يلا بينا نمثل!!!!!!!

[manolly]

بصو اللعبه دى تمثيل كل عضو يدى لعضو اللى بعده دور يمثلو وهكذا اوك يالا انا هبداء كالعاده
دور بياعه ورد ... يالاياللا يا بيه ياللا ياهانم خدوا الورد اللى بيجمع القلوب
والنبى يا باشا اشترى ورد منى
الورد للحبيبة
قوليله ياهانم يشتريلك وردة
واقعد اخنقهم بقى لحد ما يشتروا ههههههههه
انا معرفش الكلام بالظبط مبعتش ورد قبل كدة
ياللا اللى بعدى يعمل دور سواق تاكسي

[admin]

سواق تاكسي

اشوف اثنين حبيبه مشين مع بعض
واقعد ارخم عليهم تاكسى يبيبه تاكسى ياهنم
ارحم رجلك من المشى يابيبه
وهكذا لحد لم يركب

بائع خضار

[البرنس الوحدانى]

أشغل اغنية الشعبية بتاعة الخضار
وأقول الخضار الخضار الخضار

عايز دور واحد عبيط فى الشارع

[manolly]

ياجماعة عايزين تقليف كلام وتقولوه

[karmen]

حاضر يا ميمو فهمنا
متحكوش الموقف يا جماعه قولوا الكلام علطول
واحد عبيط في الشارع
هههههههههههه
النبي يا بيه عايز قش أشتيي حاجه حوه
أنا كعان أوي
النبي يا بيه ختنى معاك النبي يا بيه انت راكب عبيه حوه اوى كته ليه
واحنا مس لاقين ناكل المم
البت اختى قايتلى ان الناس اللى ياكبيين عبيات في الشارع كلهم حاميه ونصابين
انت حيامي يا بيه
مس تدينى حاكه
طب ياللا غور مس عاوز اشوف وسك
انت ياجل ابن.....................
ههههههههههههههه
كفايه كده
انا تعبت من عوجة لساني
اللي بعدى يعمل دور
مدير مصنع بيلف عالعمال بتوعه

[البرنس الوحدانى]

هههههههههههههههههههههه
مدير مصنع؟
هو ماشى بقا ومتأنتك
انت يبنى مش بتشتغل ليه
يلا عشان لو شديتوا حيلكوا هتاخدوا مصاصة هدية
هههههههههه
معلش بقا معشتش الدور ده قبل كدة
انا اخرى العامل هههههههههههه

يلا عايز دور واحد حرامى مفتح اوى

[manolly]

طيب ده انا كدة عايزة كاميرا مش هينفع الصوت بس غير الدور ياعم
اللى بعدى يمثل دور واحدة شحاتة وعايزة عيش فينو
هههههههههههههههههههههه

[karmen]

يادي النيله
هو انا مش همثل غير الشحاتين والعبط
هههههههههههههه
مااااااااااشي
شحاته وعايزه عيش فينو
ايه الألاطه بتاعت اهلها دي
يا بيه
عايزه رغيف فينو يا بيه
طب خلاص يا بيه
هات خمسين جنيه اشتري رغيف
اه يا بيه والنبي غلي
انت متعرفش ان الفينو غلي الواحد بقى بخمسين جنيه
أمال ايه ده انت قديم اوى يا ساعت البيه
هات بقى خمسين جنيه
انا جعانه
حسنه قليله تمنع بلاوى كتيره
ان شالله تنجح يا بيه وتتجوز يا بيه وتجيب عيال زي القمر يا بيه
هتجيب فلوس واللا لا يا زفت انت
(روحي ربنا يسهلك)
ان شالله تنام ما تقوم
ان شالله ما توعى تتجوز ولا تخلف
ان شالله قطر ياكلك يا ابن ال.................
ههههههههههههه
كلهم بيقولوا يا ابن ال............. في النهايه مش عارفه ليه
لازم يبقى ختامها مسك
اللى بعدي يمثل دور
مغني واقف بيتكلم ويتصور ويمضي أوتوجرافات لمعجبينه

[البرنس الوحدانى]

