بصوا يا جماعه يعني دي من المرات القليله جدا اللي بفكر أكتب فيها شعر
ولو عجبكم هكمل ان شاء الله
لكن لو قلتولى الجمله الشهيره (اخرس متصدعناش) اوعدكم هخرس خالص
والله هو يعتبر تكمله لموضوع بوس
الحياة صعبة ^^
واللى علي كاتبفيه هو كمان
ونقول
الحياة صعبة ليه
سؤال ماحدش رد عليا فيه
ليه كلنا عايشين مستنيين
لحظة أمل بس مش لاقيين
كنا زمان بنحلم ببكره
بس دلوقتي حتى عالحلم مش قادريين
تفتكروا ايه السبب ؟
يمكن عشان احنا منفصلين
عن العالم اللي حوالينا ومش داريين
ومحدش فينا بقى قلبه عالتانى
وكلنا في الدنيا كده عايشين
عايشين وخلاص ومبقناش حاسين
بالقلوب اللى دايما جنبنا واقفين
الكره بقى مالينا وبيه هنفضل مكملين
طول ما قلوبنا كده تايهه هنفضل ماشيين
في دوامة الحياه غرقانين
وعمرنا ما هنفوق ما دام احنا ساكتين
عن الحق ودايما عيوننا مغمضين
حالنا هيتعدل بس لو كلنا قمنا واقفين
وقفة راجل واحد وإتحدينا كل الشياطين