جـــــرحــــنــــي
اهون عليا من اني اعيش بأوهام
ده عمره الحب يا حبيبي كان بس كلام
مش حلومك...مش حعاتبك
وحيفيد بايه العتاب ولا الملام
معدش ينفع افضل معاك
كنت عايشه العمر كله فداك
وبكل اخلاص كنت يا عمري بستناك
كنت فاكره اني ف بعدي بردو وياك
زي ما كنت انت ويايا ف كل ثانيه
اتخدعت ف حبك ووهمتني بهواك
واتاريني عايشه ف دنيا تانيه
دنيا بريئه ملكش فيها
الحب كان سماها والشوق ماليها
مشاعر طيبه واطهر احاسيس
خنتها بعتها وكمان بالرخيص
حوّلت ربيعي لخريف
ومن ورده مفتّحه لورقه ع الرصيف
نزلت الستاره وخلصت الروايه
جرح موّت الحب وهي دي النهايه
اللي انت كنت شايفها يا حبيبي من البدايه
لأ يا عين ما اتدمعيش
كفايه عذاب كفايه انين
مهما حصل ما اتبينيش
مش هو ده اللي علمتهولنا السنين
لازم نكمل لازم نعيش
نداري احساسنا نداري الحنين
كل اللي جمعنا ما يتنسيش
بس ده اللي مكتوب لينا
نتألم اوي وما نحكيش
تدبل عيوننا وتتربط ايدينا
