هيما والنشره اللئيمه [الأرشيف]

مشاهدة النسخة كاملة : هيما والنشره اللئيمه

golden man

2009-04-14, 11:33 PM

اود ايها الاعضاء الكرام ان اقوم بعمل نشره لبعض اخبار الماجيك المحليه والعالميه

الداخليه والخارجيه وذلك بعد ان قامت كل القنوات بتعدى الحدود من داخل اراضينا وخارج الوجود

ساقوم ولاول مره واخر مره ان شاء الله بعمل دور اذاعى مجنون

اريد اولا هل توافقون على بدا هذا العمل الاذاعى المجنون ام لا
لتكملته ان شاء الله

هيمة فرج

2009-04-15, 12:16 AM

موافقة

تسلم ايديك على الافكار

golden man

2009-04-15, 02:41 AM

تشكر هيمااااااااااااااااااااااااااا

GHOST

2009-04-15, 05:44 AM

أوافق ولكنني أرجو توضيح الفكره

ولو اللي في بالي يبقى اتكل على الله

وزييييييييييييييييييييييييييييع

karmen

2009-04-15, 10:24 AM

ان شاء الله موافقين
بس انا كمان مش فاهمه المقصود بالفكره أوى

Silver

2009-04-15, 01:59 PM

أنا مش عارف أقولك إيه ؟!!

عيش أيامك يا هيما

وأنا عارف أن هتعمل حاجة حلوة

ياريت بقى متكسفنيش

golden man

2009-04-17, 02:26 AM

ما تقلقش يا سيلفر وكله هيشوف الفكره وكده اقدر اقدم اول الاخبار قريبا جدا

وانا عمري كسفتك يا سيلفر انت حبيبى وشكرا على المرور لكل الاعضاء الى شرفوا الموضوع

golden man

2009-04-18, 06:03 PM

بسم الله الرحمن الرحيم
السلام عليكم ايها الاعضاء الكرام

معا فى اولى حلقات هذه النشره التى ارجو ان تحوز ولو على قدر بسيط
من اهتمامكم وان اكون وانا متقمص دور المذيع ان اكون شخصيه مرحه على قلوبكم
وتقبلوا خالص احترامى وتحياتى

ونبدا مع عناوين النشره

1) حمد الله على السلامه
2) جوست اسعد الاعضاء وليس اسعد الناس
3) تبرعوا للمنتدى
4)تتعدى سرعة الصواريخ

وانتظرونى بعد الفاصل على ما انام شويه واقوم اكمل تفاصيل النشره

ملاك الروح

2009-04-18, 06:53 PM

ف انتظارك يا مان
ومتنساش بس وتروح ف النوم واحنا قاعدين نستني النشره

Silver

2009-04-19, 01:24 AM

لأ يا هيما أنت بتهزر :-s

قوم يلا وكفاية ونوم (:|

احسن والله .....>:)

وأنت عارف أنا ممكن أعمل إيه :ar!

بسرعة عشان ميعاد المسلسل اللى بعد النشرة قرب

والمخرج عمال يقوللى خليه يخلص :-t :!!

GHOST

2009-04-19, 07:33 AM

بسم الله الرحمن الرحيم
السلام عليكم ايها الاعضاء الكرام

معا فى اولى حلقات هذه النشره

ونبدا مع عناوين النشره

2) جوست اسعد الاعضاء وليس اسعد الناس

اظاهر كده يا ابراهي ان النشره جامده جداً

وبجد بدايه فيها

اثاره & متعه & تشويق

وليه بس كده^#(^

حيرت قلبي معاك:x

حاولت اني أدارى:-ss عن عيون الصحافه & التليفزيون
&
وسائل الاعلام

ولكن مع النشره:a (102): اللئيمه**== مع هيمه:a (105):

مفيييييييييييييييييش حد:a (94): بستخبى>-)

ونشوف :-/

مستنيينك:-?

youssf_star2008

2009-04-19, 09:35 AM

ههههههههههههههههههههههههههه يلا ياهيمه ، هو انا ممكن ازيع معاك
ههههههههههههههههههههههههههه

golden man

2009-04-19, 10:35 AM

اولا متشكر جدا للاعضاء الى نوروا الموضوع وباذن اله يا جوست حاجه تسعدك وتشرفنى يا يوسف طبعا
ومعلش يا سيلفر ويا ملوكه لسه صاحى وندخل علىالتفاصيل على طول

1) حمد الله على السلامه

اولا فى بداية النشره اود ان اقول لكل من غاب عن المنتدى فتره وعاد حمدا لله انك بخير ومن لم يعد يعود قريبا باذن الله
وخصوصا سلمى حمد الله على السلامه وانك بخير الحمد لله ويا ريت الحركه دى ما تنعملش تانى