طبعا أنا اشكر جماهيرى الأحباء لان هم ال وصلونى بايديهم
يابنى انت صور البنطلون ده غالى هههههههههههههه
معجب بيقول ممكن توقعلى هنا
طبعا حبيبى اسمك ايه
وانتى اسمك ايه يا قمر يووووووووه القلم فضى
ممكن تمضيلى هنا
يلا يا بت انجرى انا فاضى عشان كل شوية اشترى قلم
ههههههههههههههه

عايز دور رجل أعمال وبيتكلم عن مشاريعه واعماله فى برنامج

[manolly]

معرفش امثله بصراحة


ياريت حد يمثل دور واحدة شعبية اوىىىىىىىى

ولقت جوزها قاعد مع واحدة في مكان عالنيل ورومانسي

وظبططهم بقى هما الاتنين(ههههههههههههههههههههههههههههههه)

سمعوووووووووووووونى بقى

[karmen]

طب أنا همثل الدور اللي قالته مانوللى
بس لازم واحده شعبيه اوى
اوكى
(والذهول على وجهها)
ايه ده؟؟
يا ولاد ال..................
قاعدلى معاها عالنيل يا حبيب يا روح ....................
انت فاكرنى نايمه على ودانى
لأ ده انا مطأطأالك اوى
وحياة أمى لأربيكم انت وهي يا .................
وانتى يا بت
مش انتى نعيمه بنت أم رزق
ايه يا بت اللي مقعدك مع جوزى يا بت
انتى مش متجوزه يا بت انتى أمال فين جوزك النطع
وحياة أبوكى لأقوله وأخليه يفضحك ويسود عشتك
(وبعد ما قطعت فردة الشبشب فوق دماغهم)
وحياة مقاصيصي دول لأوريكم النجوم في عز الضهر
والنبي ومن نبى النبي نبي لأسود أيامكم
قوموا يا ولاد ستين....................×148 هههههههههههههه
الحقونى يا ناس
الحقونى ياهوووووووووووو
الراجل الشايب العايب عاملى فيها زكي رستم وقاعد يحبلى في ليلى مراد
ههههههههههههههه
كفايه كده شرشحه بقى
هههههههههههه
اللى بعدى يمثل الدور اللي قاله علي
عايز دور رجل أعمال وبيتكلم عن مشاريعه واعماله فى برنامج

[manolly]

لالالالالالالالالالالالالالالالا صعبة دى


اللى بعدى يمثل دور


واحد بيتصل غلط وبيعاكس اللى ردت عليه

[البرنس الوحدانى]

منوللى انتى مش ملاحظة ان ولا دور قلنا عليه مثلتيه خالص
وكل شوية تلغى الدور

ال بعدى يبقا يمثل بقا

[THE BOSS]

الووو

مين معايا يا جميل

ايه

انا الي مين

الله الله الله طب ليه الغلط بردو

ده اناااا..... طالب القرب

طب ده مش بيت محمد ؟؟

ولا حسام ؟!

طب يمشي كريم

الوو..

الو...

ماقبوله

هههههههههههههههههههه

الي بعدب يمثل دور سباك رزل و خنيق او سباكه ما يمنعش
ههههههههه

[karmen]

سباكه؟؟؟
هههههههههههههه
بصلح السيفون والميكروفون
ههههههههههههه
لا بجد بقى
نعم يا هانم
هو ايه اللى بايظ حضرتك
البلاعه؟
بتسرب
طب حاضر حاضر هسدهالك خالص
والحوض عاوز سداده من عيونى
انت يا ولا هاتللى الحنفيه ام ايد مكسوره لما أركبها للهانم
ويا ترى بقى الدش شغال كويس
(اه كويس بيجيب كل القنوات)
قنوات ايه يا بيه
بنقول الدش الدش
البتاع ده اللى بيستحموا تحته
شغال يعنى عندكم واللا أجيبلكم ماسوره 6 ×9
طب خلاص متزعقوش كده انا اصلا قرفت من وشكم
ياللا اتكلوا على الله
(ايه ده بيتكم يعنى انا اللى امشي)
وكمان بتطردوني اما عالم معندهمش دم صحيح
طيب طيب انا ماشي خلاص
اللى بعدى يمثل دور جرسون فى مطعم بيتزا

