" دعوه " تعالى نبطل سجاير سواا

إتصل بنا

منتدي q8-one.com ۝ المنتـدى الــعـــام ۝ المنتدى العام " دعوه " تعالى نبطل سجاير سواا

THE STAR

بسم الله الرحمن الرحيم

أكيد موجود هنا في المنتدى مدخنين وانا باقول اكيد وانا مدايقه اوى

المهم مش هاقعد اعاتب بقى واقول الكلام بتاع كل المواضيع اللى في الدنيا اللى بتتكلم عن التدخين
ومش هاقعد اغنيلك واقولك دا حرام ودا قتل ودا .. ودا .. والكلام الكتير دا

وبرضه مش هاقولك بيعمل ايه ولا هاجيب سيره الامراض اللى بيجيبها ولاااااا اي حاجه من دي

* * *

انا هاكون هنا معاك علشان تبطل السجاير وتكون انسان جديد

طبعا انت دلوقتى عمال تسأل في نفسك وتقول عبيطه دى والا ايه ؟ وهاتخليني ابطل السجاير ازاى والعبط دا ؟؟

هاجاوب عليك بقى واقولك : انا مش هاقولك طريقه تبطل بيها السجاير في خمس ايام ولا طريقه تبطل السجاير في ربع ساعة وكلام ***** والشعوذه ده ههههههههه

ولا هاقولك كل طماطم ولبان واعمل بلونات والكلام اللى انت اكيد جربته وماجبش نتيجه

كفايه رغي ندخل في الموضوع بقى ( بيتهيألي انت كدا وصلك ان الفكره مختلفه عن كل مواضيع التدخين )

المهم

اول حاجه انا عايزاها منك ومن كل الاعضاء اللي بيشربوا سجاير وعايزين يبطلوا بجد انهم يدخلوا هنا ويقلولوي ايه متوسط عدد السجاير اللي بيشربوها يوميا ويقولولى برضه اكبر كميه وصلوا ليها .. ومايجيش واحد خفيف يجي يقولى هو انا باعدهم ؟؟ والكلام الفاضي دا << اه اه انا بازعق فيك .. مالك مستغرب ليه ؟؟
انا الكبيره في الموضوع ده

نرجع للموضوع .. يعنى عاوزاك
تقولى بالتقريب بتشرب اد ايه في اليوم ماشي؟؟؟
وتقولى عندك استعداد تقلل بمقدار قد ايه
* * *
لو حاجه مش واضحه في الكلام اللى فوق هابينها بالمثال اللي جاي ده
7
7
7
مثلا: انت بتشرب في اليوم علبه = 20 سجاره وعندك استعداد تقلل بمقدار 3 سجاير

هاتعمل ايه بقى ؟؟ هاقوم متفقه معاك اتفاق كدا وكلام رجاله انك تشرب في الاسبوع ده كله 17 سجاره بس ماتزودش على ده . وعلشان يكون في متابعه وتقدر تكمل تيجي كل يوم بالليل قبل ما تنام وتدخل الموضوع هنا وتقولى يا شاطر شربت اد ايه وان زودت عن الكميه اللى اتفقنا عليها قولى برضه مش هازعل

وهااستمر معاك ونشوف بقى اخرة الدلع هههههه.

واضح كدا ؟؟ والا لا ؟؟ لو في حاجه مش واضحه قول لي في ردك

* * *
وطبعا في حاجات هاتساعدك منها :

.خلي كل حاجه ليها علاقه بالسجاير بعيد عنك على أد ماتقدر (الولاعه ـ الكبريت ـ الطفايه ـ وطبعا علبه السجاير ).
.حاول تشغل ايدك دايما.
"النقطه دي مهمه جدا
لانك واخد دايما ان في ايدك السجاره"

.وبرضه يعنى ابعد عن الحاجات اللى بتخليك تشرب سجاير كتير لو لما بتتنرفز بتشرب منها كتير فحاول تكون هادي وقيس على كدا .