2) جوست اسعد الاعضاء ولكن ليس اسعد الناس

من المعروف ان جوست هو وسلمى حبيبان وطبعا ربنا يوفقهم وجوست طبعا اكيد هو اسعد الاعضاء لانه تاكد ان الخبر كان كذبه والحمد لله
وان سلمى والحمد لله بخير ولكنه ليس اسعد الناس لانه حتى الان لم يتاكد كليا لانه لم يري سلمى امام عينيه وباذن الله يا جوست ربنا يحققلك حلمك

3) تبرعوا للمنتدى

نظرا للعطل الذى حدث منذ يوم فى المنتدى فقد تبين ان اللدمن لم يسدد الرسوم المستحقه وقد طلب منى الادمن ان اذيع هذا النبا عليكم حتى ترافوا بحالة المنتدى وبما انه غالى عليكم اذا تبرعوا له بمشاركتكم ولا مانع من نقودكم حتى يظل المنتدى كما تتمنوه دائما وما تصدقوش اى كلام تانى

4) تتعدى سرعة الصواريخ

من المؤكد ان الاعضاء استغربوا من عناوين الاخبار فى هذه النشره ولكن هذا هو الخبر الاكثر غرابه بعد الخبر الثالث كيف تتعدى سرعة الصواريخ
نعم فإن العضوه النشيطه والمحبوبه كارمن قد تعددت كل الحدود وكل القوانين وحطمت الرقم القياسى فى المشاركات وتسير بسرعه كبيره جدا اخشى على الادمن منها فهى ساهره على حماية المنتدى وحماية الامبراطوريه التى ضاعت منها لانها سهت عنها للحظات

واتمنى انى اكون وفقت فى كتابة النشره واذاعتها عليكم

وفى الختام ــــــــــــــــ أقول سلااااااااااااام
لكل الى كان ـــــــــــــــ على الماجيك عطشان
وارتوى بكلام ـــــــــــــــ صحيح مش كتير صيحي مش تمام
بس يا ريت اكون ولو ــــــــــــ حظيت بجزء من الاهتمام

كتبه لكم : ابراهيم دياب
اعداد : ابراهيم دياب
سيناريو وحوار : golden man
قراه على حضراتكم : golden man

إخراج

هيما دياب

youssf_star2008

2009-04-20, 02:02 AM

دلوقتى لو هيمه معندهوش مانع ازيع اخر الاخبار
اولا :
سلمى وجوست
تستمر قصة حب جوست وسلمى وجوست مستعد يعمل اى حاجه علشان يشوف حبيبته .................
ثانيا:
الأدمن :
يستمر تألق الأدمن فى موضوع رنتك بأسم حضرتك وفعلا لحد هذه اللحظه مازال الأدمن يأتى بالمزيد من الاسماء ......................
ثالثا واخرا :
غياب الأعضاء :
ياترى فين باقى اعضاء المنتدى ؟؟؟؟؟؟؟؟؟؟ سؤال يترحه الجميع
بعض الاعضاء يمكن ان يكونوا مسافرين او بيذاكروا علشان الامتحانات والبعض يغيب لظروف خاصه ولايمكن ان نقول شيئا فى هذا انها ظروف خاصه من امثلة هؤلاء الاعضاء
سلمى و كارمن والادمن وبوحبيبه وcabtin _H ...........

قراءه عليكم : يوسف مصطفى
اعداد : يوسف مصطفى
اخراج :
youssf_star2008

golden man

2009-04-20, 10:38 PM

شكرا يا يوسف على الاخبار دى وانا ما اقدرش طبعا اقول حاجه غبر انك منور والله
بس مش كل حاجه بتنزل مره واحده يا يوسف ما تحرقش الى عندك كله
وشكرا يا يوسف

youssf_star2008

2009-04-21, 12:02 AM

عفوا

youssf_star2008

2009-04-21, 02:48 PM

بس ده مش كل حاجه لسه عندى تانى بس بلم الاخبار التانيه.........

Silver

2009-04-21, 05:11 PM

Silver

2009-04-21, 05:41 PM

دلوقتى لو هيمه معندهوش مانع ازيع اخر الاخبار
اولا :
سلمى وجوست
تستمر قصة حب جوست وسلمى وجوست مستعد يعمل اى حاجه علشان يشوف حبيبته .................
ثانيا:
الأدمن :
يستمر تألق الأدمن فى موضوع رنتك بأسم حضرتك وفعلا لحد هذه اللحظه مازال الأدمن يأتى بالمزيد من الاسماء ......................
ثالثا واخرا :
غياب الأعضاء :
ياترى فين باقى اعضاء المنتدى ؟؟؟؟؟؟؟؟؟؟ سؤال يترحه الجميع
بعض الاعضاء يمكن ان يكونوا مسافرين او بيذاكروا علشان الامتحانات والبعض يغيب لظروف خاصه ولايمكن ان نقول شيئا فى هذا انها ظروف خاصه من امثلة هؤلاء الاعضاء
سلمى و كارمن والادمن وبوحبيبه وcabtin _h ...........

