آه م الفراق اللي يتّفقوا الحبايب فيه يبقوا صُحاب
آه م الفراق اللي بنشوف الحبايب فيه ده أصعب عذاب
ويا عيني عاللي كان بيحب التاني أكتر
بيهرب م المكان وبيبقى عذابه أكبر
ويا عيني عاللُقا منغير غيره وعتاب
ده مفيش بين الصُحاب غيره وعتاب
وافقته غصب عنّي ووافقني غصب عنُّه
مابانش ضعف منّي ومابانش ضعف منُّه
ومشينا كل واحد راضي بالإتفاق
وبان حُزنُه كُلّه وضعفه لمّا فاق
ويا عيني عاللي كان بيحب التاني أكتر
بيهرب م المكان وبيبقى عذابه أكبر
ويا عيني عاللُقا منغير غيره وعتاب
ده مفيش بين الصحاب غيره وعتاب
دلوقتي لُقانا هادي قال يعني شوقنا غايب
ويبان كلامنا عادي مع إنه كلام حبايب
وإن شوفته ويّا غيري يطوِّل في السلام
وشافني شايفه يعنِد ويطوِّل في الكلام
ويا عيني عاللي كان بيحب التاني أكتر
بيهرب م المكان وبيبقى عذابه أكبر
ويا عيني عاللُقا منغير غيره وعتاب
ده مفيش بين الصحاب غيره وعتاب
