هل أنت(مع) أو (ضد) ؟؟؟؟؟

[karmen]

دى فكره لاقيتها فى منتديات تانيه وحبيت أجيبهالكم هنا
كل واحد يدخل يقول
هل أنت مع أو ضد شئ معين؟؟
واللى بعده يدخل يجاوب ويحط سؤال تانى
وهكذا
عشان نعرف أفكار بعض من خلال النقاش ده
ونشوف تفكيرنا ازاى؟؟
وأبدأ أنا





هل أنت مع أو ضد شراء الموبايل للأطفال؟؟

[البرنس الوحدانى]

ضد شراء الموبايل للأطفال لان ده هيخربهم

هل انت مع أو ضد الدراسة بره؟

[karmen]

بصراحه لأ كل واحد يقعد يدرس فى بلده أحسن
واللى عاوز يجتهد هيجتهد فى بلده محدش يقوللى الدراسه بره فرصه
هل أنت مع أو ضد زواج الأقارب؟؟؟؟؟

[l0stl0ve]

والله لو بنحب بعض يبقى ايه المانع

1-اما بالنسبه للرأى الفقه:-
فزواج الأقارب لم يرد به نهي صريح في الإسلام، ولا حث عليه، فهو متروك لاختيار الناس ما هو أنسب لهم

2-اما بالنسبه لرأى الطب:-
يقول الدكتور أحمد شوقي إبراهيم استشاري الأمراض الباطنية، و الطبيب المصري الشهير:-
إذا نظر أي عالم نظرة متأنية في أبعاد هذا الموضوع؛ لوجد أن القول " بأن زواج الأقارب يعطي الفرصة لزيادة الأمراض الوراثية في الذرية " ليس قولا صحيحا في كل الأحوال .. قد يكون صحيحا في حالات معينة .. ولكنه ليس صحيحا في كل الحالات ، وبالتالي لا ينبغي أن يكون قانونا عاما أو قاعدة عامه



هل انت مع او ضد عمل المرأه؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[بلابل المتمرد]

ان عمل المرأة فى حد زاته دة شىء سليم ولكن طبيعة العمل هى بؤرة الاختلاف فيجب ان يكون العمل تحت الضوابط الشرعية بان لا تخلو مع الرجال او ان تعمل عمل هو مخالف شرعا او ان تكون ساعات العمل باليل مثلا وان تكون ثمرة العمل هو شىء مباح وان لا يطغو هذا العمل على عملها الاساسى كزوجة وام لاطفال يريدون تربية سليمة وزوج يريد رعاية فالام مدرسة اذا اعددتها اعددت شعب طيب الاعراق ولكن فى ظل الظروف الاقتصادية الذى نعيشها اصبح عمل المرأة منتشر وامر عادى بل واصبح مطلب عند الرجال ولكنى انا شخصيا بالنسبة للمرأة التى تخصنى فانى افضل ان تتفرغ لرعايتى وتربية اولادها التربية الاسلامية الصحيحة الله ما ارزقنى الزوجة الصالحة هل انت مع او ضد الزواج التقليدى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[karmen]

ضده جدا بصراحه
أنا من وجهة نظرى ان الحب قبل الزواج بيسهل حاجات كتيره أوى على الزوج والزوجه
لكن لو اتجوزنا جواز تقليدى هنقعد مستنيين نشوف الحب هييجى واللا لا واحتمال كبير أوى مايجيش
هل أنت مع أو ضد تحديد وتنظيم النسل؟؟؟

[night_fox]

look karmona
tanzeem mashy
laken ta7deed la2
3shan da ded eldeen
bs tanzeem a7san
enta ded elahly aw m3 elahly????? l

[karmen]

معاه جدا طبعا
ولو مكنتش مع الأهلى هكون مع مين يعنى
هل أنت مع أو ضد صناعة السينما المصريه؟؟

[night_fox]

m3aha ezzay msh fahem
ye3ny lw 2asdek enaha koyesa ye3ny
ha2olek la2
lw etfaragty 3ala english movies
hate3rafy en e7na lessa 2odamna kteeeeeer awi:( l
nasee7a
etfaragy 3ala film pirates of the carribian
aw max payne
w enty te3rafy ana batkalem 3ala a
bs ma2darsh anker enaha fe3lan btet2adem
w yarab newsal:) l
are u with or against
gama3et elemos in egypt