قراءه عليكم : يوسف مصطفى
اعداد : يوسف مصطفى
اخراج :
youssf_star2008

بداية موفقة يا يوسف

استمر فى تنسيق نشرتك

وبالتوفيق للجميع

=d>

golden man

2009-04-21, 07:36 PM

شكرا يا سيلفر حبيب قلبى

انا عندى خبر عنك بس مش عارف ازيعه ولا لا

بس هقولهولك لوحدك

youssf_star2008

2009-05-02, 12:48 AM

ايه ياهيمه فين اخبارك

golden man

2009-05-02, 10:18 AM

بكره يا يوسف باذن الله ما تقلقش

karmen

2009-05-02, 04:34 PM

موضوع جامد جدا يا جولدن ويستحق والله انه يتثبت
وبلاش قر بقى ما هو ده اللى جايبنا ورا
هههههههههههههههه

golden man

2009-05-02, 08:44 PM

شكرا يا كارمن على تشريفك موضوعى مين الى بيقر

مين مين مين

ويسعدنى طبعا ان الاداره ثبتت الموضوع ويا رب اكون عند حسن ظنهم

youssf_star2008

2009-05-03, 02:12 AM

بس بسرعه علشان عندى اخبار نااااااااااااااااار

golden man

2009-05-03, 10:49 AM

اوك يا يوسف تحت امرك هنبدا زى ما اتعودنا مع عناوين الاخبار

1) تشكيل جديد
2) سيلفر والست معادن
3) اللهم لا حسد
4) كارمن ترفض الخروج بكفاله وتطالب بالبراءه
5) استقبل الماجيك

وانتظرونى هروح الكليه واجى اذيع النشره باذن الله
سلاااااااااااااااااااااااااااااااااااااااااااموززز زززززززززززز

karmen

2009-05-03, 12:37 PM

ياللا يا جولدن
متابعين معاك
ومستنيين التفاصيل

Silver

2009-05-03, 12:46 PM

ياحلاوة يا ولاد

أنا ف نشرة الأخبار

ياترى يا هيما هتسيح جامد اوى

ولا هتكون حنين عليا يا هيما يا حبيب قلبى

golden man

2009-05-03, 06:30 PM

ما تقلقش يا سيلفر بنفذلك الى انت عاوزه ونبدا فى التفاصيل

1) تشكيل جديد

قامت ادارة المنتدى بتطوير فى المنتدى وترقية الاعضاء الناجحين والذين يستحقوا هذه الترقيه لجهودهم المبذوله فى ارتقاء المنتدى واصبح عمرو مراقب عام على منتدى الضحك والفرفشه وكارمن مشرفه على منتدى الالعاب ويوسف استار مشرف ستاد الاهلى وبرنس اليكس مشرف منتدى المواضيع الاسلاميه وجوست مراقب عام وكابتن اتش مراقب عام وعمرو البوب مشرف وكلهم يستحقوها

2) سيلفر والست معادن

اسيح ولا ايه يا سيلفر قام سيلفر فى لقاؤه مع الست معادن وهى بصراحه جميله بس مش اوى يعنى مش كل المعادن الى فيها حلوه كل واحده ممكن يعجبه معدن وقد قامت صاحبة معادن بعمل اختبار لسيلفر وحددت له درجات فاجتاز سيلفر الامتحان بدرجة مقبول واتاحت له ثلاث فرص اخريات
بقى منهم اختباران واحد الاسبوع الجاى يا سيلفر ابقى قولى بعد لقاؤك بمعادن هتعمل ايه علشان اذيعه وربنا يسهل ويجتازه ويرفع راس شباب مصر

3) اللهم لا حسد

بعد ان قامت الاداره بتثبيت الموضوع ولاحظت الحسد ياتى من عضوه فى المنتدى وقد تحقق الحسد فقد كنتم ستكتبون خبر نعيي اليوم ولكن عمر الشقى بقى ووردتنى اخبار اخري ان بعض الاعضاء يتفقون مع منظمات ارهابيه لاغتيالى بس انا فى البيت بيرقونى من الحسد ما تقلوش يعنى
واحب ابلغ اى عضو تسول له نفسه انه هيضر اى عضو فى المنتدى هكون له بالمرصاد لو اتعرضلى انا كمان ومش هقول على عناوين الاعضاء الى انا اعرف شويه منهم فى اسطنها وفيه ناس فى شبين وكمان انا وحيد يعنى اهلى مش هيسبوه

4 ) كارمن ترفض الخروج بكفاله وتطالب بالبراءه

حجز بلابل كارمن فى كرسى الاعتراف وبعد ان اجابت كارمن على ما وجه لها من اسئله وتهم ودافعت عن نفسها وتستشهد بشهود فانها لا ترضى ان تخرج بكفاله ولا تقبل باقل من البراءه والا سوف يكون عليها وعلى اعدائها

