اولا طلب الكبير الادمن
جمبرى جمبرى ماشوى جمبرى جمبرى طازه
بقولكم ايه احنا هنغنى نبداء كدا حلال الله اكبر
ودى هتكون اول اكله للشيف lost love معاكم ياجماعه
المقادير
كيلو جمبري وسط (منظف و مقشر)
4 كوب ماء
كوب و نصف نشا
2 بيضة
3/4 ملعقة صغيرة بودرة ثوم
3/4 ملعقة صغيرة بودرة بصل (لو مافيش ممكن6 فصوص ثوم مهروسين بالملح و الكمون و ريحوا نفوخكم) (بس طبعا البودرة نضف عليها لمسة اكنه معمول في مطاعم بره)
زيت للقلي
بقسماط
الطريقة:
في سلطانية كبيرة نخلط الماء و النشا و البيض
و نحضر كيس كبير و نحط فيه البقسماط علشان يسهل عملية تغطية الجمبري
و نخلط بالبقسماط بودرة الثوم و البصل
و لو مش متوفر نخلط بيه الثوم المهروس بس هنا هندعك كويس بإجدينا علشان الثوم يتجانس بالبقسماط
ركزوا بأه معايا هنعمل ايه علشان مايحصلش لغبطة
هنحط الجمبري في خليط الماية بالنشا و نقلب فيه كويس علشان نتأكد انه اتغطي كويس بالخليط
و بعدين نحطه في كيس البقسماط و نقلب كويس علشان يتغطي كويس
و بعدين ارجع الجمبري لخليط الماية النشا تاني علشان ياخد طبقة تانة
بس في السريع المرة ديه
و بعدين نرجه تاني لكيس البقسماط علشان ياخد طبقة تانية
و بعدين نحمرهم لحد ما يصلوا للون ذهبي جميل
و نطلعهم علي ورق مناديل المطبخ
وده هيكون شكله فالاخر معانا
و بالهنا و الشفا
توقيع
"... ظـ ل ـم الدنـ ي ـا..."
"...الظـ ل ـم مالـــــي الدنـ ي ـا..."
والعـدل مالوش مكــــان
الـ ن ـاس كلهــــا خايـ ن ـة
والانســان مبقاش إنســان
ظـ ل ـم النــاس للـ ن ــاس
عـــــدى حدوده خــلاص
لابقـى فيه إخـــــــلاص
"ولا بقـــــىفيه أمــــــان"
