منتدي q8-one.com  

العودة   منتدي q8-one.com > ۝ المنتـدى الــعـــام ۝ > منتدي الفنون الادبيه

منتدي الفنون الادبيه شعر و قصائد وقصص وفنون أدبيه يُمنع وضع المواد التي تحتوي على موسيقى

إضافة رد
 
أدوات الموضوع إبحث في الموضوع انواع عرض الموضوع
  #1  
قديم 2009-07-15, 07:02 PM
الصورة الرمزية karmen
karmen karmen غير متواجد حالياً
مراقبه القسم العام
 
تاريخ التسجيل: Mar 2009
الدولة: دايخه في دنيا بايخه
المشاركات: 15,237
karmen is on a distinguished road
افتراضي رباعيات صلاح جاهين

1-شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب و جرحي لهيب
ودواك فرغ مني .... و إيه العمل
عجبي !!!

2-أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي !!

3-إيش تطلبي يا نفس فوق كل ده
حظك بيضحك و انتي متنكده
ردت قالت لي النفس : قول للبشر
ما يبصوليش بعيون حزينة كده
عجبي !!

4-إقلع غماك يا تور وارفض تلف
إكسر تروس الساقية و اشتم وتف
قال : بس خطوة كمان .. وخطوة كمان
يا اوصل نهاية السكة يا البير تجف
عجبي !!!






5-سنوات وفايته عليا فوج بعد فوج
واحدة خدتني ابن والتانية زوج
والتالتة أب خدتني .. والرابعة ايه
ايه يعمل اللي بيحدفه موج لموج

عجبي!!!



6-يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
عجبي !!!!

7-علي بعد مليون ميل من أرضنا
من الفراغ الكوني بصيت أنا
لا شفت فرق بين جبال و بحور
و لا شفت فرق ما بين عذاب أو هنا
عجبي !!

8-إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!

9-نظرت فوق للنجوم و انا ساير
رجليا عترت في الحفر و الحجاير
بقيت أقول و انا ع التراب: يا سلام
مش بس عبره أخذت لكن عباير
عجبي !!!



10-- يا نجم .. نورك ليه كده بيرتجف ؟
هو انت قنديل زيت ؟ أو تختلف
- أنا نجم عالي .. بس عالي قوي
و كل ما انظر تحت اخاف انحدف
عجبي !!!!

11-وقفت بين شطين علي قنطــــــــــــــــــرة
الكدب فين و الصدق فيـــــــــــن يا تري
محتار ح اموت .. الحوت خرج لي وقالي
هو الكلام يتقــــــــــــاس بالمســـــــــــطرة
عجبي !!!


12-الدنيا أوده كـــــــــــبيره للانتظار
فيها ابن أدم زيه زي الحـــــــمار
الهم واحد .. و الملل مشــــــترك
و مفيش حمار بيحاول الانتـــــحار
عجبي !!

13-أيوب رماه البين بكل العـــــــــلل
سبع سنين مرضان وعنده شلل
الصــــبر طيب .. صبر أيوب شفاه
بس الأكـــــــــاده مات بفعل الملل
عجبي !!!


14-نسمة ربيع لكن بتكوي الوشـــــــوش
طيور جميلة بس من غير عشـــوش
قلوب بتخفق إنما وحـــــــــــــــــدها
هي الحياه كده .. كلها في الفاشوش
عجبي !!!!

15-كروان جريح مضروب شعاع م القمر
سقط من السموات فؤاده انكســـــــــر
جريت عليه قطه علشان تبلعـــــــــــه
أتاريه خيال شعراء و مالهـــــوش أثر
عجبي !!!

16-ياللي نصحت الناس بشــــــــــــــرب النبيت
مع بنت حلوه .. وعود , وضحك , وحديت
مش كنت تنصحهم منين يكســــــــــــــــبوا
تمن ده كله ؟ ... و الا يمكن نســـــــــــيت
عجبي !!

17-ما حد في الدنيا واخد جزاتــــــــــــــــــه
و لا حــــــــــــــــد بيفكر في غير لذاذاته
ما تعرفيش يا حبيبتي .. أنا و انتي مين؟
إنتي عروس النيل ... و أنا النيل بذاته
عجبي !!


