طبعا يا شباب الماجيك كلنا سمعنا عن موضوع أنفلوانزا الخنازير اللي معذب العالم كله
ولحد دلوقتى المصل النهائي لسه مكتشفوهوش

بسبب هذا الوباء العالمي
قرر مسئولون التربيه والتعليم تأجيل الدراسه من يوم 26/9/2009
الى يوم 3/10/2009


الى حين قرار آخر


ماما بقى بم انها بتشتغل في التربيه والتعليم قالتلى انهم بعتولهم نشرات بإحتمالية
تأجيل الدراسه الى يوم 3/12/2009



وكمان مانوللى صاحبتى بتقوللى ان وزير التعليم العالى قال ان القرارات دي هتطبق على التربيه والتعليم فقط
وليس التعليم العالى
أى المدارس ولكن الجامعات ستظل كما هي في الميعاد المحدد لها للدراسه
26/9


(ده على أساس ان طلاب الجامعات يموتوا عادي مفيش مشاكل في داهيه)



أنا كمان سمعت ان فيه كذا قرار بخصوص التعليم:

**التعليم اما هيكون بالنقل :يعني هيلغوا السنه دي خالص وينقلوا الطلاب للسنه اللى بعدها منغير امتحانات
يعنى اللي 2 يبقى تالته واللى 3 يبقى رابعه وهكذا


**أو يبقى التعليم عن طريق الانترنت والتليفزيون والطلاب ميروحوش المدارس ويروحوا عالامتحانات فقط


**أو يأجلوا التعليم كلم شهر كده على بال ما الوباء نشوف آخره
بعد كده التعليم يرجع عادي زى الأول

** أو يخلوا الدراسه 3 أيام في الأسبوع و3 أيام
ويقسموا الطلبه عالأيام دى بحيث يخفوا الضغط والتجمعات شويه


#برضو أنا سمعت ان الوباء لو انتشر أوى هيخلوا كل القاهره
ويعملوا حاجه زى هجره داخليه من المدينه الى الأقاليم
يعني عكس كل اللي احنا متعودين عليه
دايما الهجره الداخليه بتبقى العكس



&سمعت برضو ان الوباء بينتشر في الشتاء وان الصيف والحر بيقتلوا المرض
فربنا يستر علينا واحنا داخلين عالشتا


#كمان سمعت ان المصل اللى اكتشفوه بدأ يكون (أنتيبوديز)(anti bodies)
أجسام مضاده
اكتشفوا حاله في المكسيك أخدت المصل وبدأ جسمه يكون اجسام مضاده تحارب المص نفسه
يعنى المصل كده باى باى



والله يا جماعه هو ده كل اللي سمعته وعرفته عن وباء أنفلوانزا الخنازير
من مامتى وقرايبى وهكذا ومعرفش صح واللا غلط



وعن طبعا عدم وجود أى استعدادات في مصر المحروسه للتصدى لهذا الوباء



احنا منتظرين رحمة ربنا ومعتمدين عليها مش أكتر من كده
و(قل لن يصيبنا إلا ما كتب الله لنا)



##لو حد عنده أى استفسار عن موضوع أنفلوانزا الخنازير يسألنى وأنا هجاوبه بإذن الله
من متابعتي للموضوع
وياريت تشوفوا الموضوع ده كمان يمكن يفيدكم
موضوع شامل عن أنفلوانزا الخنازير وبداية العام الدراسي(ربنا يستر)

وأى استفسار أنا في الخدمه
وأى حد حابب يضيف عالموضوع للإفاده يتفضل


تحياتى كارمن

انا فعلا سمعت بالقرارات دى بس كل ده كلام
بس القرار ال هم بيأكدوا عليه انهم هيخلوا 3 ايام دراسة فى الأسبوع
يلا ربنا يستر

بس أنا عايز أعرف ليه مش مهتمين بالجامعات
انا بصراحة حاسس ان مصر مش مستعدة لأى حاجة وأعدة تتكلم وخلاص

بس انا عايز استفسر يا كارمن عن حاجة اسمحيلى
هل فعلا فى قرارات هتتنفذ ولا هم لسة بيتكلموا؟

شكرا على الموضوع الهم
تقبلى مرورى

انا بردو سمعت القرار ده بس ما اعتقدش انه اكيد

أنهى قرار ده يا بوس؟؟
ميرسي ليك عالمرور