|
|
|||||||
| منتدي الفنون الادبيه شعر و قصائد وقصص وفنون أدبيه يُمنع وضع المواد التي تحتوي على موسيقى |
 |
|
|
أدوات الموضوع | إبحث في الموضوع | انواع عرض الموضوع |
|
#1
2010-01-17, 11:58 PM
|
||||
|
||||
دنيـــــــا الســــــراب
دنيـــــــا الســــــراب
دنيا السراب فيها الحياه زي الضباب تِبدأ بدايه مدندشه في حضن أجواء الشباب وقلوب تعيشها مفرفِشه تفتح لها ع الجنه باب لكن بغدْر من الزمن ييجي الخراب ييجي الخريف تِعبان مُخيف والليل يسُود يخنق نهار والقلب في عز النهار يتمنىَ ساعه فيها نور والعمر يجري يروُح بعيد من غير ما يتكلم .. يثور .. أو يستجير والطور في ساقيه فيها طين عمال يدُور ومغميين عينه اللي أصلا همَّا عوُر لا يشوف نهار ولا حتى ضوء جاي من فنار ولا سكه بتعدِّي الجسور وف دنيا نار زي الجحيم مفهاشي نور لكن عذاب زى القبور السيف معلـَّق في الهوا مستني لما الطور يكون صبرُه استوىَ ينزل عليه زي الساطور والدم يفضل بالسنين عمال يفور يشرب ( شيطان القهر ) منه ويرتـَوَىَ والدم يسرح في الغيطان شرايين تفرَّع تجري ولأبعد مكان مرعوبه من غدر وشرور تبعِد بعيد عبر الزمان تعمِل هناك مليون لسان على طرفها إحساس مرير تحكي حكايات انقضِت سايبه وراها ديل هوَان عن ظلم ومصمم يجور عن ديب بيلـْبَد بالشهور بعدين يبان وعلى الغنم يبدأ .. يثور يفضل يدُوُر حوالين فريسه واستوِّت قبل الأوان حتى اللي كان هوّه الغفير كان يحمي كام مليون خروف حضر الوليمه وانتشىَ زي الضيوف كل م الفريسه بدون ضمير ونسي انه كان هوّ اللي حارس ع الألوف بعد الفريسه اللي ابتداها بالخروف دلدل لسانه وراح هناك علشان يشوف مين اللي هيكون في الفـُطوُر وقعد يسجِّل في الكشـُوُف ولكل إسم قـُصادُه دوُر والدنيا تِلـْعَب لِعبها ويـَّا الزمان بعد الشباب ما يكون بقلب ابيض نضيف بيعيش حياة عز القصور حواليه عطور وف جو صيف بعد الربيع ييجي الخريف مليان تراب والريح معاه مليانه خوف من نفخه ينفخها الشيطان فيها العذاب دخان فظيع تعمِل هباب والزوبعه تفضل تدور ويكون هناك عند القبور مليون سؤال ملهوش جواب عن دنيا غطاها السراب
__________________
 أنا شاب لكن عمري ألف عام وحيد لكن بين ضلوعي زحام خايف و لكن خوفي مني أنا أخرس و لكن قلبي مليان كلام عجبي !!!! 
|
|
#2
2010-01-18, 12:38 AM
|
||||
|
||||
|
مستني لما الطور يكون صبرُه استوىَ
ينزل عليه زي الساطور والدم يفضل بالسنين عمال يفور يشرب ( شيطان القهر ) منه ويرتـَوَىَ والدم يسرح في الغيطان شرايين تفرَّع تجري ولأبعد مكان مرعوبه من غدر وشرور تبعِد بعيد عبر الزمان تعمِل هناك مليون لسان على طرفها إحساس مرير تحكي حكايات انقضِت ................. يادودو ياجامد اووي طل عمرك جامد ياحضرة الافوكاتو هههههههههه تقبل مني مروري
__________________
  اعتذر عن قلة دخولي بسبب قبول فترة الامتحانات
|
|
#3
2010-01-18, 08:29 PM
|
||||
|
||||
|
بعد الشباب ما يكون بقلب ابيض نضيف
بيعيش حياة عز القصور حواليه عطور وف جو صيف بعد الربيع ييجي الخريف مليان تراب والريح معاه مليانه خوف من نفخه ينفخها الشيطان فيها العذاب دخان فظيع تعمِل هباب
|
|
| مواقع النشر (المفضلة) |
| الكلمات الدلالية (Tags) |
| الســــــراب, دنيـــــــا |
|
|
العرض العادي