[karmen]

أكيد طبعا يا سعيد السينما الأمريكيه والافلام الاينجليش أحسن بكتير
وسورى أنا مش عارفه اللى انت بتقول عليه ده
ايه هى جماعة ال.........
مش عارفه أقراها معلش ايه هى دى
مسمعتش عنها قبل كده

[بلابل المتمرد]

لا طبعا ضدها ايموز اية يعم
لا مش من الدين انك تعملى تجمعات شباب مع بنات ويشربو خمرة ويسكرو ويشغلو موسيقى صاغبة ويمارسو الجنس الجماعى عادى والعيز بالله دة فساد فى الارض هو اى شاب انخلق يعمل قلق

هل انت مع او ضد العمل فى السياحة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[karmen]

ميرسى بلابل أنا كده فهمت يعنى ايه جماعة الايموز ولو هى كده أكيد كل الناس هتبقى ضدها
أما بالنسبه للعمل فى السياحه
أنا شايفه انه ينفع لو كان للرجل أما المرأه ماينفعش اطلاقا العمل فى السياحه ليها لأن ده بيضطرها لعمل أشياء تنافى دينها زى خلع الحجاب وحاجات تانيه
هل أنت مع أو ضد زواج الرجل أكثر من مره؟؟؟؟

[بلابل المتمرد]

والله يكارمن دة تشريع مينفعش ابقى ضده دى رخصة للرجل انو يجوز باخرى انما لو واحدة مكفية ومطيعة لى وبتحبو ومريحة على الاخر ايه الداعى قولولى ايه الداعى افترى يعنى وعلى العموم يكارمن بس احنا نجوز واحدة
هلا انت مع او ضدتولية المرأة قاضية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟

[night_fox]

la2 tab3an ded en woman teb2a judje
3shan mmkn 3watefha tetda5al felmwdo3
3shan keda mayenfa3sh
are u with or against
elmawaled w elawlya

[karmen]

مع احترامى لتفكير كل الناس
بس أعتقد ان ده جهل وأنا طبعا ضد المواضيع دى
يعنى ايه أروح لولى عشان يتوسطلى مع ربنا
واللا أعمل مولد لواحد كان فى النهايه بنى أدم عادى زيه زينا
هل أنت مع أو ضد الاختلاط فى الدراسه والعمل؟؟؟

[karmen]

*****

[البرنس الوحدانى]

المفروض ومن الصح عدم الاختلاط لكن فى بلدنا انتشر الموضوع ده بزياده

هل انت مع او ضد شرب السجائر؟

[karmen]

ضدها طبعا
ده حتى ان مكنش من ناحية الأمراض اللى بتسببها
فهى حرام من الناحيه الدينيه
هل أنت مع أو ضد هجرة الشباب والعمل فى الخارج؟؟؟

[بلابل]

معاة ومش معاة

بمعنى

لو فى شغل هنا فى البلد يخلينى مسفرشى اية الى يخلينى اسافر واتغرب

انما لو مفيش شغل وفى فرصى سفر ادامى اية المانع انى اسافر وشوف رزقى فى بلد تانية وربنا يكرمنى وارجع اعمل مشروع

يمكن ربنا يكرمنى وحل شوية من البطالة الى فى البلد دى

هل أنت مع أو ضد علاقة الست المتزوجة بشب؟

[night_fox]

tab3an against
ye3ny a atla3 ashta3'al bara
w balady ye3ny msh hya awla belly ha3melo barra?????? l
are u with or against
الزواج المبكر

[karmen]

مع احترامى لكل الأراء بس رأيك يا سعيد رائع ياريت كل الشباب تفكر كده ومتسيبش بلده
بس فين اجابة سؤال بلابل
هل أنت مع أو ضد علاقة الست المتزوجة بشب؟
لأ طبعا ده ولا الدين ولا الأخلاق ولا المجتمع ولا أى حد فى الدنيا ممكن يوافق على كده دى كده تبقى انسانه مش محترمه مينفعش تعرف حد وهى متجوزه دى كده تبقى بتخون الراجل اللى هى شايله اسمه
اللى بعدى بقى يجاوب على سؤال سعيد
هل أنت مع أو ضد الزواج المبكر؟؟؟

