استايل خمس نجوم
شباب..لأ مش شباب
ولـَّعت النار لازم تلاقى هباب
واقف انا محتار..خايف اتلسع م النار
وتعبت ..والله تعبت..من كـُتر دق الباب
خلاص
للباب مش لازم تفتح..بس مخك لازم يـِفَتَّح
بص معايا وشوف...هتلاقى معايا الوف
شباب كتير مهفوف...م الصدمة تقعد وتنَّح
وتشيل ياصاحبى هموم
استايل خمس نجوم
بنطلونه ساقط..وهو حاطط ..ف وشه بودرة
مفيش رجال..دى شوية عيال..ع الفـُجْر قادرة
خلفية باينة...ياد داريها..كفاية فضايح
اقولك ايه............
مستنى واحدة ...تبص عليها...تقولك شاب قارح
تى شيرت مقطع..ولباس ملـَطَّع..ياكوم صفايح
يفردلى شعره..بجيلاد منتن
معلشى عاجبه..عيل معفن
يقولك شوف..................شعرى سايح
لأ...الحال ده مش لازم يدوم
استايل خمس نجوم
ده واد متعلم...بيقولى سورى
آآآآآآه ...لو أبوك سمعك
مكنش اتكلم...ع القفا يفترى
وبعدها يقولك ....ويأكدلك
اسمها آسف..او حقك عليا
لامؤاخذة..او اللوم عليا
ومفيش حد النهاردة كتووووووووم
استايل خمس نجوم
يمكن يكون عيب تربية
والتربية هى الأصل...إن صحت صح البقية
وأغانى تحيِّى مصر...بولاق شبرا الشرابية
والنتيجة بالتأكيد...شباب من غير هوية
ابسط ياخويا وزقطط...مالك قاعد مألفط
ماهى دى المعانى اللغوية
تصدق...استايل مليان غيوم
وجاى تقول استايل خمس نجوم
همسة....
لباس كلمة عربية فصحى
والمصدر منها ..لــَبَسَ
وابحث عنها فى المعم
فى باب (لــ) – مادة (لـ-ب-س)
عشان بس
كلامى يبقى كويس
ميبقاش...............
