في بيت صغير , دافي وجميل , إخوة وحب , تفاهم و وحياة , دمهم واحد , صلاتهم واحدة


ترابــــــــط عجيــــــــــــــب


وفي يوم كل أخ قفل باب غرفته وقال دي حدودي وأتحكم فيها بمنتهى الحرية !!

وأصبح هذا هو الحــال


جيرانهم في الشارع منهم المحب (ودا قليل اوي ) ومنهم اللي عايز يفرّقهم ويبعدهم (ودي الغالبية العظمى)

الجار الملاصق لغرفة أخ منهم حاول معاه , بيقرّب منه , خطف اكله , الاخ دا خاف اوي وراح لاخواته , اتفقوا سوا يعملو حلف ويقفو ايد واحدة ,

نجحوا فعلا بس بشرط

الشرط كان ان الاخ دا يفضل مسالم مع الجيران السيئين - بغض النظر الجيران هيعملو فيه ايه - مش مهم يخطفو اكله مش مهم يدبحو عياله . دي أمور سطحية !!!



الجيران قربو من الاخ التاني - الضعيف - دبحو عياله , خطفو اكله , وعياله الباقيين واقفين لهم مش عايزين يسلمو غرفتهم ( دي غرفة ابوهم واجدادهم ولو فرطو فيها الخطر هينتقل ع الغرفة التانية والتالتة والرابعة ..... والبيت كله هيغتصب)


محدش فاهم , محدش حاسس , الاخوة ليه اتفرقو

ليه صلاتهم مبقتش واحدة ؟؟؟

ليه الفجوة بينهم بتكبر ؟؟؟

ليه إحساسهم ببعضهم قلّ ؟؟؟


ياترى ليه ؟؟؟









::::::::::::::::::::::::::::::::::::::::::::::::


ليه بنقدر نضحك وناكل ونشرب واخواتنا في غزة ممنوع عنهم الأكل ؟؟؟؟؟؟؟


ليه قادرين نتكلم ونقول اننا بندافع عن الحق وكل واحد فينا فاكر نفسه قدوة أو حاجة كويسة وهو مش قادر يقول لا ؟؟


ليه مش شايفة ناس بتقعد مع نفسها وتحاسب نفسها ... ياترى لو واحد فينا مات هيقدر يقف قدام رسول الله ازاي ويقوله انا مدافعتش عن اخواتي ؟؟


ليه مش متخيلين إن الدور ممكن يجي علينا النهاردة أو بكرة ويمكن دلوقتي ؟؟؟



ليه تفكيرنا لسه محصور بين فيلا وعربية وشاليه في مارينا ولا حتى زوج حلو ووسيم ؟؟؟؟


فيه ناس هتقولي عايزانا نعمل ايه ؟؟ نجاهد يعني في سبيل الله - وتضحك بسخرية -

والله والله لولا ان حب الدنيا مأثر فينا ولاننا ذنوبنا مغرقانا مكانش دا هيكون الرد

جربتو تقفوا احتجاج ,, جربتو توصلو صوتكو .. جربتو تقولو لا,, جربتو حتى تلمو تبرعات ,, جربتو تروحو تتبرعو بالدم ,,, جربتو تشتروا بطانيات وأدوية لاخواتكم هناك ( اللي بيدافعو عن عرضنا كلنا هنالك لوحدهم ) ؟؟


طبعا لا


أصل احنا شباب هااااي وروووش وكلاااس وفي آي بي كمان الكلام دا مش في أجندتنا



ياترى فيه حد هنا دخل النهاردة فتح التليفزيون وشاف الاخبار واللي بيحصل لاخواته هناااك ؟؟؟؟؟؟؟؟؟؟؟

يعطيك العافيه ياقمر

جزاكِ الله خيراً لمحه


لكن سبحان الله مثلما تصوّرت حدث


لعل جيلنا هذا هو الجيل الذي سيُلقن درساً من أولاده وهم سيعلومننا كيف نصبح رجالاً وخداماً لهذا الدين وليس كمالة عدد على المسلمين





تسلمي يا لمحـــــه

تسلمي انتي كمان على مرورك


لكن المهم ليه محدش اتكلم فعلي ؟


النقاش عموما ظاهرة صحية والمفروض نتناقش يعني يمكن نطلع بفايدة بدل مايكون وقتنا كله ردود وووو مش هتثّقل موازيننا يوم القيامة


تسلمي ستار

مفيش كلام احلى من ده


وفعلا الواحد مفيش فى ايده غير الدعاء

اللهم انصر اخوانا المجهدين واعلى كلمه الحق والاسلام

وانا بضم صوتى لصوت رامى واسامه واقول اننا مفيش حاجه نعملها غير الدعاء

اللهم انصر اخواننا الفلسطينيين