[البرنس الوحدانى]

طبعا ضده
لانه بيسبب مشاكل كتييييييييييييييييييييييييييييرة

هل انت مع او ضد صحاب المصلحة؟

[karmen]

ضدهم طبعا
دول أسواء أنواع من البنى أدمين
ميعرفكش غير عشان نفسهم وعشان يرضوا أنانيتهم
هل أنت مع أو ضد الحب من أول نظره؟؟؟

[night_fox]

i'm sorry balabel
bs ana bged mashoftesh elso2al bta3ak
w ma5adtesh baly en enta redeet 3ala elso2al 3shan keda ana radeet
bgd sorry w yareet te2bal e3tezary
but as 4 ur question karmen
el7b mn awel nazra
da byeb2a special love
7aga keda msh bteegy f ay wa2t
akeed lama byeegi byeb2a leeh ta3m tany
bs berdo feeh nas betfadal enohom yet3arafo elawel w ba3deen yeshofo mwdo3 elnazarat da:D l

are u with or against
globalization
العولمة

[karmen]

of course against globalization
ده مخطط غربى بيضحكوا بيه على عقولنا العولمه ممكن تمحى حضارتنا ووجودنا
وبعدين ازاى يبقى العالم كله عايش فى أفكار وعادات واحده
احنا تقاليدنا مختلفه ومش هينفع تكون زيهم أبدا
هل أنت مع أو ضد صناعة المزيكا فى بلدنا؟؟؟

[البرنس الوحدانى]

لا عادى لا معاه ولا ضده

هل انت مع او ضد لبس البنات اليومين دول؟

[night_fox]

agaiiiiiiiiiiiiiiiiiiiiiiinst
besara7a
elbanat zawedooha awi elyoumeen dool
tab3an msh kol elbanat
feeh naw3yat w naw3yat
feeh elbent elwaska mn nafsaha
w feeh ba2a el teeeeeeeet
bs yalla
kolo bey3addy:D l
are u with or against
internet

[karmen]

with and against the internet in the same time
الانترنت بالذات حسب استخدامنا ليه
ممكن يكون مفيد جدا
وفى أحوال تانيه بيكون مدمر مع الاستخدام الخاطئ
هل أنت مع أو ضد الحكومه المصريه الحاليه؟؟؟

[البرنس الوحدانى]

انتى يا كارمن المفروض متساليش
لان كل الناس عارفة انها حكومة يلا مش عايز اغلط
دى المفروض متتسماش حكومة المفروض تتسمى مجزرة بين الوزرا

هل انت مع او ضد ربطات الطرح اليومين دول للبنات؟

[بلابل]

مالك يا برنس عمال تسال لبس البنات كدا

متكنشى بدور على عروسة

ههههههههههههههههه

انا مش عارف اقلك اية كل وحدة بطربت طرحتها زى ما ينسبها وحسب الطقم الى هى بتلبسو كل حاجة وليها حجتها

بس بينى وبينك مفيش افضل من المحجبة

هل انت مع او ضد قيام ثورة فى البلد؟؟

[البرنس الوحدانى]

هههههههه ههههههههههه
لا بدور ولا حاجة يا بلابل

لو الثورة فيها فايدة يبقى هبقى معاها

هل انت مع او ضد ان البنت تعيش لوحدها فى بلد غريبة؟

[karmen]

حسب البنت نفسها وحسب شخصيتها
لو هى بنت تمام هتقدر تحمى نفسها وتعيش لوحدها أحسن من ألف راجل
لكن لو البنت يعنىىى..........
يبقى لأ طبعا
هل أنت مع أو ضد مبدأ البقاء للأقوى؟؟؟

[البرنس الوحدانى]

لا طبعا ضده
امال الضعيف يروح فين والفقرا والمساكين

هل انت مع او ضد تفضيل النفس علىى الغير؟

[karmen]

لأ طبعا
دى من أسوأ أنواع الأنانيه
هل أنت مع أو ضد الرأسماليه؟؟؟

[el asmar]