5) استقبل الماجيك

استقبل الماجيك عددا من الزوار منهم من استمر معانا ونرحب به ومنهم من لم يستمر ليس لان المنتدى غير محبوب ولكن لان اولائك الزوار يبحثون عن العبث واللهو ولكن اقول لهم انه لا يوجد هنا من العبث واللهو نظرا لوجود اعين ساهره على حراسة المنتدى والمنتدى فى حاله دائمه والحمد لله بين اعضاؤه وكل من يزور المنتدى نرحب به ونتشرف ان يكون واحد منا والزوار يستمرون لما يجدونه فى المنتدى من منفعه وتعارف وحب بين الاعضاء

وشكرا لكم لقد اطلت على حضراتكم وارجوا ان اكون شخصا خفيفا على قلوبكم
والسلام عليكم ورحمة الله وبركاته

karmen

2009-05-03, 06:36 PM

هههههههههههههه
تسلم جولدن مان
بس ايه موضوع سيلفر ومعادن دى
شكلها ماده معقربه أوى
ربنا معاه

youssf_star2008

2009-05-03, 06:43 PM

ههههههههههههههههههههههههههههههههههه
انا كماااااان شويه حزيع اخبارى وقبليها حكتب العناويين بس بعد ما أكل

golden man

2009-05-03, 10:46 PM

ملحوظات على النشره كارمن مش بتحسد ولا حاجه يا جماعه انا بهزر ولو حسد يبقى حسد مرغوب

وبالنسبه لسيلفر دى ماده فى الكليه اسمها معادن بس سيلفر كان منفض شويه

karmen

2009-05-04, 12:24 PM

ميرسى ليك جولدن
تسلم

هيمة فرج

2009-05-04, 11:04 PM

الفكرة جميلة اوى يا هيما

golden man

2009-05-05, 11:57 AM

شكرا ليك يا هيمه والله منور الموضوع

karmen

2009-05-05, 01:45 PM

منتظرين باقى الأخبار

golden man

2009-05-05, 05:35 PM

مش على طول كده يا كارمن استنى شويه

Silver

2009-05-05, 05:41 PM

مش عارف يا هيما الست معادن معاندة معايا ليه

دعواتكوا ليا يا جماعة الست معادن ترضى عنى

تسلم يا هيما ... وتابع نشرتك اللئيمة

karmen

2009-05-05, 10:17 PM

أوكى يا جولدن على مهلك خالص
احنا مش هنستعجلك
عشان تطلعلنا بالتمام
وانت يا سيلفر شد حيلك مع الست معادن شويه

youssf_star2008

2009-05-05, 10:31 PM

ودلوقتى مع العناوين
1- قلناها تانى وحنقلها تانى
2- يلا نقول مبروووووووووووك
3-انتوا فين ؟؟؟؟؟؟؟
4- يلا نقول مبروووووووووووووووك للماجيك

youssf_star2008

2009-05-05, 10:32 PM

حكمل بعد فاصل المشاركات ده

youssf_star2008

2009-05-05, 11:06 PM

ولا مشاركه اوك مش مهم
1: قلناها تانى وحنقلها تانى
قلناها تانى وحنقلها تانى مبرووووووووووووووووووك يا كارمن
على الألفيه التالته وعقبال المليون عضوه لامعه اسرع عضوه فى تاريخ المنتدى
ارجوا تهنئة كاااااااااااارمن ...
2 : يلا نقول مبرووووووووووووك
يلا كلنا نقول مبرووووووووووووك للمشرفين والمراقبين الجدد وأولهم كااااااااارمن :
منتدى ألعاب الماجيك
وانا الحمد لله :
قسم الأهلى
amralbob:
قسم السيارات
والباقى معروف .....
3 - انتوا فين ؟؟
انتوا فين يا أعضاء المنتدى الغالى وحشتنا ؟؟؟؟؟
لسه لحد هذه اللحظه الأعضاء مش بيتخلوا طبعا
احنا كلنا عذرنهم علشان الأمتحان بس يارب يتخلوا علشان نقلهم حمد لله على السلامه .......
4 : يلا نقول مبرووووووووووووك للماجيك
يلا كلنا نفرح فرحه كبيره الماجيك
كمل سنه ونص وانشاء الله كل سنه حزيع آخر أخبار الماجيك
يعنى عدد السنوااااااااااااات ....
اعداد :
يوسف مصطفى

