ليه يادنيا
لسه يادنيا بتسالينى
مش حاسه ليه بالهنا
لسه ناوية تجرحينى
وتسالينى مين انا
انا انسان دايما مجروح
عايش حياتى حلاوة روح
فتحت عنيا على الم وجروح
والغدر فى عمرى وايامى
رصيده كبير وحساب مفتوح
كل مابعمل خير فى حياتى
الاقى غدر عايش بوضوح
* * *
كل مابرجع بزكرياتى
اسمع صوت اهات بتنوح
ودموعى دايما على الخد
مع انى مظلمتش حد
وعشت فى عمرى ظلم بجد
ومشيت ياما على الاشواك
مع انى مظلمتش حد والله مظلمتش حد
والدنيا دايما نسيانى
نسيت عطفى حبى حنانى
وحتى لما بتفتكرنى
تجرجنى فى كل كيانى
انا جوايا عذاب وهموم
بتزيد يوم بعد اليوم
دايما ببكى نهارى وليلى
مع انى دايما مظلوم
كل مابرجع بزكرياتى
اسمع صوت اهات بتنوح
ودموعى دايما على الخد
مع انى مظلمتش حد
وعشت فى عمرى ظلم بجد
ومشيت ياما على الاشواك
مع انى مظلمتش حد والله مظلمتش حد
