المساعد الشخصي الرقمي

مشاهدة النسخة كاملة : عزاء واجب


night_fox
2009-06-09, 05:19 PM
السلام عليكم ورحمة الله وبركاته
عزاء واجب فى الكرة المصرية
طبعا كلنا اتفرجنا على الماتش
واللى جالو شلل واللى جالو جلطة
واللى جالو الحصبة
واللى جالو اسهال
(بعيد الشر عن كل الماجيكاوية)
وفى الموقف ده
انا قولت شعرم
اصل الشعرم (الشعر يعنى) بيوصل الاحساس
اكيد احساسى هيوصل ليكوا وهتعذرونى فى كلامى

منتكبنا الوطني فين

منتكبنا الوطني فين
منتكبنا الوطني اهو
لاعيبتنا مالهمش رجلين
دول يادوب ليهم قرنين
في الملعب رايحين جايين
وياريتهم هيرجعوا فايزين
هم أصلا مش شاطرين
الا في لعب الدكاكين
لعيبه أصلا مش محترفين
السبب هو نقيب الشحاتين
اللي عامل فيها مدرب متين


كنا بنتفرج في ملل
لما جالنا كلنا شلل
دول مش لاعيبه دول قلل
ياناااااااس منتكبنا فيه خلل

ياما قولنا كتيييير
ان الكوره مالهاش كبييير
ليه كنا بنلعب من غير تمرير
دااحنا كنا كسبنا لو جبنا حمير



سايببين مصالحنا و مستنيين
منتكب مايستهلش تأمين


لاعيبه أنفاسهم مقطوعه
لاعيبه اجسامهم موجوعه
كده انتم سقطتم في بالوعه


في النهايه أوجه شكري لكل أعضاء المنتكب الوطني اللي حط رأسنا في التراب
ولا يسعني الا ان أقول ( حسبنا الله ونعم الوكيل )


وفى قصيدة تانية معلش استحملونى


جايزه اوسكار

لو كان فيه جايزه اوسكار
فى الكوره لاسوأ منظــــر
كان يبقى فريقنا القومـــى
بالجايزه احــــق واجــد ر

لاعيبـــــه بتنسى تفكـــــر
لاعيبه تجـــيب السكـــــر
وتعلى الضغط الواطـــى
والعالــــى تعليه اكتـــــــر
الــغوها يا ناس الـــغوهـا
ع الكوره وع اللى جابوها
امراض الدنيــا صابتنــــا
ووشوشنا الخــلق كلوهــا

البقاء لله فى الكرة المصرية

ودلوقتى معاد سؤال الموضوع

ليه احنا مش بنكسب فى الماتشات؟؟؟؟؟

1_ يمكن المعلم كان قاعد على القهوة بيشرب حجر معسل وشاى (ليبتون)

2_ يعنى ايه نكسب؟؟؟

3_ يعنى ايه ماتشات اصلا؟؟؟

لو عرفت الاجابة اوعى تتصل
انزل اضربلك حجرين مع المعلم
وابقوا قابلونى فى 2014

اقعدوا بالعافية

:-c:-c:-c:-c

karmen
2009-06-09, 05:35 PM
ههههههههههههههههههههههههههههههه
ميرسى يا سعيد على الموضوع
ليه احنا مش بنكسب فى الماتشات؟؟؟؟؟

انا مفهمتش السؤال اصلا
طب هو يعنى ايه سؤال اصلا
هههههههههههههههههه
احنا منتخبنا ده عسل يستاهل بوسه والله
اعتقد هى مره يتيمه اللى دخلنا الكاس سنة 1990 وخلاص خلصت على كده

golden man
2009-06-09, 06:52 PM
ههههههههههههههههههههههه
تسلم يا سعيد والله جامد انا بقى كبرت دماغى بعد الشوط الاول وقمت من قدام التليفزيون
ووالدى ساعة ما الجون التانى جه قام نام وطفى التليفزيون يا عم بلا حرقة دم

night_fox
2009-06-09, 10:20 PM
هى مرة يتيمة ياعينى
وشكلها كدة مش هتحصل تانى

يا عم هيما احنا ورانا امتحانات و هم مايتلم
احنا فاضيين للعالم دى
وياريتهم بيكسبوا

شكرا على مروركو يا جماعة

هيمة فرج
2009-06-10, 01:19 AM
طب ما هو دا نفس المنتخب الى حقق حلمنا فى 2006 و 2008 هو حد كان يحلم بالبطولتين دول

وهما نفس الاعيبة بس هى ظروف ماتش

والاعيبة مكنتشى مركزة الشوط التانى

بس سهل انها تتعوض ان شاء الله

شكرا على موضوعك

بلابل
2009-06-10, 03:02 AM
املنا الوحيد يا سعيد

اننا نكسب الجزاير هنا

2/0

علشان نوصل

وطبعا نكسب بقية المتشات كلها

انا شايف انها مش صعبة ولا حاجة

بس متاكد انهم هما الى هيصعبوها على نفسهم وعلينا

وبرضة العزر عندهم برضة

جلهم تسمم قبل الماتش

لان الباشا حسن شحاتة اكلهم حاجات بسمنة كتير

والرجالة قعدو قبل الماتش بيوم

يتخنقة على الى هيدخل الحمام قبل التانى

هههههههههههههههههههههه

وعوزنا نكسب طب ازاى

prince of alex
2009-06-10, 12:40 PM
اعتقد انه موضوع لا يستحق التعليق عليه

لانه لما يدخلوا كاس العالم

الكل عيبطل نقد

ولو دخلوا وخسروا من اقوى فريق في العالم

عيرجع النقد تانيي

فلازم نأيدهم ونشجعهم

واعتقد انهم فهمين طبيعة المصريييين وكثرة نقدهم

night_fox
2009-06-10, 06:41 PM
يا جماعة انا ماكوا فى كل اللى اتقال
وفعلا فيه امل فى الصعود
بس لو فكرت فيها ان الهزيمة كانت قاسية اوى لبطل افريقيا
مرتين ورا بعض يا هيمة
ده اللى مش كويس خالص
وكمان من فريق بعيد جدا عن المنافسة
بس الماتش الصعب يا بلابل هو ماتش زامبيا مش الجزائر
وبالنسبة ليا انا متفائل
وربنا يقدم اللى فيه الخير
مشكورين على مروركم