أكيد طبعا أن السنيما الأمريكيه أحسن بكتتتتتتتتير من السينما المصريه
والدليل علي ذلك هلييييييييييييود العظيمه وهي أكبر دليل علي صناعة السينما الأمريكيه

هل أنت مع أم ضد صداقة البنت والولد في الكليه؟

[karmen]

ايييييييييييييييييييييييييه
انت رحت فين يا أسمر
انت جبت السؤال اللى انت جاوبت عليه ده منين
ايه علاقة الرأسماليه بصناعة السينما الأمريكيه
انت أكيد شفت السؤال ده فى أول صفحه وجاوبت عليه
ركز شويه يا مان
بصراحه سؤالك صعب بس أنا شايفه انه لو زماله فى حدود الأدب والمسموح يبقى أوكى لكن لو هتتعدى الحدود يبقى مينفعش
هل أنت مع أو ضد الرأسماليه؟؟؟

[el asmar]

أنا لست مع الرأسماليه لأن كون أنك تكون أنسان رأسمالي
أذن أنت أصبحت الفلوس بتحكم كل حاجه في حياتك

هل انت مع أم ضد المحسوبيه والوساطه؟

[karmen]

ربنا يرحمنا من المحسوبيه والوسطه اللى ودت بلدنا ورا الشمس
هو احنا جايبنا لورا غيرها كله بياخد مكان كلوا واللى ميستحقش بياخد مكان اللى يستحق
شفت هنا تعليق فى الماجيك بيقول
يا مصر لو نيلك صلصه مش هيكفى الكوسه اللى فيكى
ارحمنا يارب
هل أنت مع أو ضد جماعة الأخوان المسلمين؟؟؟

[el asmar]

انا لست مع جماعة الاخوان المسلمين لان علاقة الانسان بربنا مش محتاجه
انك تنضم لجماعه من الجماعات وده رأيي الشخصي مع أحترامي للجميع


هل أنت مع أم ضد المذاكره الجماعيه؟

[karmen]

أى حاجه جماعيه وفيها تعاون بحبها جدا
وأكيد معاها
لأنها بتشجع بشكل كويس جدا
هل أنت مع أو ضد منظمة حماس؟؟؟

[el asmar]

في الاول كانت حماس كانت بتضرب بيد من حديد
دفاعا عن الارض والوطن ولكن دلوقتى دخلت بينهم
الاغرض السياسيه والمصالح الشخصيه


هل انت مع أم ضد الدروس الخصوصيه في الجامعه؟؟؟؟؟؟؟؟؟؟؟؟؟؟؟؟؟؟

[karmen]

ضدها طبعا
لأن المفروض ان النظام الجامعى ده نظام تعليمى متطور يغلب عليه الطابع العملى يبقى ازاى الجامعه هى كمان يبقى فيها دروس
ماهى لو لغرض الافاده فقط كان يبقى ماشى
لكن ده الطالب بيروح ياخد درس عند المعيد أو الدكتور عشان يديله أسئلة الامتحان
أين العدل من كل هذا؟
هل أنت مع أو ضد حركة كفايه؟؟؟

[مهاب]

تم تحرير المشاركة

( والكلاب تعوى والقافلة تسير )

[karmen]

no comment

[EzAt99]

والله يا كارمن لو حركة كفاية دي بتقول كفاية لكل حاجة وحشة أو حرام فأنا أؤيدها جداا, يعني كفاية تدخين-كفاية معاكسة وكده يعني.



هل أنت مع أو ضد الإختلاط في المدارس والجامعات؟؟؟

[karmen]

الاختلاط المفروض ان هو محرم فى الدين
لكن بلدنا عادى كله فيها كوسه وبتنجان
بصراحه السؤال صعب وأنا مش عارفه اذا كنت معاه واللا لأ
هل أنت مع أو ضد البرامج الدينيه على الفضائيات؟؟؟

[البرنس الوحدانى]

اكيد معاها

هلى انت مع او ضد الافلام الغير شرعية التى تعرض على التلفاز؟

[karmen]

طبعا مش معاها
أصل خلاص بلدنا بقت عادى
بقينا نقلد الغرب زى العمى
وكل مخرج يدخل يعمل الفيلم اللى هو عايزه
ولو حد اعترض يقولولك دى حريه شخصيه
ياللا قولوا على الدنيا السلام
هل أنت مع أو ضد انتقاب السيدات(النقاب يعنى)؟؟؟؟