كتبه لكم :
يوسف مصطفى

سيناريو وحوار :
youssf_star2008

إخراج :
youssf_star2008

golden man

2009-05-06, 02:08 AM

هههههههههههههههههههه

سنه ونص يتربى فى عزكم
وتسلم يا يوسف

karmen

2009-05-06, 09:24 AM

ههههههههههههههههه
ميرسى ليك جولدن
وميرسى ليك يوسف

youssf_star2008

2009-05-06, 02:28 PM

ده اقل واجب

هيمة فرج

2009-05-07, 10:54 AM

اخبارك جميلة يا يوسف

youssf_star2008

2009-05-08, 02:22 AM

الله يخليك ياهيمه

هيمة فرج

2009-05-08, 11:17 PM

فين باقى الاخبار هما مفيش غير مجموعة معينة ولا اية

youssf_star2008

2009-05-09, 12:04 AM

لسه بقى انا حزيع بعد الأمتحان

karmen

2009-05-10, 01:14 PM

أوكى مستنيينك يا يوسف
ومستنيين أخبار جولدن

EzAt99

2009-05-30, 02:16 AM

احنا معاكم....
موفقين بإذن الله

golden man

2009-05-31, 11:22 AM

شكرا على مرورك

golden man

2009-05-31, 11:56 AM

السلام عليكم ايها الكرام
ارجو المعذره فى التاخير
اهلا بكم من جديد فى حلقه سريعه من النشره

ومع النشره يقدمها لكم هيما من امام جهاز الكمبيوتر بمنزله نظرا لحرارة الجو وعدم استطاعته للوصول الى الاستوديو

ومع عناوين وتفاصيل النشره على طول مش هنطول

حملة شد حيلك يا مان فى امتحانات العام
تقوم احدى الجمعيات الغير مسماه بتبنى حملة شد حيلك فى امتحانات العام علشان تعدى بسلام وتوصل لبر الامان حيث اكد جميع الطلاب ان امتحانات العام فيها جنان وعرفان وعدم الطمأنينه للنتيجه النهائيه
http://img20.imageshack.us/img20/4821/871162844.jpg

أسعد الله مساء دكاترة موادكم
لان لو الدكتور سعيد اخو الدكتور تعيس لو هما سعداء فى حياتهم وخصوصا الزوجيه هتلاقى الدنيا زى الفل معاك فى الامتحانت لذا اناشد الزوجات فى هذه الايام بالتخفيف عن الازواج من النكد العام الزائد
http://img268.imageshack.us/img268/3596/mi0640147.jpg

تقديرات جديده تطرحها جامعة ساهر للنجاح الباهر

(ر.ل) تقدير جديد من نوعه يطرح بالاسواق تماشيا مع مود العصر فى الامتحانات حيث ان الابناء نسوا طريق البيت فتقديره يكون روح لماما

(ر.ن) ايضا تقدير جديد روح نام احسن يجيلك زكام

(ل) تقدير مبلول لانه لسه على الحافه ما غرقش وبقى (ض.غ ) اى ضعيف غرقان ومحتاج لبان علشان يخرجه من الادمان

(ض.ف) اخيرا وصل تقدير ضعيف فحت لان الطالب يعنى زهق ما بيعملش حاجه قالك خالص ضعيف ضعيف بقى وانزل افحت شويه يمكن الاقى تقدير اعلى من وزارة البترول
http://img38.imageshack.us/img38/4113/29741242430860.png

واقعدوا فى الامتحانات على كراسى متينه علشان تستحمل اللف والدوران وما تقلقوش لو حد كان بيبرشم ما يقلقش يروح مع المراقب عادى وخليك شديد ومش هيقدر يعملك حاجه اخره ايه يعنى هيشيلك الماده وماده بعدها او المواد الى بعدها واقعدوا بالعافيه

karmen

2009-05-31, 06:01 PM

ههههههههههههههه
جميله اوى يا هيمه
هى ناقصه يا ابنى كلام عن الامتحانات
احنا اصلا ركبنا سايبه
ياللا شد حيلك

golden man

2009-05-31, 06:04 PM

شكرا يا كارمن بس اكتر من كده ينقطع
ربنا معانا

عمر-غانم

2009-06-13, 12:08 PM

ههههههههههههههههههههههههههه
روعة

تسلم ايدك

http://images.abunawaf.com/2005/08/a3ma.jpg

سعادتك فى ماجيكك

EzAt99

2009-06-19, 04:14 AM

ههههههههههههههههههه
جامد جدا
تسلم إيدك

karmen

2009-06-19, 09:51 AM

ايه يا هيمه
اتأخرت كده ليه
مش محتاج أى مساعده

Silver

2009-06-19, 04:57 PM

ايه ده يا هيما

النشرة دى نزلت امتى ؟!!

