السلام عليكم ورحمة الله وبركاته

كنت قاعدة بتفرج انا وماما عالتليفزيون
ففى برنامج لقيته شغال
انا متبعاه على طول بيتكلم في قضايا ومشاكل المجتمع والمشاكل بين الرجل والمرأة سواء حبيبين او مخطوبين او زوجين

ففي مرة كانوا بيتكلموا عن الثقة بين الرجل والمرأة
وايه اللى يخلي الرجل ميكونش واثق في خطيبته او زوجته
والعكس مع المرأة

ففى ناس قالت المجتمع دلوقتى والناس بقوا وحشين اوى
وفي اراء كتير اتقالت
واتقال من ضمن الاراء
ولد كان رايه انه علشان يكون واثق في البنت قبل ما يتجوزها انها تعمل كشف يوضح انها اذا كانت عذرء ام لا
حصل كلاااااااااااااااام كتير اوى من اللى بيقدموا البرنامج ومن الجمهور الموجود
واراء مختلفة كتير اتقالت
في بنت قالت اوافق علشان اثبتله انى تمام وانهاا تتجوزه وتكمل معاه
وفى بنت قالت لا طبعا مستحيل اوافق لانه كدة بيشكك فيا وفى اخلاقى
وفى بنت قالت هوافق واعمل الكشف اللازم واوريله النتيجة وبعدين هسيبه واستحالة ارجعله
وفى ام قالت استحالة ارضى على بنتى كدة واكيد هنرفض
وام تانية قالت هوافق واثبتله وهجوزهاله
وفي ولد قال انا لازم اطلب من البنت اللى هتجوزها الطلب ده علشا البنات اليومين دول مش مضمونين
وولد تانى قال لا مستحيل اطلب الطلب ده علشان مرضاش ان اختى تتحط في الموقف ده
وفى وفى وفى
وكلام واراء واختلافات كتير اوى


الموضوع يمكن يكون جريء لكن حبيت اعرف رايكم فيه
لو ولد ممكن تطلب ده من خطيبتك؟ لو اه ليه ولو لا ليه باردو
ولو بنت ايه رد فعلك لو خطيبك طلب منك الطلب ده