عاوز تشارك معانا ( eima )

[eima]

الموضوع بأختصار أنى هكتب قصة وهتكون فيما يبدو كويسه بعض الشيئ

وعاوز اكتبها عن المنتدى بمعنى :

أن الشخصيات اللى هتكون فى المنتدى هى أبطال القصة .

اللى يحب يشارك فى القصة يكتب موافق وأسمه الحقيقة أو أسمه اللى يحب يكون بيه فى القصة بس طبعا ما ينفعش أكتب أسامى شهرة زى إيما وسلفر وجوست وكدا المفروض تكون الاسامى أحمد ومحمد وكدا يعنى


وصلت الفكرة ولا لسه على العموم كل اللى محتاجة 11 يوزر بس


نبتدى المشاركات معانا

مين هيقول معاكم وموافق

وأول أسم ولد وبنت هيكون أبطال القصة طبعا

[Silver]

فكرة جميلة جداً يا إيما

وأحب أن أكون أول المشاركين

رامى أو توتو

اللى تحبه استخدمه

طالما مش عاجبك سيلفر

وأنا واثق أنك هتعمل حاجة مميزة

أتمنالك التوفيق ... والله المستعان

[mody eljoker]

عماد

ويلا عايزين نشوف الابداع

[youssf_star2008]

يوسف يارب توافق ......

[prince of alex]

احمد او البرنس اختار انت

[GHOST]

جميل موضوعك وفكرته أجمل

أتمنى اني أشوف ابداع منك

عـــــــــلي/ أو / 3llwa / أو / ويــــــــكا

اللي تحبه بقى

مدام برده ghost مش على هواك

يلا نشوف

مستنيينك

[karmen]

فكره جامده جدا ايما
وياللا ورينا الابداع
اسمى
كارمن

[admin]

اسامه او التهامى


اتمنى لك التوفيق

[eima]

أنا بشكر بجد كل اللى حابب الفكرة

بس هما دول بس اللى موجودين طب أنا عاوز كما 3 بنات و5 ولاد أعنل أيه بقي دلوقتى .

هعيييييييييييييييييييييييييييييييييييييييييييييييي يييييط


أستلفهم يعنى

[karmen]

لالالالالالالالالالا
يا ايما متعيطش منقدرش على زعلك
ان شاء الله تتدبر ونجيبلك ال 3 بنات وال 5 ولاد اللى باقيين

[eima]

أوك كارمن بس ما تتأخريش بلييز

[هيمة فرج]

اسمى هيمة فرج

[karmen]

هو ينفع ايما أقولك مين واللا لازم كل واحد يدخل يسجل لنفسه؟
مانوللى
بس هى مش عارفه تدخل الأيام دى
وقالتلى سجليلى
يبقى كده فاضل
بنتين و 4 ولاد

[karmen]

أنا كمان ان شاء الله هدخل فى الأقسام التانيه وأقولهم وهييجى كتير بأذن الله
ياللا انت شد حيلك

[البرنس الوحدانى]

موافق
اسمى علي

[eima]

هو ينفع ايما أقولك مين واللا لازم كل واحد يدخل يسجل لنفسه؟
مانوللى
بس هى مش عارفه تدخل الأيام دى
وقالتلى سجليلى
يبقى كده فاضل
بنتين و 4 ولاد

بجد كارمن شكرا جا لمجهودك معانا

بس ليا سؤال واحد مانوللى تحب تدخل بيوز أيه لازم أسم عادى كارمن

وكمان كدا بقي عندى 2 على هههههههههه~x(

[eima]

كارمن أظن كدا أكبر دليل على الاحباط اللى جالى

انا قربت اتشل بجد

هو فين الناس

طب لما بنقول عاوزين يوزرات ومش لقين أمال لو نزلنا القصة هيجلنا أحباط قد ايه من قلت المشاهدة أو التشجيع

شكرررررررررررررررررررررررررررررررررررررررررررررررر ررا

[prince of alex]

ليه ولا احباط ولا حاجة

[THE KING]

ماشي يا إيما يا عسل

ممكن نقول معاكي (( عـــــــمــــــــــرو ))
على فكره انا بحب التمثيل أوي ...
ونفسي اكون ممثل

بس مش مشكله انتى تعملى قصه وانا امثلها واعمل كل الادوار كمان

ههههههههههههههههههههه

[prince of alex]

ههههههههههههههههه ممثل كبير كمان

[karmen]

لا يا ايما أرجوك ولا احباط ولا حاجه وياريت متتنازلش عن الفكره
فى ناس كتير فى المنتدى
فى مانوللى وسلمى وملاك الروح(دينا) وراندا
فى بلينكى(راغد) وجولدن مان(ابراهيم) وأحمد رضوان
وناس تانى كتير
لو لازم هما اللى يدخلوا يسجلوا أنا هقولهم ومتقلقش
اتكل على الله بس وجهز للقصه

[eima]

انا جاهز بالقصة من بدرى بس ياريت تخلى الناس تكتب يوزراتهم علشان اى ألتباس مش أكتبر

ومش عارف بجد أقولك أيه شكرا على تشجيعك كارمن .

[eima]

بكدا هيكون الأسامى معانا كالأتى :

1 / سلفر : وهيدخل بأسم ( رامى ) .

2 / ميدو الجوكر : وهيدخل بأسم ( عماد ) .

3 / يوسف أستار : وهيدخل بأسم ( يوسف ) .

4 / برنس الأسكندرية : وهيدخل بأسم ( أحمد ) .

5 / جوســـت : وهيدخل بأسم ( على ) .

6 / كارمــــــن : وهيدخل بأسم ( كارمـن ) .

7 / الأدمـــن : وهيدخل بأسم ( التهامى ) .

8 / عمــــرو : وهيدخل بأسم ( عمرو ) .

9 / مانوللى : وهيدخل بأسم ( مانوللى ) .

10 / ملاك الروح : وهيدخل بأسم ( دينا ) .

11 / بلكينى : وهيدخل بأسم ( راغدا ) .

12 / جولدن مان : وهيدخل بأسم ( أبراهيم ) .

13 / سلمى : وهيدخل بأسم ( سلمى ) .

وبكدا يبقي أكتملت قصتنا والحمد لله والشخصيات كلها للى فى الشخصية موجودة بس المهم التشجيع والتعليق ولو حتى بالنقد ......


فى أنتظار الأعضاء كلهم النهاردة فى اول جزء من قصتنا كلنا .
(((((((((( من أرادو أن يمكرو على الله .....( قصة أبطالها أعضاء المنتدى ) eima ..)))))))))))))

[Silver]

والله يا إيما أنت مواضيعك جامدة

وأنا متحمس جداً جداً لمواضعيك

((فَاصْبِرْ صَبْراً جَمِيلاً))

استمر والله الموفق

[prince of alex]

بكدا هيكون الأسامى معانا كالأتى :


7 / الأدمـــن : وهيدخل بأسم ( التهامى ) .





ايه التهتمي ده الادمن اسمه : اسامة

[karmen]

ميرسى ليك ايما انك هتكمل القصه
بس بلينكى ده ولد واسمه راغد مش راغدا