انت معلم دايماً ومظبط كل حاجة

أنا لو كنت شفت نشرتك دى من بدرى

كان معنوياتى اترفعت وانا داخل الامتحانات

يلا بقى شد حيلك ... وعايزين نشوف نشرة جديدة

golden man

2009-06-20, 10:56 AM

اوك يا جماعه حاضر قريب ان شاء الله وشكرا على مروركم وتشجيعكم الطيب
ومعنوياتك كانت اترفعت يا سيلفر
ههههههههههههههههههه
ما تقلقش هتترفع لوحدها يا حبيبى فى النتيجه ان شاء الله

عمر-غانم

2009-06-26, 04:03 PM

ههههههههههههههه نشرة جميلة جداً
بس بقى ياريت كمان تحط فيها سؤال الحلقة
زى الجزء الثانى كده
تسملى

EzAt99

2009-07-02, 04:15 AM

جميييييييييييييييييييييييييييل

youssf_star2008

2009-07-07, 03:04 AM

اسف إتأخرت شهرين

سورى أصلى كنت بستجوب فى برنامج حيلهم بينهم

على العموم مع العناوين

1 : روحتى فين ما انتى كنتى موجوده

2: اخيرا يا جدعان خلصنا الأمتحان

3 : اخيرا تانيه

4 : بداية برنامج اختفاء الأعضاء....

karmen

2009-07-14, 03:31 AM

ياللا يا يوسف مستنيينك تعرض النشره
ومستنيينك يا جولدن انت كمان
انت غايب كده ليه

EzAt99

2009-07-18, 04:06 AM

ها يا عم يوسف
مستنينك على نار

karmen

2009-07-18, 05:25 AM

ايه يا جولدن انت اتأخرت كده ليه
يارب تكون بخير
وانت كمان يا يوسف

radwan

2009-07-21, 05:03 PM

نشرة مميزة
لكن لو تم التنيسق بين يوسف وابراهيم فى مشاركة واحده أعتقد انها هتكون أرورع من كده بكتير

golden man

2009-07-21, 11:13 PM

اعتذر شباب عن تاخري بس باذن الله الجاى احسن
وانا بفكر قى كده من زمان والله يا رضوان وباذن الله تتعمل

karmen

2009-07-24, 10:12 PM

ياريت يحصل كده فعلا يا ابراهيم
منتظرينك ومنتظرين التنسيق

mahmodsalama

2009-08-07, 04:09 PM

الموضوع جميل يا هيمة بس انا داخل انام

golden man

2009-09-28, 11:15 PM

نوم العوافى يا حوده وتصبح على خير واتغطى كويس واحلم وكل رز مع الملايكه
لا استنى !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!
نسيت اقولك
*
*
*
*

*
*
*

*

*

*
ابقى الشرب اللبن قبل ماتنام

golden man

2009-09-28, 11:16 PM

اوعى تكون زعلت اوعى تكون زعلت
بهزر معاك وده باين اول تعامل ليا معاك

golden man

2009-09-29, 12:56 AM

ناسف ايها السيدات والساده على العطل الفنى الحادث الذى تسبب فى تاخير اذاعة هذه النشره لفتره وجيزه دى بلد جديده جنب الجيزه على طول
ولكن عدنا لحضراتكم لكى نكمل معا هذه النشره
ونبدا مع بعض العناوين لهذه النشره
http://img25.imageshack.us/img25/6661/jaz1j.jpg
* المسابقات الرمضانيه
* الانفلونزا وتاجيل الدراسه وتغيب الاعضاء
* نشاط فيرس جديد فى المنتدى
* فك الحظر عن العضو جولدن مان الشهير بهيما

واليكم تفاصيل النشره
http://img25.imageshack.us/img25/6661/jaz1j.jpg
* لاقت المسابقات الرمضانيه اقبلا معقولا من اعضاء المنتدى ولهم جزيل الشكر والعرفان لمتابعتهم المنتدى دائما وتقديم يد العون والافاده والاستفاده برضه
ما حدش بياكلها بالساهل واهو كل واحد خد الى فيه النصيب وكان لكارمن النصيب الاكبر حيث فازت بالمركز الاول وجاء برنس اليكس فى المركز الثانى وخلفه التهامى بالمركز الثالت ولمزيد من التفاصيل زوروا موقعنا تجدوا ما يسركم
http://www.elmjeck.com/vb/showthread.php?p=81880#post81880
ودلوقتى اسيبكم مع بعض لقطات الحفل والى عاوز صور تانى يبقى يقولى وانا اجيبله اصل مش هتلاقى الصور دى عند حد تانى اصل انا الى كنت بصور الحفله وما حدش هياخد ولا صوره بقى
http://img98.imageshack.us/img98/3071/images9mn.jpghttp://img24.imageshack.us/img24/4305/images15mk.jpghttp://img39.imageshack.us/img39/9779/images16e.jpg
* لا بد وان سبب من اسباب تغيب الاعضاء هو انفلوزا او كما يطلقون عليها انفلونزا وهى مش اصلها كده اساسا هى اصلها لو حللناها هنلاقيها ( لن انف وزا ) انا مش عارف ايه السبب بس مش مهم مش ده موضوعنا نكمل موضوعنا الاول ان انفوزا كما هى السبب فى تاجيل الدراسه (يا رب يلغوها خالص)
باين كمان كما تبين من التقارير لتغيب الاعضاء انها هتخليها ورانا لحد ما تخرب الدنيا كلها ( يا رب اكون غلطان )
http://img39.imageshack.us/img39/1325/images38k.jpg