18-رقاصه خرسا و رقصه من غير نغــم
دنيا . . يا مين يصالحها قبل النـــــدم
ساعتين تهز بوجههـــــــــــــــا يعنـي
يترجرجوا نهديها يعني نعـــــــــــــــم
عجبي !!!

19-إخطفني ياللي تحبني ع الحصان
الدنيا قالت يوم في ماضي الزمان
إخطفني ياللي تحبني ع الـــــفرس
الدنيا قالت .. قام خطفها الشيطان
عجبي !!!!

20-من بين شقوق الشيش و شقشقت لك
مع شهقة العصافير و زقزقـــــــت لك
نهار جديد انا . . قوم نشوف نعــمليه
انا قلت يا ح تقتلني .. يا ح اقــــــــتلك
عجبي !!!

21-جالك أوان ووقفت موقف وجـــود
يا تجود بده يا قلبي يا بده تجــــود
ما حد يقدر يبقي علي كل شـــــــئ
مع إن – عجبي – كل شئ موجود
عجبي !!!




التعديل الأخير تم بواسطة karmen ; 2009-07-15 الساعة 10:33 PM
رد مع اقتباس
  #2  
قديم 2009-07-15, 10:19 PM
الصورة الرمزية radwan
radwan radwan غير متواجد حالياً
 
تاريخ التسجيل: Aug 2008
الدولة: مصر ام الدنيا
المشاركات: 1,682
radwan is on a distinguished road
افتراضي

-سنوات وفايته عليا فوج بعد فوج
واحدة خدتني ابن والتانية زوج
والتالتة أب خدتني .. والرابعة ايه
ايه يعمل اللي بيحدفه موج لموج

عجبي!!!

وعجبى
__________________
افضل 15 مشارك


رد مع اقتباس
  #3  
قديم 2009-07-15, 10:30 PM
الصورة الرمزية karmen
karmen karmen غير متواجد حالياً
مراقبه القسم العام
 
تاريخ التسجيل: Mar 2009
الدولة: دايخه في دنيا بايخه
المشاركات: 15,237
karmen is on a distinguished road
افتراضي

فعلا عجبى على المبدع صلاح جاهين
ميرسى رضوان عالمرور
رد مع اقتباس
  #4  
قديم 2009-08-13, 03:40 PM
الصورة الرمزية mahmodsalama
mahmodsalama mahmodsalama غير متواجد حالياً
 
تاريخ التسجيل: Jun 2008
الدولة: مص_____الغاليه_____جدا__
المشاركات: 1,255
mahmodsalama is on a distinguished road
افتراضي

الله عليكي ياكارمن ممتازة
__________________
رد مع اقتباس
  #5  
قديم 2009-08-13, 09:51 PM
الصورة الرمزية karmen
karmen karmen غير متواجد حالياً
مراقبه القسم العام
 
تاريخ التسجيل: Mar 2009
الدولة: دايخه في دنيا بايخه
المشاركات: 15,237
karmen is on a distinguished road
افتراضي

ميرسى ليك يا محمود عالمرور
رد مع اقتباس
إضافة رد

مواقع النشر (المفضلة)

الكلمات الدلالية (Tags)
جاهين, رباعيات, سلاح

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
[كلمات] كل ما كتب صلاح جاهين من رباعيات وأشعار (موضوع متجدد) karmen منتدي الفنون الادبيه 91 2010-03-14 08:41 PM
[شعر] عناوين جرانين المستقبل (صلاح جاهين) karmen منتدي الفنون الادبيه 0 2010-03-14 08:22 PM
الضاحك الباكى ( صلاح جاهين ) صانع الخيال منتدي الفنون الادبيه 2 2010-02-07 02:38 PM
من أشعار صلاح جاهين karmen منتدي الفنون الادبيه 8 2009-10-28 12:16 AM
مختارات من شعر صلاح جاهين karmen منتدي الفنون الادبيه 6 2009-05-05 01:42 PM


الساعة الآن 07:29 PM.


Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd. TranZ By World 4Arab
www.q8-one.com