط من كده بكتير
ليه واحد صاحبي قريب
جدع كويس وكمان طيب
ونتيجته ف الكليه زي ما هي دايما جيد
بيحب واحده زميلته
يعرفها من يوم ما قابلته
هتقولولي إيه مشكلته
مشكلته يا جماعه مع عيلته
أنا مش فاهم ليه مصرين إنه يتجوز بنت خاله
قال إيه كانوا متفقين طب بس وهو ماله
دلوقتي قاعد حزين مبيتكلمش وقاعد ف حاله
بقى عامل زي المجانين هيرحب بالموت لو جاله
ليه تشكي وتلوم الناس؟
ليه تبكي وتكون حساس؟
تفكيرك محتاج تغيير
الدنيا أبسط من كده بكتير
شديت باسبوري وخدت الفيزا
أهو جه دوري أروح أمريكا
أرض الأحلام بلد الأفلام ومتنساش المزيكا
مكنتش عارف رايح فين
أو هجيب فلوس منين
كل اللي أنا كنت عايزه إني أتصرف ف قرشين
وكنت حاطط ف دماغي إني أعيش يومين
كنت فاكر إني هعمل من الألف ألفين
ودخت على شغل ورحت وجيت كتير
ودقت هناك المر وشفت إني أسير
لناس ملهاش كبير
لناس ملهاش ضمير
لناس مبتتمناش لحد غيرها خير
وكانت ضربه قاضيه يوم ما رحلوني
رجعت وإيدي فاضيه ده غير كمان ديوني
جنوني والفلوس عموني
صدقوني حقكوا تلوموني
ليه تشكي وتلوم الناس؟
ليه تبكي وتكون حساس؟
تفكيرك محتاج تغيير
الدنيا أبسط من كده بكتير
|