طبعا السرقه بقت حاجه اساسيه وموجوده فى مجتمعنا واى مجتمع
لكن اللى بيختلف طرق السرقه والأساليب اللى بتميز كل حرامى او سارق عن التانى
طريقه النهارده عجبانى جدا وهى لسرقه التاكسيات تعالو معايا نشوف القصه على فكره(وااااااااااااااقعيه)::
مره سواق تاكسى بيلف علشان الزباين وكده وقفه واحد لابس ابيض فى ابيض وذقنه بيضاء هى كمان فالسواق وقف ليه وساله : رايح فين يا حاج؟
قاله: رايح الجامع اللى فى المنطقه الفلانيه
قاله : حاضر
وهو ماشى وقفه راجل تانى وقاله ودينى المنطقه الفلانيه يااسطى لو سمحت
قاله حاضر بس نوصل الشيخ الاول
قاله شيخ مين
قام السواق قاله اللى قاعد جنبى ده
قام الراجل قاله هو فين ده ياعم
السواق يا راجل قاعد جنبى اهوه
الشيخ رد وقاله: محدش يقدر يشوفنى ولايسمعنى غيرك
السواق وهو محمر ومذبهل طبعا: ليه؟
الشيخ: لاننى عزرائيل وجاى اقبض روحك انزل اتوضا وصلى ركعتين قبل ما اقبض روحك
طبعا السواق نزل جرى ودخل الجامع ولما طلع لقى ايه.......
ولا حاجه
ولا تاكسي ولا راجل ولا أى حاجه
والشيخ طلع حرامى اصيل واللى معاه مدبرينها والراجل مستفدش بحاجه
غير ان قلبه كان هيقف وكمان صلى ركعتين وكسب ثوابهم