[البرنس الوحدانى]

بصراحة انا معاه

هل انت مع او ضد قيادة السيارة للمراة؟

[karmen]

معاها جدا طبعا
وايه اللى يمنع أنا بسوق وأغلبية البنات اللى أعرفهم بيسوقوا مفيش مشاكل
هل أنت مع أو ضد اعدام صدام حسين؟؟؟؟

[el asmar]

أنا مع أعدام صدام حسين
لان لكل ظالم نهايه

هل انت مع ام ضد
تولية علأ مبارك الحكم؟؟؟؟؟؟؟؟؟؟؟

[karmen]

لأ طبعا
يتولى الحكم وتبقى المملكه العربيه المصريه مش كده؟؟
كفانا 26 سنه
هنستحمل أكتر من كده ايه
هل أنت مع أو ضد أغانى الراب المصريه؟؟؟

[el asmar]

أغانى الراب المصريه بحس أنها تقليد
اعمى للغرب
واللى عايز يتفوق ممكن يتفوق
فى موسيقة بلدنا
ولا هيه عقدت الخواجه

هل انت مع ام ضد : صداقه الشات؟؟؟؟

[karmen]

لأ طبعا مش معاها
ولو بقت صداقه تفضل زى ماهى على الشات يعنى متتطورش
بصراحه مش بثق فى أى حاجه تيجى عن طريق النت
ده رأيى
هل أنت مع أو ضد تغيير الساعه كل سيزون فى مصر؟؟؟

[EzAt99]

طبعا مش معاها
والله اتلخبطنا.....! كفاية كدة
هل أنت مع أو ضد الزواااااج عن طريق النت؟؟؟!!!

[karmen]

أنا عن نفسى بعارض أى حاجه عن طريق النت يعنى من قلة قرايبى وصحابى والناس اللى بشوفهم كل يوم هروح أتجوز من على النت
بس ده طبعا ميمنعش ان بتبقى فى جوازات ناجحه جدا من عالنت
هل أنت مع أو ضد نظام التعليم المصرى؟؟؟

[el asmar]

أنا مش مع نظام التعليم المصرى
لانه نظام تعليم متخلف جدا
بمعنا صم علشان الامتحان
والدليل على كده أسئلى أى طالب
عن أسماء موادالترم الاول مش هيعرف

هل انت مع أم ضد زواج الصالونات؟؟؟؟

[EzAt99]

لا طبعا دي طريقة متخلفة ورجعية.
وبعدين أنا متهيألي ان الطريقة دي اختفت لأن التعليم دلوقتي بيساعد البنت انها تقول لأ.
هل أنت مع أو ضد....
الحب بمجرد النظر(الحب من أول نظرة)؟؟

[karmen]

معاه جدا ومؤمنه بيه كمان
فى ناس تقولك مفيش حاجه اسمها الحب من أول نظره
لأ فيه طبعا
ده حب كده من نوع خاص يحدث عند التقاء العيون لأول مره
ما أجمله من حب
هل أنت مع أو ضد الرئيس المصرى محمد حسنى مبارك؟؟؟

[el asmar]

أحسن ناس

No comment

هل أنت مع أم ضد

العولمه بكل ما تحمله من منافع و أضرار ؟!!

[karmen]

of course against globalization
ده مخطط غربى بيضحكوا بيه على عقولنا العولمه ممكن تمحى حضارتنا ووجودنا
وبعدين ازاى يبقى العالم كله عايش فى أفكار وعادات واحده
احنا تقاليدنا مختلفه ومش هينفع تكون زيهم أبدا


هل أنت مع أو ضد قيام ثوره على الحكم فى مصر؟؟؟

[el asmar]

Revolution HaHaHaHay

no comment

I wanna live I`m not CRAZYYYYY

!!!!!!!!!