.اغسل سنانك كتير اوى وحافظ على ده.

.واصحابك الحلوين الطعمين اللذاذ الرايقين لو هما بيشربوا برضه عرفهم انك بتبطل سجاير دلوقتى علشان يراعوا الموقف ومش كل لما يشوفك تاخد سجاره يا اسماعيل ؟؟ والكلام دا وعشان برضوا يحاولوا على اد مايقدروا مايشربوش سجاير قدامك.

.وافتكر انك عايز تبطلها وافتكر كمان انك واخد معايا وعد واتفاق وكلام رجاله هايبقى شكلك وحش اوووووووى لو ما عملتش اللى وعدت بيه << بامسكك من الايد اللى بتوجعك هههههههه .

* * *
قبل ماتكتب رد املى الاستماره دى هههههههه << كأنك داخل مصحه ، معرفش انت لو كنت مدمن مخدرات انا كنت عملت فيك ايه ؟؟ هههههههه

جاوبنى بقى ع الأسئله دي : << ماتخافش مش هاقولك عاوز تبطل السجاير ؟؟ والكلام القديم دا

بتشرب كام سجاره في اليوم (تقريباً )؟؟

وعندك استعداد تقلل بمقدار كام سجاره ؟؟ << بلاش تضغط على نفسك وتقولى 10وتعمل فيها بتاع

ههههههه

وهاتكون اد كلمتك وتحاول على قد ما تقدر والا كلام عيال ؟؟

هاتدخل كل يوم تقولى شربت كام واحده والا هاطنشني ؟؟؟؟

* * *
على فكره اكيييد هاتعدى علينا اوقات صعبه واحتمال تيجي مره وتقولى مش قادر او ممكن كذا مره ماتعملش اللى اتفقنا عليه .. عايزه اقولك ان كل دا عاااادى وانا مش هادايق منه وهاستمر معاك بكل الطرق ( على فكره انا بالي طويييييل بشكل يغيظ ههههه ) وافتكر انك مش هاتكون لوحدك ان شاء الله هايكون معاك كتير من الأعضاء اللى بيشربوا سجاير وهانشجع بعض ..
* * *
عاوزه تفاعل بقى .. ماشي ؟؟ والا لازم ازعق ؟؟

* * *

( مستنياكم ) ..

admin TO BE OR NOT TO BE

تسلم ايد على الطريقه

والنصيحه

وبفضل الله انا الا ادخن

توقيع

amira abdo

بجد فكره روعه وياريت فعلا الشباب اللي بيشربوا سجاير يجوا ويقولو شربوا قد ايه وناوين يبطلوها ولا لا لان بجد السجاير دي اختراع بشع مش بيجي وراه غير الاذي والتعب سيبكم بقي من الكلام ده علي رائي ستار عاوزين كل شباب المنتدي تدخل وتقول عاوزين تفاعل والشباب مش يركنوا التوبيك ع الرف بس بجد حركه تحفه منك يا ستار وتستاهلي عليها بجد كل خير ياقمر تسلم ايدك وجزاكي ربنا بجد كل خير

توقيع

افضل 15 مشارك

انا ليه ساكته عليه
انا ليه سايباه يتقرب مني
ضعيفه قصاد عنيه
مع اني انا مش كده وده جنني
كل اللي يقول عليه
بقي حلو علي قلبي ليه
سلمت خلاص باينلي
يظهر ده اللي اسمه ايه

انا طول الوقت مكسوفه
اجي اتكلم بتغلبط ليه
مخبيه اني ملهوفه
مينفعش ارمي نفسي عليه
بجد بجد مش عارفه ايه ده اللي انا فيه
انا ليه بالي طويل
وياه مش قادرة استني ثواني
وعرفت سهر الليل
وبقيت اسهراسمع ف اغاني
من يومي مشغوله بيه
ف نومي محلمش الا بيه
سلمت خلاص باينلي
يظهر ده اللي اسمه ايه

