اهلا بيكى معانا فالمنتدى ومنوره الموضوع
بس احنا هنعمل المواضيع خارج الموضوع ده
هيكون احسن يعنى كل واحد شايف مشكله معينه
يعمل موضوع خاص بالمشكله دى
اتمنى تكون الفكره وصلت

بما انك صاحبه الموضع وقولى فكره

نتكلم على الرشوه بواجهه عام

بس نلتزم اداب الحوار


وانا هقول رائيى لانى اتعملت مع مصالح كثيره وشوفت بعينى اكثر

الناس المرتشيه بتعتبر ده حق مكتبس ليهم

وكمان مش مثلا تدفع رشوه ومثلا تنجز عملك لا انت بتدفع وبرضه تستنى دورك بدل ما يكدروك

وغير كده الرشوه ممكن تدفعها للتغير واقع وحقائق


والراشى والمرتشى فى النار


بس فين ناس بتكون مكبره على ذلك


ربنا يعافينا ويهدى الناس

والله لو هنتكلم على موضوع الرشوه أنا شايفه إنها بقت أسلوب حياه
يعني مثلاً لما أي حد بيدي لأي حد تاني فلوس عشان يسله حاجه معينه
مبيبقاش ساعتها حاطط في دماغه إنها رشوه لأ ده بيعتبر إن دي حاجه عاديه كل الناس بقت بتعملها
خلاص المبادئ والصح في زماننا ده إختلطوا بالغلط ومبقاش حد عارف فين الصح وفين الغلط
يعني مين مثلا فينا لما بيروح دلوقتي أي مكان أو مصلحه حكوميه ويدي للموظف فلوس عشان يسهله الإجراءات
مين فينا دلوقتي بيعتبر ده رشوه
مفيش حد بيعتبرها رشوه عشان خلاص الحاجات دي بقط نمط حياه
وطبعاً ده غلط جدا أنا مبقولش كده إنه صح
عالعموم ربنا يهدينا
المجتمع والزمن ده مبقتش أي مصلحه فيه تمشي منغير ما الواحد يبحبح إيده شويه مع الناس
وبالنسبه للموضوع كله عامة موضوع وفكره حلوه أوي يا ريمو
ولو كل واحد فكر في موضوع أنا شايفه إنه أحسن يعمله في موضوع لواحده عشان المواضيع تزيد في المنتدى
بس طبعاً لازم أول ما يعمل الموضوع يجيب الرابط بتاعه هنا في الموضوع الأساسي ده

ايون انا بقول كدا ياكارمن
لما انثى البنفسج سالت يعنى
وموضوع الرشوه هعمله موضوع لوحده لسه
وشكرا جدا للكلام الكبير ده انتى وادمن

ايوه كده يا لوست
وريهم الشغل يا كبير
يالا علشان ننشط المنتدى
واما نشوف بقية الفريق هيعمل ايه

ابداء انت بس ياسيادت الرئيس واحنا وراك
وانت عمال تقول وريهم وريهم طيب فين مواضيعك
ولا انت ليك الاشراف علينا وبس

والله عندك حق يا جوست
طب أنا عندي فكره تانيه
ممكن بعد ما نقترح موضوع للنقاش ونتناقش فيه في الموضوع ده وكله يبقى تمام ونخلص الموضوع خالص
صاحب فكرة النقاش ياخد كوبي لموضوع فكرته ولكل المشاركات اللي تخص موضوع النقاش وينقلهم في موضوع مستقل
المهم سواءاً أي فكره هي اللي إتنفذت ياريت كل اللي يدخل يقولنا طيب رأيه في الموضوع اللي إقترحته ريم (الرشوه بوجه عام)
عشان نفتح مجال للنقاش وميبقاش الموضوع ده مجرد فكره منتظره الإقتراحات للتنفيذ لأ عاوزينه يبقى موضوع نشط

كلامك كله جميل جدا ياجوست
وان كانت الفكره كدا كويسه للجميع اوك
نبداء بقى
وعايزين حد يقولنا على اول
مشكله قابلته ومحتاجه النقاش

فيييييييييييين التفاعل والمشاكل
ايه مافيش حد بيقابله مشكله خالص
فين الاستاذ هيما حضرتك مش رئيس فريق التنشيط يافندم
فين تفاعلك مع الموضوع
يعنى ندبس ياجماعه حدمعين يطرح مشكله
ونتناقش فيها