بلدنا حلوة وظريــفـــــة........................شوارعنا جميلة ونضيفة
ولامرة تمشى ف شارع.......................تلاقــيه مليـــان زبالــــة
استحالة
خلاص هخلص كليــــة .......................والاقى القهوة مستنية
اروحواحجز مكـــــــان.........................بلدنا مفيــهاش بطالـــة
استحالة
مولدات م السد العالى........................تكفى قارة ياعينى ياليلى
وبعد ده كله تيجى تقولى..................بلدنا مفيــــهاش انــــــــارة
استحالة
وانبوبة بتلاتين جنـــــيه.........................لسه تحــــــت الدراســة
حرام عليكو عاوزين ايه..........................عاوز شكوى روح السفارة
استحالة
خلاص هنعمل اعادة هيكلة.............ياسيدى سيبها ماشية سبهللة
والمعارضة بتعلــى صوتهــا..............دول ناس بتوع جلجلى جلجلة
هو فيه حد بيقول لا لا لالا
استحالة
مش عارف الضرب جاى منين..........من الشمـــــــال ولا اليميـــــن
قفاى احمر واروح لميـــــــــن...........فين العدالة والله فيــــــــــــن
اصل بلدنا فيها كتير حثالة
استحالة
اكل فاسد ومياه فاسدة.....................قاعدين بناكل ومفيش فايدة
الدوا كمان بناخده فاسد.....................نسبة العيانين ف بلدنا زايدة
ضغط وسكر 70 مليون حالة
استحالة
مجلس ايه ونيلة ايـــــــــه..................هو ده اللى انتو شاطرين فيه
والجديد جردل لكل مواطن..................علشان ياسيدى ياخد فيــــــه
موتوهم حتى تنقرض السلالة
استحالة
ايه ده حوش حوش ياحواش.....................لسه ياناس القطر معداش
استنى ياعم ياواش يـــاواش.....................ياناخد حقوقنا يااْما بـــلاش
هييجى اليوم اللى نقول فيه لالالالا...
دى بقى (مش استحالة)
