بحبك اكتر من نفسى !!!

[white_zomby]

كلنا لينا اخوات واهل واصدقاء بنحبهم كتير اووووووووووى
بس يا ترى ممكن تحب حد فيهم اكتر من نفسك ... صعبه شويه
بس مش مستحيله .... والله بتحصل .... ممكن تحب حد اكتر من نفسك... ممكن لو بأيديك تختار الموت لنفسك وتبعده عن الشخص ده ..... ممكن ؟؟ ... بيحصل ؟ ..جايز....مش عارف
ممكن لو حد عزيز عليك توفى ..... بجد تعيش حاله من الوحده متقدرش تخرج منها من بعده ؟ ... اكيد هو ده اللى بتحبه اكتر من نفسك !!!


يا ريت .. وبجد من قلبك .... تذكر الاشخاص اللى انت بتحبهم اكتر من نفسك .... تذكر ليه بتحبهم اكتر من نفسك وايه مميزاتهم وتتمنى لهم ايه وتقول ليهم ايه .... بص قول اللى نفسك فيه .... واللى مش عاوز يوضح الشخصيات براحته ...المهم الشخص اللى انت تقصده يفهم ..... لان هو ده المطلوب !!! وفى الاخر تهديله اى حاجه بيحبها ولو فى صوره يبقى كده تمام اوى !!!


انا عامل الموضوع ده لانى حسيت انى ما راعتش شعور شخص اعز عليا من نفسى .... بس للاسف مش هيقدر يشوف الموضوع ده ... بس اهو حاجه اريح بيها نفسيتى شويه !!!


يا ريت تقول اللى انت بتحبه اكتر من نفسك ... اللى لو خيروك تموت انت ولا هو ؟ ... تقول انا بدون تفكير
وانا بطلب من اقرب اصحابى انهم يخشوا اشوف اللى جواهم اكتر(فن ديزل وسلفروالاسمر وسوكلوز والقاضى وليون واحمد رجب ولوست لف ) .... وطبعا اعضاء المنتدى الغاليين ... وخصوصا اخواتى بتوع الخناقه(برنس اوف اليكس ومانوللى وكارمن) .... واكيد طبعا رد الادمن هيكون مهم اوووى ويا ريت يرد ويقول ع اللى جواه مش يقول مشكور !!!

واتمنى مشوفش كلمه مشكور وخلاص !!!

[golden man]

خلاص مش مهم ارد انا بقى
انا اسمى مش مكتوب

[white_zomby]

والله يا جولدن مان على راسى ..... بس اعذرنى لانى مش بخش كتير
بس يهمنى رايك اوى ...... حتى لو مش عشان خاطرى ..عشان خاطر اللى بتحبهم انت ... يشوفوا كلامك يعرفوا معزتهم عندك اد ايه .... وبكرر اسفى ليك.... واى عضو اسمه مش مكتوب بتاسفله اعذرونى اعتبر جديد فى المنتدى .. اه لمحه حب كمان وصاحب القلب الميت والبرنس الوحدانى ... واخويا بلابل مقدرش انساه ....

[golden man]

ولا يهمك انا كنت بهزر انا مش محتاج حد يقولى ادخل رد ولا عندك راى تانى
انا الحمد لله عندى اصحاب كتير وبحبهم جدا بس عندى واحد بحبه جدا مش مهم اسمه المهم انه راجل بمعنى كلمة راجل يعنى
عمره ما طلبته فى حاجه واتاخر عليا بعتبره اخ ليا بجد مع انى ما اعرفوش من كتير بس الحمد لله بعتبره اكتر من اخ وفعلا لو طلب منى حاجه
مهما تكون عمري ما اتاخر عنه باذن الله ولو هضحى بنفسي علشانه يعنى الحمد لله الناس الى عرفوه من خلالى كلهم بيحسدونى عليه

[لمحه حب]

اولا تسلم على التوقيع ايوه مش التوقيع الاول تانيا بنسبه للموضوع فعلا في ناس ممكن تنمني لنفسنا الموت بس هما يكونو بخير وساعات ممكن ترضا انك تتحرم منه بس يكون بخير حته لو حتطمن عليه من بعيد يمكن انا ماعنديش صحبات اوحد كان عندي صحبه وحده وظروف فرقتنا عن بعض وصحبتي دلوقت هيا عندي امي بحبها اكتر من نفسي ديما بدعي انو يجعل يومي قبل يومها لاني بجد هيا ظهري في الدنيا ديه وصعب اووي تفقد اعز الناس عندك في الدنيا مجرد مابتفتكرهم بيحس انك نفسك تشفهم وبتفتكر احلي ايام عمرك معاهم بجد الناس دول بيسبو بصمه جامده في حياتنا صعب تتنسي بس حيفضله احلي ذكره في حياتنا والف شكر ليك على الموضوع

[white_zomby]

اولا انا بحب اشكر جولدن مان ولمحه حب انهم شاركونى موضوعى
واعذرونى انى مشاركتش لانى مشغول بالجيش ....


بس انا عن نفسى بحب اصحابى كتير اوى اوى ... وساعات كتير او قليل بفضلهم عن نفسى .... بس صعب اوى احب واحد فيهم اكتر من نفسى .... واللى يقول فيهم انه حبنى اكتر من نفسه مش هصدقه ....


نيجى بقى للناس اللى بحبهم اكتر من نفسى ....

امى : طبعا لازم احبها اكتر من نفسى ... كفايه انها لو فى ايدها خير بتحب تديهولى انا .... بتفضلنى عن نفسها ... بتتعب اوى عشان انا ارتاح .... حتى بعد ما كبرت انا فضلت مريحانى ... عموما مش لاقى كلام اقوله ممكن يعبر عن اللى جوايا ...

3mm : تقريبا انا عمرى ما حسيت انى مرتبط بحد بالدرجه دى .... حد بيحبنى اوى ودايما بيتمنالى الخير ... ودايما بيراعنى فى تفكيره ... بيحب يسمع كلامى ... ليه بقى محبوش اكتر من نفسى ؟؟

Moo : الحد الوحيد اللى حسسنى انى ندل لانه قدملى حاجات كتير اوى وانا لحد دلوقتى مش عارف الاقى فرصه اقدمه حاجه تفرحه ... اصفى قلب عرفته ... يا رب اعرف اساعده وافرحه ... وبهديله الكلمات دى " how can you see into my eyes like open doors"