البدايــــــــــــــــــــــة



عنـــاصر القصـــــة


الطفــــل : وليكـــن محمــــد

الأم

الأب


أحداث ســــن الطفولــــة



جريت عليهــا وأنا ببكـــي وخدتنـــي في حضنهـــا

قسمــا بالله يا اخواننـــا أنــــا مش عــــارف حضـــن الأم ليه بيطمن أوي

قالتلى مالك يا ميدو

خايف من ايـــه

قلتلهـــا : خايف من الضلمة ياماما

قالتلـــي : حد يخاف برده من الضلمة

فيـــه بذمتك حد بيقرأ قرآن وعارف ان ربنــا بيحبه ويخاف من الضلمة

ميدو : طب بصي يا ماما سيبيني أنام في حضنك حبة ومش هخاف وأروح سريري تاني


الأب : ما تنام يا واد في سريرك ايه الرجالة دي

ميدو : يا بابا انا لســـة صغير ، ولسة مش بقيت راجـــل

الأم : تعالي يا حبيبي انا هاجي معاك وأقرالك قرآن لغاية ما تنام

ميدو : أيوة يا ماما لحسن خايف

الأم : لا متخافش يا حبيبي لما تسمع القران ربنا هيطمنك باذن الله

وقعدت أمي علي طرف السرير

وقعدت تقرأ من القرآن

ومش عارف ليه يا أخواننــــا

وأنا في حضــن أمـــي وبسمع القرآن

الحاجتين دوول اللـــي ريحونـــــي جدا

ونمت

نمـــــت

نمــــــت بجد وأنــــا مرتـــــــــاح

كنت خايـــف وبقيــــت مش خايــــف


أحداث ســـن الشبـــــاب


الأم : رايح فيـــن يا ميدو

ميدو: أكيـــد خارج يعنــــي ولا هقعد معاكي في البيت

الأم : طب يا ابنــــي ما تتأخرش وخلي بالك من نفســـك

الحاج ميدو : يييييييييييييييييي

اسطوانـــة كل يوم بقــــي

يا ستــــي خلاص

حفظتهــــــــــااااااااااااااااا

بصي إرحمينــــي منهــــــــــا حبـــة الله يستــــرك

وخرج ميدو

الأم بتكلم نفسهـــا : نسيت أقولك يا حبيبـــي اني بقيت أخاف من القعدة لوحدي

بعد أبوك الله يرحمــه ما مات

ونزلت دموعهـــــا

نسيت أقولك يا حبيبــــي انى معادش ليا بعد ربنا غيرك

ومحبكش تكلمني كده لأن قلبي بيتقطــــع

أنت عارف يا ميدو

ده أنت حتي معدتش بتســألني بتاخدي الدوا ولا لأ

مكسوفة أوي منك يا ميدو انى أطلب منك تنام في حضنـــي لحد ما أنام يا ابني

نسيت أقولك كمان

ان كل يوم لما بتعاملني كده

عمري ما دعيت عليك

وبدعيلك يا ابني

والأهم من ده كله

انا في سنــي ده معدتش بقدر أتحرك

بس بقوم يا ميدو عشان أجهزلك أكلك وشربك وهدومك

نسيت أقولك يا ابني انى نفسي مرة واحدة تاخدني في حضنك

ليه يا ميدو كده يا ابني

هو انا قصـــرت معاك

هو أنا عمري حرمتك من حناني

طب انا محتاجالك

وخايفة يا ميدو

من بعد والدك ما مات

معدتش بتكلم معاك لأنك دايمــا نايم

ولا عدت بكلم حد لاني مبقدرش أخرج ولا أنزل

محتاجالك أوي يا ميدو

وفجــــــــــــأة

اشتد ألم القلب بهـــــا

فنـــــادي الباريء وديعتــــــه

فاشتـــــد نزعهــــــــــا

آخر حاجة عملتهـــــا مسكت التليفون

وكلمت ابنهـــــا

وكل اللى قالته


أشهـــد أن لا إله إلا الله

وأشهــد أن محمدا رسول الله


