أبوس إيديكم متفضحوناش يا بنات!!!!!

إتصل بنا

منتدي q8-one.com ۝ المنتـدى الــعـــام ۝ اضحك من قلبك أبوس إيديكم متفضحوناش يا بنات!!!!!

karmen مراقبه القسم العام

آنستي العزيزة.. لو ربنا فك عقدتك.. واتخطبتي..فإليك نصائحي حتى تأخذي بخطيبك من مركب الخطوبة بس خليها وانتو مكتوب كتابكم بلاش خروجات من غير عقد (عشان الرقابة

إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد..

أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقه

1- لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا

2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفّي زي ما إنتِ عايزه....

3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزاكي تنسى تمامًا.. السلطانية اللي بتقيميها على بقك ف البيت.. وتدلدقي على روحك

بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....

4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..

5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..

6- السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..

7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..

8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..

9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....

ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا أودامي أسبوع.. هابطل أكل فيه.....

وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..

وبعدين تستأذني منه لدخول التوليت لإصلاح هدومك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي..
وبالهنا والشفااااااااااااا

admin TO BE OR NOT TO BE

فن الاتيكيت المزيف

مشكور ليكى على الموضوع

توقيع

mahmodsalama

دائما مميزة وبنت بلدوهية دي خفة دم المصريين الموضوع ممتاز

توقيع

golden man رئيس فريق التنشيط

يا سلام يا سلام هى دى الوصايا العشر ربنا يكرمك
علشان كده انا مش ناوى اخطب يعنى هتبقى خطوبه وشهر واحد وبعدين الجواز

karmen مراقبه القسم العام

المشاركة الأصلية كتبت بواسطة admin اقتباس :

فن الاتيكيت المزيف

مشكور ليكى على الموضوع

ههههههههههههههههه
فعلا
بس متنساش ان ده هزار
ميرسي على مرورك اسامه
وخللى بالك اكيد انت مش هترضى ان خطيبتك متكونش شيك في تعاملها مع الاكل

karmen مراقبه القسم العام

المشاركة الأصلية كتبت بواسطة mahmodsalama اقتباس :

دائما مميزة وبنت بلدوهية دي خفة دم المصريين الموضوع ممتاز

ميرسي كتير يا محمود على مرورك
والله انا بيسعدنى كتير اوى انى ارضيك

karmen مراقبه القسم العام

المشاركة الأصلية كتبت بواسطة golden man اقتباس :

هههههههههههههه
ما هو بعد الجواز بردو لازم الواحده تبقى شيك
مش في الخطوبه بس
ميرسي هيما على مرورك

admin TO BE OR NOT TO BE

المشاركة الأصلية كتبت بواسطة karmen اقتباس :

شبك فى التعامل مع الاكل

معتقدش
اداب الاكل اهم من الشياكه فى الاكل

وبعدين تكون شيك فى التعامل معايا انا قبل الاكل

karmen مراقبه القسم العام

ما هو اداب الاكل
بتؤدى الى الشياكه فى التعامل مع الاكل
وهما الاتنين بيكملوا بعض
ولابد منهم
وعشان تبقى شيك في التعامل معاك
لازم بردو تبقى شيك فى التعامل مع الاكل
لازم الشياكه في كل شئ
عشان ميحصلش نفور من اى طرف للطرف الآخر
واللا أنا غلطانه؟؟؟؟؟؟؟؟؟؟؟

admin TO BE OR NOT TO BE

المشاركة الأصلية كتبت بواسطة karmen اقتباس :

مش لازم اكون شيك فى طريقه الاكل علشان اكون شيك فى المعامله

متفضحوناش, لتنس, بنات!!!!!, إيديكم

الموضوع التالي