المصرى ال على حق يقول للغلط لأ

عايزين ننشط الموضوع ونفيد بعضنا
يا ريت كل مصرى على حق
يدخل ويقول ظاهرة سيئة فى البلد ويقول الحلول ال هو يعتقدها
عايزين نشاط جامد مش مرة ونسكت
يا جدعان دى بلدنا لازم نحسنها بنفسنا
احنا شباب المستقبل مش نعد نتحسر وخلاص
على الاقل ممكن الموضوع ده يحركنا ويحمسنا ان احنا نعمل حاجة

يلا عايزين نشد حيلنا
البلد ملهاش غير أبنائها
بس مش كل واحد يدخل ويكتب مرة واحدة وخلاص
لازم كل شوية ندخل ونجيب كل ال مشاكل ال عندنا ونحاول نصلحها
فى ناس فقدت الامل فى البلد لكن احنا بامكانا ان احنا نعيد الامل
من جديد

تحياتى

بالرغم من ان ده من رأيي لا هيقدم ولا هيأخر
وان احنا مفيش في ايدينا حاجه نعملها للبلد دي
طول ما الناس الكبار دول واكلينها وهي والعه
بس انا هتفاعل في الموضوع ده لعل وعسى
أنا هتكلم دلوقتي عن مشكلة البطاله اللي بقت ماليه البلد
مشكله زى الزفت وبتحطم طموح الشباب من اول ما يتخرج ويقابل الواقع المرير قدامه
أنا شايفه ان الحكومه لو تعمل تعيينات كل سنه حتى لو كانت بسيطه اهى برضو هتساعد شويه
لكن ده للأسف الحكومه شالت ايدها تماما من موضوع التعيينات ده
انا رأيي بقى ان الشباب ميقعدش ساكت ومستسلم لظروفه
وقاعد عالقهوه طول النهار والبلاى استيشن طول الليل
يحاول يعمل اى حاجه مفيده
اللى معاه فلوس يفتح مشروع كويس ويحاول يشغل معاه كام واحد من اصحابه ومعارفه
واللى معندوش مقدره يتعلم أى حرفه او صنعه تفيده
ده مش عيب
ونحاول كلنا نساعد بعضينا
اللى يقدر يشغل حد في مكان مثلا هو شغال فيه ياريت يعمل كده
طالما الحكومه مش هتساعدنا وسايبه ولاد البلد دي
يبقى ولاد البلد دي هما اللي يساعدو بعضهم ويخافوا على بعضهم
ميرسي يا علي عالموضوع
وان شاء الله نشوف مشكله تانيه
ماهي المشاكل ماليه البلد من ساسها لراسها ومش هنخلص

شكرا يا كارمن على التفاعل الجميل
امال فين الباقى
هو مفيش مصريين على حق ولا ايه؟

اخي الفاضل البرنس لا يمكن تغير اي شيء في مصر الا بتغير الدستور الدستور الذي يجعل من الرئيس هو الحاكم بامر الله شوف الرءيس مرتبة كام الرءيس ملوش مرتب الرءيس يقاسم الشعب في كل الايرادلت شوفو ثروة الرءيس كام مليارات با القانون الكلام كتير قوي يا برنس

انا هتكلم عن موضوع التعليم التعليم ف مصر محتاج نقله بجد التعليم مش بيقدو ولا بياخر ده في ابحاث بتقول ان الطفل المصري بيكون اذكي طفل ف العالم لحد ست سنين يعني بمجرد دخوله للمدرسه بيبقي والحمدلله ومش هبالغ اغبي طفل نفسي افهم يعني هو الغاء وترجيع سنه ساته هو اللي هيحل ويحسن التعليم ولا نظام الثانويه العاميه المعقده اللي ياعيني بتخلي المساكين الطلبه ينتحروا والمواد اللي متتفهمش ولازم مجموع ولو مفيش مفيش جامعه كويسه وحتي لو في جامعه هتنخرج ومفيش شغل انا لما بقارن بين التعليم برا وبين هنا خصوصا المانيا والله بحزن بس يلا الحمدلله وانشاء الله فيه امل ممكن يكون بعيد بس لايأس مع الحياااااااااااااااااااااه

شكرا ع المرور ونورتى الموضوع

انا هتكلم عن مشكلة المرتبات
يعنى المرتب ال اى حد بياخده من الناس العاديين
مظنش انه هيكفيهم لما يلاقوا كل حاجة بتغلى فى البلد يعنى المفروش يكون فى توازن
يعنى لما الحاجة تغلى يبقى المرتبات تزيد
لكن ده ولا بيحصل
مع ان بلدنا مش فقيرة بس المشكلة ف ال بيتحكم فى الفلوس بتاعة الدولة
فيها ايه لما يزود المرتبات
ازا كان ال بيشتغلوا مش مكفيهم المرتبات امال الشباب العاطل
ال مش لاقى شغل يعمل ايه
بلدنا جميلة لكن محتاجة شوية توازن

الموضوع ده المفروض يكون اسمه
لو عايز تعرف حقيقة بلدك
او لو عاوز يجيلك شلل وتنتحر
هههههههههههههههههههههه

بس بجد تسلم ايدك يا على

ههههههههههههههههههههههههههه

الله يسلمك يا عسل