وخارت القوي

وصار الموت يجذبهـــــا من كل عرق

ففـــــاضت الروح إلي بارئهـــــا

واستردت المودع أمانته

واستقـــر جسدها علي الأرض


&&&&&&&&&&&&&&&&&&&&&&&&



تصدقـــوا بالله

أنا هجـــري وأركع تحت رجلين أمـــي وأبوس ايديها

عشــــان مش عاوز أبقي زي ميدو

وأســــأل نفســـي

إمتــــي آخـــر مرة حضنتهــــا


بس لأ

مش هسيب نفسي لعذاب النفس

المهم

السؤال للأخـــوة المشاهدين


وخلف شاشات الكمبيوتر

آخــــر مرة عاملت أمك فيهــــا حلو كانت إمتــــــي ؟؟؟؟

آخــــر مرة وطيت علي ايد امك بوستها امتي

طب اخر مرة حضنتهـــا غير الاعياد والمواسم كانت امتى

يا اخواننـــــا

والله الحقوا

الموت مبيستناش

المــــــــــــــوت

مبيستنـــــــــــــــــــاش

ياااااااااااااااااااه
والله موضوع مؤثر جدا
اوحش حاجه في الدنيا ان الام او الاب يبقوا محتاجين ولادهم وميلاقوهومش
الا عقوق الوالدين يا جماعه
بس انا بصراحه مش ببوس ايد ماما خالص ولا بنام في حضنها غير في المواقف الصعبه جدا اللى ببقى محتاجه ليها فيها
معرفش ليه
بحس كده انى بتكسف احضنها او ابوس ايديها
مش عارفه ليه
ميرسي يا مانوللى عالموضوع

اولا احب اشكرك على الموضوع الجميل والموثر ده
بصراحة موضوع رائع
....................

عقوق الوالدين ده حاجة صعبة جدا
الانسان العاق لوالديه بعيد عن رحمة الله
وكفاية ان ممكن يكون سبب دخولك الجنة او دخولك النار هيا كيفية كعاملتك لوالديك
حتى لو كنت تؤدى فرائض الله على اكمل وجه
............................
انا الحمد لله قريب جدا من امى وبعتبرها صاحبتى
انا مش هقولكم انى ببوس اديها كل يوم ولا الكلام ده
بس كفاية ان الوحد يكون حاسس ان امه راضية عنه
انا اخر مرة خضنت ماما وبست اديها كان يوم العيد ودى يعنى من طقوس العيد عندى
اما بابا فهو بعيد عنى شوية يمكن علشان ظروف شغلة اللى بتخليه دايما مسافر
..........................
يا جماعة لما يكون والديك رضيين عنك ههتفتح قصادك الدنيا وربنا هيوفقك فى كل حاجة سواء فى شغل او دراسة او اى شي فى الحياة
..................................

شكرا على الموضوع الرائع

شكرا على موضوعك يا مانوللى بجد الام والاب حاجه ما يتعوضوش
وما حدش هيحس بكده الاا اذا لا قدر الله رحلوا وتركونا

ميرسي يا مانوللى عالموضوع

مشكورين يا جماعة لمروركم
كارمن تافا ادمن جولدن مان

الام دي مخلوق ملائكي صعب انه يحقد ولا يكره يااااااااااااااااه الام دي معجزه من المعجزات وقليل يرضيها حتي لو كلمه الله علي هذا المخلوق ميرسي بجد ع الموضوع المؤثر ده التحفه بمعني الكلمه وتقبلي مروري يا قمر

شكرا ع موضوع الجميل ده ويارب كل الناس تتعظ وتتلعم من اخطاء الاخرين وبشكرك لتانى مرة مانوللى

موضوع أكثر من مؤثر
اللهم ارزقنا حسن البر بوالدينا
وطاعتهم دائما يا رب العالمين

جزاك الله خيرا مانوللى على الموضوع