[manolly]

مساء الخير يافندم طلبات حضراتكم
اوكى
اكتب يابنى عندك(على اساس انه مطعم بيتزا في بولاق بقى هههه)
2 بيتزا مارجريتا و3 بيتزا مشروم و 1 بيتزا فراخ وصلحه(ههههههههههههه)
اتفضل يا فندم 6 بيتزا سوسيس
(سوسيس ايه يا حمار انت انا مش قلتلك مشروم وفراخ ومارجريتا انت مبتفهمش)
ايه ياباشا هتعصب نفسك عليا ليه معندناش اللى بتقول عليه ده
وبعدين السوسيس حلو ومفيد ليك انت والجماعة
(انت هتأكلنا على مزاجك هات اللىطلبته منك وانت ساكت)
جرا ايه ياعم متعصبنيش قلتلك مفيش غير ده عاجبك عاجبك مش عاجبك عنك ما اتنيلت وطفحت
ياللا مع 60 الف داهية ومنشوفش وشكم هنا تانى
(جرسون رخم اوى بس ياللا هو ده اللى جيه في بالى بقى)

اللى بعدى يمثل دور واحد بيبيع انابيب بس رخم اخر حاااااااااجة

[karmen]

أناااااااااااااااااااابييييييييييييييييييييييب
اللي عاوز أنبوبه
يصحى من الغيبوبه
هههههههههههههههههه
تررن ترن ترررررررررررررررن
ترررررررن تررررن ترن
أنابيييييب
(طلعلي يا ابني واحده عالدور السادس)
لييييييييييه
خدام أبوكم أنا
اللي عاوز أنبوبه ينزل ياخدها من تحت
(الأنبوبه دي بتنفس يا ابني)
بتنفس؟؟
ليه؟
هي سجارة حشيش
ملناش فيه يا زعيم
خد أنبوبتك وظبط يومك
وخللي المدام تتطبخلك وحاسب لتحرق هدومك
8 جنيه يا بيه
خلينا نمشي م المنطقه النحس دي
اللي مش عارفين نعمل فيا أي سبوبه
ياللا خلصنا
نتوكل على الله بقى
تررررررررن تررن ترررن
أناااااااااااااااااااابييييييييييييييييييييييب
اللي عاوز أنبوبه
يصحى من الغيبوبه
(اللي بعدي يمثل دور سواق تاكسي بيركب الزباين وبيرغي معاهم)

[manolly]

هههههههههههههههههههههههههههههههههههه
يخربيتك يا سوسو
والله فكرتينى بالراجل الرخم اللى ركبنا معاه اللى قعد يحكيلنا عن التاريخ والجغرافيا
اووووووووووووووف رغاى مووووووت
هفكرلك في الدور والكلام واجى امثل حاضر

[amira abdo]

انا همثله
الزبون : فاضي يا اسطهي
السواق: اه علي فين ان شاء الله
الزبون : المعادي ونبي
السواق: اركب يا عثل
الزبون متشكر
السواق: يخربيت السواقه علي سنينها الواحد والله يا بيه بيطلع عينه ف الالمخروبه السواقه دي تعرف يابيه انا بقوم نم صباحة ربنا ايوة والله برجع وش الفجر مجبش غير24 جنيه و35 قرش(شوفتوا الاستهبال) مش مصدقني يا بيه هتصدقني ان شاء لله اصل احنا عايشين عيشه ما يعلم بيها الا ربنا الا مقولتليش يا باشا العثل بيشتغل ايه
الزبون: دكتور نفسي
السواق : هاه مع نظرة استهبال اه اه فاهم ا ونبي يا دكتور حضرتك دكور نفساني انا تعبان اوي يا دكتور مش عارف اليومين دول مش قادر اخد نفسي ليه معندكش حل ونبي ينوبك فيا ثواب
الزبون: نفسك ايه يا عم انت انا دكتور نفساني دكتور مجانين يعني عشان اللي زيك يفهم
السواق وقف بلعربية مره واحده وقال: نعم يا خويا دكتور مخابيل انزل يلا انزل ياض كتكو البلا انت جاي تهبلني انزل انزل ومش عاوز منك فلوس
الزبون: حضرتك انا متاخر
السواق : وانا مالي يابا انزل يلا انزل بلاش جنان
نزل الزبون المسكين ياعيني ههههههههههههههههههههههههههه
بصوا يا جماعه عشان محدش يزعل ده مش كل السواقين ده مجرد لعبة وهزار انا نقصدش حاجه ناااااااااااااااااااااااو انا عاوزه حد يمثل انه من الكفار من قبيلة قريش ههههههههههههههههههههههه

