اول موضوع مقتبس من واقعنا المرير

الموضوع هيتكلم عن الرشوه

طبعا الرشوه بوجه عام بس اللى لفت نظرى اوى

وشوفته بعينى هى رشوه المرور



لما السواق بيكون ماشى فامان الله وتلاقيه مد ايده مالعربيه

وماسك جنيه ولا اتين حسب ضميره الاستك بقى
وبيحدفها لعسكرى المرور

اللى المفروض هو واقف علشان يحمى ارواحنا من الحوادث

السؤال هنا مين اللى غلط

الحكومه اللى بتحاسبنا على الرشوه دى

ولا العسكرى اللى بياخد كام جنيه اخر الشهر

صحيح اللى هو بيعمله غلط بس ياما هيرتشى ياما هيسرق

عايزين نعرف ايه الحل ومين اللى غلط ومين الصح
الحكومه ولا احنا

كويس اوى يعنى كلنا متفقين على ان الحكومه
والمرتبات وغلو الاسعار والخ ....
هو السبب فكدا طيب ماحنا لوسالنا الحكومه
هتقول هنجيب منين والشعب كتير
ومفيش ميزانيه ومفيش ومفيش
ايه الحل نعمل ايه عشان نعيش عيشه ايجابيه
من غير السلبيات اللى كل واحد منا
بيرميها على التانى

السبب على الاتنين
يعنى لو كل واحد مشى فى طريه مظبوط مش هقولك هيمنع الكلام ده بس على الاقل محدش هيقدر يقوله انت بتعمل ايه
ولو كل واحد اوراقه مظبوطه محدش برضه هيقدر يكلمه ولو كل واحد فينا بدا بنفسه ومنع الحاجه دى انه هو الى يرشي العسكري او الظابط ده
هتقل شويه بشويه هتقولى ما هو ميقدرش يعمل حاجه
هقولك ما هو لو لوحده مش هيعمل لكن لو لقيتك انتى عملتى ومرشتيش حد وبعدين يوسف عمل وانثى عملت وادمن عمل غصبن عن الشخص التانى مش هيلاقى حد يساعده على كده وثانيا دور الحكومه فى ان المفروض والمتعارف ان الشرطه والجيش دول اعلى مراكز فى الدوله ومناصب كويسه
يعنى لازم يتوفرلهم اساليب المعيشه الى تريحهم فلو الحكومه مقصره هيلجاوا انهم يشوفوا اساليب تانيه
ولما العسكري يشوف الظابط الاعلى منه والقدوه بتاعته بيرتشي يبقى هو الى هيبقى حرامى وكل شخص لما يشوف الى فوقه بيرتشي يبقى الى بيعمل ده حاجه عاديه يعنى من الاخر لو الكبير مش حرامى يبقى الى تحته مش هيبقوا حراميه
اا كان رب البيت بالدف ضارب فشيمة اهل البيت كلهم الرقص

بجد موضوع روعه