هو انتى غاويه عذاب ولا ايه ؟؟؟؟
ما اهو انتى مجربيتيش عذاب الحكومه !!!!
ما شوفتيش فيلم "البرئ" لاحمد ذكى



هل انت مع ام ضد : الناس الثوريين ؟؟؟؟؟؟؟؟؟؟

[karmen]

معاهم
طالما هما بيثورو من أجل الدفاع عن الحق والحريه
لكن لو ثوره من أجل البلبله أكيد مش معاها
هل أنت مع أو ضد تولى مصر الدفاع عن القضيه الفلسطينيه ؟؟

[البرنس الوحدانى]

انا طبعا معاه لكن هو فين

هل انت مع او ضد دخول الاجانب بلدنا ام الدنيا؟

[karmen]

أكيد معاه
ده بينشط السياحه جامد جدا
وفيه فايده كبيره بتعود على بلدنا أم الدنيا
هل أنت مع أو ضد الهجره والعمل فى الخارج؟؟؟

[البرنس الوحدانى]

بصراحة ضدها

هل انت مع او ضد رئاسة مبارك؟

[karmen]

noooooooooooooooo
بأعلى صوت هقول
against
هل أنت مع أو ضد أغانى الراب المصريه؟؟؟

[البرنس الوحدانى]

طبعا معاها دى هى اللى بتوصف احوال اناس

هل انت مع او ضد الحرية للبنت؟

[karmen]

معاها طبعا بس تكون فى حدود مش مطلقه لأن أى حاجه سايبه بتكون غلط
هل أنت مع أو ضد الحب من طرف واحد؟؟؟

[البرنس الوحدانى]

لا مش معاها
لازم الحب يكون من الطرفين

هل انت مع او ضد الحب من اول نظرة

[MORO CHOCOLATE]

ضده
لان من وجهة نظري مفيش حاجة اسمها حب من اول نظرة
دة بيبقى اسمه اعجبـــــــــــاب مش حب
الحب معناه اوسع بكتير من مجرد الاعجاب

هل انت مع او ضد تعقيدات الزواج من جانب اهل العروسة؟

[البرنس الوحدانى]

ضده طبعا

هل انت مع او ضد سرقة ايميلات الاخرين؟

[EzAt99]

طبعا ضده.....
هل أنت مع أو ضد تهور رجال الديليفري؟؟؟؟؟؟؟؟؟؟

[karmen]

يعنى ايه تهور رجال الديليفرى
وهما بيتهوروا فى ايه؟؟

[EzAt99]

أبسطهالك......
أقصد إنهم بيسوقوا بسرعة زائدة عن الحد؟؟؟؟؟؟؟؟؟مع العلم إن دا غصب عنهم

[prince of alex]

يا سلاااااااااااااام

هل انت مع لبس الشباب للسلاسل

[EzAt99]

لا طبعا
دا حراااااااااااااااااااااااااااااام
هل أنت مع أو ضد السهر؟؟؟؟؟

[karmen]

والله هو صحيا السهر غلط
بس السهر ده لذيذ اوى هو احنا فراخ عشان ننام بدرى
هل أنت مع أو ضد أوباما؟؟

[البرنس الوحدانى]

يخرب بيتهم كلهم

هل انت مع او ضد العصبية؟

[MORO CHOCOLATE]

والله انا ضدها
بس ساعات الواحدة بيبقى غصب عنه
بيتعصب ويرجع يندم
هل انت مع او ضد السياسة الحالية في مصر؟

[EzAt99]

مليش ف السياسة
هل أنت مع أو ضد الصحافة المصرية(خصوصا النقد)

[karmen]

لا طبعا ضدها
عشان انا بحس عن نفسى ان صحافة النقد فى مصر صحافة هدامه وليست بناءه هدفها الوحيد هو نقد الشخص او الموضوع محل النقد ومحاولة اظهار عيوبه
هل أنت مع أو ضد الرحلات الجامعيه للبنات والشباب معا؟؟

[el asmar]

انا مع الرحالات دى بكل قلبى وعقلى

فكرتونى بالذكريات ورحالات القناطر

وجنينة الحيوانات ودريم بارك

ونزول وسط البلد وحديقه الأزهر

هل انت مع ام ضد أصطحاب الاطفال ألى الجامعات؟؟؟؟

[Mr.New]

انا طبعا

ضد اصطحاب الاطفال الى الجامعات


هل انت مع او ضد نقل المواضيع ؟

[radwan]

