[karmen]

(مودى راب)(التجربه الأولى)
الأغنيه الراب دى عجبتنى أوى وقلت أجيبلكم كلماتها
واهو برضو منها نفتح موضوع التجربه الأولى أو الحب الأول





مكنتش أعرف م الأول إنك مش بتحبينى
كنت بحاول أقصر المسافه بينك وبينى
حبيتك من زمان من قبل حتى ما أعرفك
من بين كل البنات كنت دايما بستلطفك



كانت أهم حاجه عندى انى أشوفك كل يوم
حبك كان بحر كبير مكنتش بزهق من العوم
أنا مهتمتش الأول بالموضوع لكن لاقيته زاد
إكتشفت اللى أنا فيه لما جه وقت البعاد



كنت فاهم إن الحب ده مجرد إشتغاله
وان اعجابى واقتناعى بيه حاجات ملهاش دلاله
لقيتك وخدانى شدانى من كل كيانى
حسستينى ان الحياه معاكى ليها شكل تانى





نصيحه لأى شاب غيرى مر بتجربه
اللى تحبك بجد بجد إوعى تنفضلها
لو بتحب واحده غيرها انت اصلك مش فى قلبها
لما تشوف إزاى حب اللى بتحبك هتحبها



أوقات كتيره كنت ألمحلها اللى بين كلامى
مش عارف واخده بالها واللا مش حاسه بآلامى
احترت كتير أروح أكلمها واللا مش لازم دلوقت
أو طب قدام شويه لما أعصابى تهدى اكون روقت




لكن حكيت كل اللى حسيت بيه من يوم ما شوفتها
من يوم ما قلبى قال أنا اتغيرت لما عرفتها
ملقيتش منها رد مقنع أو إجابه عالسؤال
بلمت سكت ملقيتش أى حاجه تتقال



قلت أراجع نفسى جايز أخرج من أوهامى
جايز أفهم إن ده مكنش حلم من أحلامى
كانت صدمه عنيفه صدمه كسرت ضلوعى
إزاى أبان قدامها جامد وأنا غرقان فى دموعى






نصيحه لأى شاب غيرى مر بتجربه
اللى تحبك بجد بجد إوعى تنفضلها
لو بتحب واحده غيرها انت اصلك مش فى قلبها
لما تشوف إزاى حب اللى بتحبك هتحبها





صدمتى فى الحب الأول فلسفتها فى الظلم
اللى هتحس بيه أى واحده أحبها
بعد الحلم اللى مكنش مكتوب إنه يتحقق
أو يتصدق
علطول هفضل مفتكره لا يمكن منه هفلق



التجربه الأولى دى علمتنى حاجات كتير
علمتنى أفكر ألف مره قبل التقرير
التجربه الأولى دى تجربة تحديد المصير
أوصل للى أنا عايزه أو هتجنن م التفكير




كانت أول مره فى حياتى أغلط فى قراية إنسان
أوهام كانت وخدانى
أحلام كانت شدانى
محسسانى بالحياه اللى رجعت أعيشها من تانى
ندمان؟؟
لأ مش ندمان بس محتاج مهله للنسيان






نصيحه لأى شاب غيرى مر بتجربه
اللى تحبك بجد بجد إوعى تنفضلها
لو بتحب واحده غيرها انت اصلك مش فى قلبها
لما تشوف إزاى حب اللى بتحبك هتحبها






*كلمه أخيره


لييييييه يا حبيبتى ما بيننا دايما سفر
ده البعد ذنب كبير لا يغتفر

لييييييه يا حبيبتى ما بيننا دايما بحور
أعدى بحر ألاقى غيره غيره اتحفر

ورا كل شباك ألف عين مفتوحين
وأنا وانتى ماشيين
يا غرامى يا حزين لو ابتسمتوا بضربة حجر
ولو افترقتوا متحسرييييين










أولا قولولى ايه رأيكم فى الأغنيه


ثانيا قولولى هل فعلا التجربه الأولى والحب الأول فى حياتنا بيأثر فينا بقية حياتنا واللا عادى مش بيأثر
ويا ترى ممكن تنسى حبك الأول(أو زى ما بيقولوا حبيبى الأولانى ) ببساطه واللا على رأى رامى صبرى
ممكن أنسى اسمى أنسى الناس أنسى أعيش بس أول مره أحب مبتتنسيش