انا طول الوقت مكسوفه
اجي اتكلم بتغلبط ليه
مخبيه اني ملهوفه
مينفعش ارمي نفسي عليه
بجد بجد مش عارفه ايه ده اللي انا فيه

انا ليه ساكته عليه
انا ليه سايباه يتقرب مني
ضعيفه قصاد عنيه
مع اني انا مش كده
وده جنني
كل اللي يقول عليه
بقي حلو علي قلبي ليه
سلمت خلاص باينلي
يظهر ده اللي اسمه ايه

البرنس الوحدانى

تسلم ايدك يا جميل الموضوع المفيد ده ويا رب الكل يبطلها

يلا شدى حيلك معاهم ووريهم العين الحمرا
ولله الحمد أنا الى الان مش بدخن
تحياتى

توقيع

أتعلمين أن القمر يغار منك والشمس حينما تراكى تذهب لتجعلك بنورك الساطع وجمالك الرائع أن تنيرى لنا حياتنا.....

كنت أسير فى طريق مظلم لا أرى فيه الا الوحدة والكآبة والحرمان
ولكن بعد فترة رأيت نورا من بعيد أعاد لى الأمل من جديد وشعرت أنى أملك كل شئ فى هذه الدنيا

ولكن بعد فترة رأيت نورا من بعيد أعاد لى الأمل من جديد وشعرت أنى أملك كل شئ فى هذه الدنيا
وترسمت على وجهى سعادة لم يرها أحد من قبل......

Silver *_* عـدو المرأة *_*

موضوع جميل يا ستار

وأنا مش هأقدر املى الاستمارة

عشان انا بفضل الله مش مدخن

واتمنى ان كلامك يكون موجه للنبات والولاد

لأن زى ما فى ولاد بيشربوا فى كمان بنات بيشربوا

وفى مواضيع كتير فى الماجيك عن السجاير والتدخين

حوار صحفى بين مذيعه وسيجاره!!!!

اخر السيجاره

لو عاوز تقنع واحد يبطل التدخين تقوله ايه ؟؟؟؟؟ارجو التثبيت

التدخين غير ضار بالصحة (( اثبات بالصورة ))

لو سمحت عندك سجاير من غير رسمة ؟ ؟؟؟؟؟؟؟؟؟؟؟؟؟؟

صوره معبره عن التدخين

أضرار التدخين

التدخين ..الموت السريع

فوائد التدخين ....ّّّّ!!!!

حوار بين مسواك وسجارة

اضرار التدخين

شاهد صور هذه العاهرة.......وعلاقتها بالشباب

سيجـارة تايهـة

ღ๑ஐ۩۞۩ஐ๑ღالحياة أثمن من أن تحرقها لا تحرق نفسك وشاهد ღ๑ஐ۩۞۩ஐ๑ღ

التدخين ..الموت السريع

نتمنى من الجميع التفاعل فى المواضيع

وان يشاركنا بارائه فى النقاشات

تسملى ستار ع المبادرة

والله الموفق

توقيع

رأيت الهَم في الدنيا كثير ... وأكثره يـكون مــن النساء

فلا تأمن لأنثي قــط يوما ... ولوهبطت عليك من السماء

THE STAR

ههههههههههههههههههه
طب ده معنااه حاجه من اتنين
اولا : ان يكون مفيش حد في المنتدى بيدخن >>>> وده شئ مستبعد مش كده ولا ايه *_^
ثانيا : ان في ناس بتدخن ودخلت الموضوع ويا معجبهااش يا اما رافضين التغيير اصلا >>> ودي تبقى كارثه
عموما اشكركم جميعا كل اللي ردو على الموضوع
وكوس قوي ان في شباب كتير كده مش بيدخنو
ربنا يهدي الجميع
تحياتي

", تعالى, دعوه, سجاير, سواا, نبطل

الموضوع التالي