والله لو كان موضوع مفيد وشايف انه لو اتنقل هفيد بيه الاعضاء الموجودين
اظن مفيش مشكلة من النقل اوالاقتباس
اما بقى لو قصيده او قصة او خاطرة واحد ألفها مليش الحق انى انقلها
الا لما يكون الكاتب مشهور او معروف
او ممكن اكتب تحتها منقول

وانتوا بقى ايه رأيكوا فى الصداقة بين الولد والبنت

[karmen]

بص هى غلط طبعا مليون فى الميه
بس محدش فى الزمن ده بقى يبص للغلط واللا الصح
كله ماشى على مزاجه وعلى هواه
ربنا يهدينا يارب ونقدر نتغلب على أنفسنا
هل أنت مع أو ضد اعدام صدام حسين؟؟

[EzAt99]

والله ما ليا ف السياسة برضو
هل أنت مع أو ضد تولية حسام حسن تدريب المنتخب المصري؟؟

[karmen]

والله انا بقى اللى ماليه فى الكوره خااااااااااااااالص انا يدوبك اشجع مصر لو لعبت مع بلد تانيه
اللى بعدى بقى يجاوب على سؤال ميدو
هل أنت مع أو ضد تولية حسام حسن تدريب المنتخب المصري؟؟

[هيمة فرج]

ضد طبعا

حسام خبراتة كتير ولكن

الاحترام والاخلاق الرياضية اهم من الفنيات

هل انت مع ام ضد تولية جمال محمد حسنى مبارك للرئاسة؟؟؟

[EzAt99]

ضد.........................................!!!!

هل أنت مع أو ضد نظام الثانوية الجديد؟؟؟؟؟؟

[manolly]

ضددها اوى
ده كدة بيعقدوا العيال وعايزين يحبطوهم
انا اساسا ضد النظام التعليمى كله

هل انت مع او ضد الصداقة بين الولد والبنت؟؟؟
واقصد الصداقة المحترمة

[بلابل المتمرد]

لا اؤمن بوجود صداقة بين شاب وفتاة لكن توجود زمالة فكلن منا كان له زملاء بنات فى المدرسة او الكلية واخيرا العمل فكل هذة زمالة مما يفرضوه علينا المكان او الزمان ولكن انا رجل لا اصادق غير الرجال يعنى انا صاحبى ممكن يعدى على فى بيتى وبيقابلنى فى اى وقت وبننزل نروح اى مكان مفيش بينا خجل او خوف فكلنا منا يثق فى الاخر ويحبه
ومع الذكر انا البنات بردوة مع بعضهم كدة بردوة لانهم جنس واحد انما الراجل فهو مختلف ولكن توجد حالة واحدة اذا كانت البنت الى انا هاصدقها دى هارتبط بية او حبيبتى فالمفروض ان هى دى الوحيدة الى تبقى صديقتى وحبيبتى
هل انت مع او ضد الشهرة

[karmen]

الشهره من انهى نوع
اكيد كل واحد نفسه يبقى مشهور
بس انا عن نفسى بتكسف
فهبقى ضد الشهره
عالعموم الفكره مش واضحالى اوى
هل انت مع او ضد تولية عمرو موسى رئيسا لجمهورية مصر العربية؟؟

[EzAt99]

ههههههههههههههههههههههههههههههه
ايه اللي جاب عمرو موسى ف الموضوع
أنا مش فاهم والله
هو ممكن؟؟؟؟؟؟؟؟!!!!!!!!
على العموم أنا ضد طبعا أنا متهيألي اللي نعرفه أحسن من اللي منعرفوش
حسني وجمال كويسين

هل انت مع أو ضد هجرة الشباب للخارج؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!

[karmen]

والله يا ميدو أنا كنت سمعت ان فيه احتمال ان عمرو موسى يترشح لإنتخابات الرياسه
وبصراحه هو لو اترشح أنا هطلع بطاقه انتخابيه واروح انتخبه
عمرو موسى ده كويس جدا
وانا طبعا ضد هجرة الشباب للخارج
كل بلد اولى بولادها
هل أنت مع أو ضد المنتجات الصينيه فى الأسواق المصرية؟؟