* مش عارف ايه الفيروسات الى نازله ترف علينا دى والحمد لله فيه فيرس ماشى فى المنتدى جديد من نوعه وهو فيرس والحمد لله نعتبره حميد وهو فيرس من دعائم المنتدى الرئيسيه وهو نشط جدا وقد قرر تنشيط جميع الاعضاء الخامله عن العمل وتولى العمل بنفسه ونشكره على هذا المجهود الرائع
بينى وبينكم الى عامل ده كله ( البت كارمن ) ونقولها بالتوفيق يا كارمن ومن احسن لاحسن باذن الله
http://img34.imageshack.us/img34/6421/images52w.jpg

* تم فك الحظر عن العضو Golden Man الشهير بهيما وقام ليتابع منتداه الغالى ويري اصدقائه ويرجع ايام زمان وكان سعيد جدا مما جعله يلقى خطاب شكر وتقدير وعرفان بالولاء لسيادة الريس وخطابه كان عباره عن هذه الكلمات

يا اما القمر على الباب نور قناديله يا اما ارد الباب ولا اناديله
اناديله يا اما اما ..........
فردت عليها وقالتلها اندهيله وخلصينى
ملحوظه !!!!
بقول لكل اعضاء المنتدى انى بحبكم جدا ومعلش على التاخير ده

وسؤال حلقة اليوم
يا تري الاعلان بتاع منتخب شباب مصر بيقول روحوا شجعوهم علشان ...........
1) تنيموهوم
2) تلعبوا بدالهم
3) تروقوهم
لو عرفتوا الاجابه يا ريت تقوموا تناموا احسن لو لقيتوا الماتش مش تمام وتصبحوا على خير

karmen

2009-09-29, 02:26 AM

ههههههههههههههههه
ايه يا عم الحلاوه دى
دى عوده قويه جدا ربنا يخليك للمنتدى يارب
واخيرا تم فك الحظر عنك
بس الصور بتاعت الحفله انا مشفتش نفسي فيها
هو انا كنت انهى
الراجل ابو دقن واللا اللى لابس ***يه؟؟؟
تسلم ايدك يا هيما
وانا لسه عند وعدى القدييييم اوى ه
لسه فاكره؟
مستعده لو تحب ازودك بأى معلومات ممكن تحتاجها عشان تنشيط النشره
ياللا بقى يا عسل انت رجع الأيام الحلوه من تاني
وبعوده

golden man

2009-09-29, 04:09 PM

ربنا يخليكى يا كارمن يا رب تكون عجبتك
بس انا محتفظ بصورتك لنفسى مش اى حد يشوفها
وان شاء الله كل حاجه ترجع زى الاول واحسن

admin

2009-11-20, 10:05 PM

ايه ياهيمه الموضع ده نام ليه

golden man

2009-11-21, 12:57 PM

معلش يا ادمن دماغى فيها خسين الف حاجه بس باذن الله نعمل حاجه على السريع كده

admin

2009-11-22, 04:17 AM

معلش يا ادمن دماغى فيها خسين الف حاجه بس باذن الله نعمل حاجه على السريع كده

الله يكون فى العون

karmen

2009-12-05, 07:39 PM

يا عيني عالناس المشغوله
ربنا معاك
ومنتظرين الحاجه اللي على السريع دي

ايلول

2010-02-14, 06:43 PM

فين الحاجه اللى على السريع يا جماعه

admin

2010-03-12, 11:15 PM

فين الحاجه اللى على السريع يا جماعه

الناس بتندى عليكى يهيمه

youssf_star2008

2010-05-05, 08:25 AM

ودلوقتى معادنا مع العناوين

1- هو فين ؟؟؟؟؟؟؟

2- فى مشرف جديد زعلان ؟

3- المنتدى فى حاجات كتير ؟ وأعضاء كتير ؟

4- البطاطس المقليه وماكدونالز تحتل قلوب الأطفال ؟

5- الجلسه الكبيره .

6- لاااااااااااااااااااااااااااااااااااااا !!!!

واستنونى شويه مع الإخبار .

youssf_star2008

2010-05-05, 09:44 AM

ويلا مع الأخبار

1- هو فين ؟؟؟؟؟؟؟

يا جماعه فين رئيس فريق التنشيط golden man

وهو مزعنا الغالى إلى شكله إختفى لإنشغاله فى منتدى لعب × لعب

مع LOST LOVE

عادى أنا بهزر بس فعلاً هو مختفى وبقاله مده

كبييييييييييييييييييره اوى مدخلش الإستديو .

