ادخلوا عايز النصيحة منكم

[البرنس الوحدانى]

انا حبيت اكتب الموضوع ده وعايز نصيحتكم فيه بس فضلت انى اكتبه بطريقة الشعر ...............................

ساعات أحس إنه حبيبى......وساعات بحس انه كلام
ساعات أحس معاه بالراحة....وساعات أحس انه كلام أفلام
معرفش هل هو بيحبنى........ولا بيتسلى بيا ومعيشنى فى أوهام
سألت ناس عنه .........قالولى دا ولا فى الأحلام
ازاى تحب عن طريق النت.......ازاى تحب عن طريق الكلام
حسيت إنه غلط ..........ولازم أصلح الأيام
واللى يقرا شعرى عايز نصيحته
يلا قولولى مستنى الإنضمام

يا ريت الشعر يعجبكم وياريت تقولولى نصائحكم
هل ينفع ان الواحد يحب ويثق فى حد عن طريق النت بس؟

[golden man]

ما اعتقدش ان الواحد ينفع يثق فى حد عن طريق النت هو ممكن تستريح لشخص
بس مش ثقه جامده

[karmen]

لا طبعا
مينفعش حد يثق فى حد عن طريق النت بس
هو ممكن بعد ما يتعرف عليه أوى ويبقى شخص فى حياته زى أصحابه بعدها يتق فيه
لكن وهو لسه كلام نت كده لا مينفعش
دى وجهة نظرى

[البرنس الوحدانى]

شكرا لمروركم
وشكرا للنصيحة
تحياتى

لكن الواحد بيحس انه بيحبها بس دا اكيد احساس كاذب
مش ممكن تصورى شخصية مزيفة ليها والله أعلم

شكرا لمروركم يا اعز الناس

[eima]

بص يا سيدى :

أولآ : ممكن تحب عن طريق المنتدى كمثال أنك بتكتب فى منتدى الماجك وشخصا ما عجبك جدا تفكيرة وأعجبت بفكرة وده بيكون مرحلة أولى ويكون منتدى الماجك فيه مشاريع خيرية أو ندوات للمنتدى أو بتلمو من بعض وتجيبو ملابس أو شنطة رمضان المهم يعنى فيه تبادل وجه لوجه وأتعاملت معاها وجه لوجه عن طريق الوسيط اللى هو المنتدى بكدا يبقي أنت حبيت صوت وصورة المرحلة اللى بعد كدا هو الماسنجر بينك وبنها ارتحت وبقيت تمام تدخل فى مرحلة أنك تسأل عليها وعلى أهلها الموضوع طلع تمام توكل على الله وأتقدملها قبل ما فارس يجى قبلك ويخدها .

هتقولى مش هو ده اللى حصل هقولك سيبك منها ده حوار فاشل .

هتقولى لسه طالب هقولك اسكت احسن وادخل ذاكر .

هتقولى بحبها ومعيش فلوس هقولك ألتزم بحياتك وأبنى نفسك وبعد كدا أبقي حب براحتك ..

تقبل مرورى يا ريس

[البرنس الوحدانى]

شكرا يا ايما

على مرورك الاكتر من رائع
والله انت كلامك مفيد جدا

[night_fox]

besara7a eima gab mn ela5er hoa w karmen w golden man
w fe3lan elkalam bta3hom msh feeh 3'alta
but as for elshe3r
ana lazem ab2a saree7 m3ak berdo
da msh esmo she3r
sorry
mmkn tgeeb a7san mn keda
rabena m3ak

[البرنس الوحدانى]

بص يا سعيد

دا انا مكتبتهوش باحساس عشان كدة مش هتشوفه حلو

وانصحك انك تشوف اشعارى اللى انا كاتبها قبل كدة وانت تعرف الشعر
وتقولى رايك ومستنيه

وانا دايما بحترم آراء الاخرين حتى لو كانت مش عجبانى

[eima]

بص يا سعيد



وانصحك انك تشوف اشعارى اللى انا كاتبها قبل كدة وانت تعرف الشعر
وتقولى رايك ومستنيه



لالالالالالالا
لا ولا حتى القديم علشان أنا مطلعلك فيه ملحظات كتير .

بس هو بدأ يتحسن يا سعيد وفى أنتظار تحف للبرنس الوحدانى
بالمرة بقي علشان تبقي كملت .

يا ريت يا على تشيل صورتك

[night_fox]

walahi ya eima ana 2oltelo keda 3shan yegeeb a7san
3shan ana msh ba7eb elcomplements

[eltohamy]

فى نقد بناء ونقد هدام

اعتقد سعيد يقصد النقد البناء

من اجل تقدم افضل

[البرنس الوحدانى]

الاول شكرا على المرور
ثانيا انا مزعلتش من سعيد وانا بعتبره زى اخويا
وقابل نصايحه بس انت فهمت غلط يا التهامى

وانا من النوع اللى بترم اراء الاخرين وانا لما بكتب حاجة بكتبها عشان اعرف الاراء اللى يقولى حلو واللى يقولى وحش
مش بكتبه عشان كله يجاملنى وانا نفسى حد يعمل زى سعيد ويقول رايه بكل صراحة

تحياتى