موضوع فعلا يستحق المناقشة
من رايي ان في سن الدراسة لحد ثانوى غير مطلوب من الابناء الا التركيز في المذاكرة وبس
خلينا نتكلم احسن عن مرحلة الجامعة
في مرحلة الجامعة تلاقى الشباب منهم اللى منفض للتعليم خالص وبيروح يشتغل سواء علشان يساعد اهله او علشان يكفى مصاريفه الشخصية
ومنهم اللى بيتحجج بالدراسة ويقولك انا بذاكر مش فاضى للشغل والهم ده
وبعدين مانا بكرة هتخرج وهشتغل واتبهدل في الشغل فخلينى دلوقتى اتمتع بالجامعة احسن

من رايي الشخصى ان مرحلة الجامعة هى بروفا للحياة العملية
يعنى بجانب الدراسة المفروض ان الشاب يجرب حياة الشغل والتعب
علشان لما يتخرج يكون اتعود على كدة مش يبدأ بعد ما يتخرج يفكر هيشتغل فين وازاى
وكمان ده هيكون دافع ليه يحسسه بالرجولة وتحمل مسئولية نفسه
بدل مايروح يمد ايده وياخد المصروف زيه زى الطالب اللى في ابتدائي

وده طبعا لطلبة الكليات العادية اللى مش بتحتاج لمجهود في المذاكرة
اما طلبة الكليات اللى بتحتاج مذاكرة وجهد كبير زى طب وهندسة وعلوم والحاجات دى اكيد ميكونش عليهم اى لوم اذا مشتغلوش
ميرسي ليك احمد
موضوع جميل ويستحق المناقشة