2- فى مشرف جديد زعلان ؟

يا جماعه فى مشرف جديد زعلاااااااااااان أوى

اوله حرف yo

وأخره 2008 وفى نصفه star

إلى عرفه يؤلى ( أصل الأعضاء مش بيخشوا القسم بتاعه )

3- المنتدى فى حاجات كتير ؟ وأعضاء كتير ؟

المنتدى كبر يا أخونا وفى أعضاء كتير أوى

وعايزين المنتدى يطور زى شارع سموحه فى الإسكندريه

4- البطاطس المقليه وماكدونالز تحتل قلوب الأطفال ؟

يا جماعه فى وباء جديد إسمه ( ماكدونالز والبطاطس المقليه )

الإطفال كلها بلا إستثناء بتحب ماكدونالز و البطاطس المقليه

فإحموا أطفالكم

5- الجلسه الكبيره .

إنتظروا النهارده الجلسه الكبيره مع ahmed.dodo

فى محكمة الحب والرومانسيه

ومذيعكم الغالى هو المحامى المحاكمه النهارده الساعه ال 1 ظهراً

إنتظرونا

6- لاااااااااااااااااااااااااااااااااااااا !!!!

لاااااااااااااااااااااااااااااااااااااا !!!

الإمتحانات رجعت تانى حراااااااااااااااااااااااااااااااااااااااااااااام

والوزير الجديد مبهدلنا كل يوم بيغير المواعيد

يارب المواعيد تثبت .

قدمه لكم : يوسف مصطفى

إعداد : يوسف مصطفى

إنتاج :

youssf_star2008

إخراج :

youssf_star2008

golden man

2010-05-05, 01:37 PM

تلم يا يوسف بس انا باذن الله هبتدى ارجع للموضوع تانى
وفي حاجات تانيه ربنا يسهل وتتعمل ان شاء الله
شكرا يا يوسف على سؤالك
ومتابعتك للموضوع

golden man

2010-05-11, 02:41 PM

نعود بكم من جديد للنشره التى اتمنى ان تحوز على اعجابكم

اولا هنبدا بالتعليم

وزير التربيه والتعليم يامر بمحاكمة مدرسه حرضت الطلبه على تخريب المدرسه

قامت مدرسه بتحريض الطلبه على تخريب المدرسه الظاهر انها كانت متخانقه مع المديره فجالها حاله من الالتساع الدماغى حيث حرضت الطلبه قوموا دغدوغها يا عيال ولعوا فى المدرسه متسكتوش خلوا ابله الناظره تفرح
عادى جدا يا جماعه الحاله دى ممكن تحصل لاى حد مع وجود وزير التربيه والتعليم الجديد مفيش مستحيل
لولولولولولولولولولولوي =)):)>-

فى التحقيق حول قضية المدرسين قاموا بادخال المخدرات الى المدرسه

اثناء التحقيق كان رد هؤلاء المدرسين يا بيه دى كانت حصة هوايات يعنى كل واحد يعمل الى عاوزه
ولا ايييييييييييييييييييييييه
يا جماعه التكييف مطلوب لازم كل واحد يمخمخ علشان يدى المعلومه المظبوطه ويا توفرولهم الحشيش يا تشوفلهم طريقه يتكيفوا بيها 8-x

التطور فى المناهج الدراسيه

اخر كتاب نزل السوق زى ملخصات كتب الاضواء كتاب اسمه merci (معناه بالعربيه شكرا انك زاكرت )
نيجى بقى للتطور الى هيحصل فى المستقبل ان شاء الله هنلاقى الكتب not at all ( ولا يهمك كله هيعدى )
وبعد كده نلاقى don't mind ( متحطش فى دماغك كله بيسقط )
ثم نلاقى thank's god ( الحمد لله اننا عدينا ) والناجح يرفع ايده |-)|-);))

ثانيا الاخبار الفنيه
من الاخبار الفنيه الفنانه مى نور الشريف ترفض التمثيل مع بوسي
كلنا عارفين طبعا ان بوسي هى مامة مى مش عارف مى رافضه تمثل مع مامتها ليه دى ماما يا مى مش ينفع خالص يا مى طب انا نفسي امثل مع بوسي حد يرفض يمثل مع بوسي
طب ده حتى بوسي ده احلى فعل امر تخيلوا كده بــــــــــوســـــــــــــــــــــــــي >:D<
الفنان سعد الصغير يستعد لتمثيل فيلم جديد بعنوان توك توك

بصراحه مش عارف ده فيلم ولا موقف هيشارك فى التاليف 3 مؤلفين واضح انهم اصحاب التوك توك كل واحد داخل بعجله وسعد هو السواق وسعد لسه صغير يعنى المستقبل قدامه كبير
لما يكبر ان شاء الله هيشارك فى تمثيل الترلات =))=))=))

وكل سنه انتوا طيبين

lost love

2010-05-11, 02:52 PM

هههههههه
الله عليك ياهيما اخبارك دايما طازه
التطور فى المناهج الدراسيه
بس ليه مش طوروه واحنا فالثانويه
هما جايين بعد فوات الاوام
ايه الناس اللى بتهرج دى

عابده تائبه لله

2010-09-24, 04:50 PM

هههههههههههه
أخبار جامده بصراحه