[manolly]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه
يخربيتك يا ميرو
وحياة ربنا عسل

طيب انا همثلك دور واحد ومراته من قبيلة قريش ولا اى قبيلة تانى بقى مش مشكلة


الزوج/يا ام عزيزفون هل من طعام عندك ؟

الزوجة/اى طعام تريد يا ابا عزيزفون

الزوج/اى طعام يا ام زفتيفوفون"بيشتمها يعنى بس بالطريقة بقى"

الزوجة/لا نملك اى الطعام وبالاخص الطماطم يا ابا عزيزفون

وانت تعلم ان الطعام لا يجوز في قبيلتنا بدون الطماطم

الزوج/"بعد تفكير عميق" طيب ومن وجهتك ماذا نفعل؟

الزوجة/نذهب الى السوق ونشتري الطماطم

الزوج / خلاص اوكى "ههههههههههههههههه راجل كول بقى"

الزوجة/ولكن!!!!!!!!!!!!!!!!!!

الزوج/ولكن ماذا ؟؟؟

الزوجة/لقد فنشنا فلوس يا ابا زعيزفون ولا نملك اية نقود نشترى بيها طعام

الزوج/ناخذ من كل رجل طماطماية حتى نجمع المطلوب

الزوجة/طيب تمام يا مان يلا بينا"زوجة كول اوى اهى "ههههههههههه



بس كفاية عليكم كدة ده اللى جيه في بالى


عاوزة حد يمثل دور مذيع في التليفزيون بس رخم موووووووووووووت ومستضيف حد من المنتدى هنا بيرخم عليه"زى حيلهم بينهم كدة"

[دبدوباية]

طيب أنا هامثل دور المذيع وربنا يستر
وهاختار مانوللى أستضيفها عشان أهمل معاها الحوار
يالا نبدأ

أعزائى أعضاء الماجيك الكرام
أهلا ومرحبا بكم ف برنامج أرخم واحد الساعة واحدة
النهاردة بقى أنا مستضيفة شخصية جميلة جداجدا
مرجة جداجدا
بتحب الهزار والضحك والفرفشة
ودى كانت أسباب انى أختار الشخصية دى بالذات عشان نعمل فيها مقلب حلقتنا النهاردة
بس خلوا الكلام دة سر بينا عشان نشوف ايه هايكون رد فعلها

أعزائى أعضاء الماجيك أقدم لكم ضيفة حلقة اليوم وهى الجميلة مانوللى
المذيع : أهلا وسهلا بيكى يامانوللى الصراحة انتى منورة حلقتنا النهاردة ياقمر
مانوللى :أشكرك جدا دبدوباية وـــــــــــ
المذيع :عرفينا بنفسك أكتر يامانوللى
مانوللى : أنا زى ما كل أعضاء الماجيك عارفين اسمى مانوللى
وسنى ـــــــــــــ
أعزائى الماجيكاوية فاصل قصير ونعود اليكم ابقوا معنا
المذيع:ايه يامانوللى معقول اللى انتى بتعمليه دة
مش عارفة تردى على ولا سؤال
لما انتى مالكيش ف البرامج والحوارات دى كنتى اعتذرتى
مانوللى :أنا مش عارفة أجاوب ولا انت اللى عامل زى الراديو اللى مابيفصلش ومش مدينى فرصة أتكلم ولا أقول حاجة
المذيع :أنا زى الراديو اللى مبيفصلش ولا انتى اللى عمالة تتلجلجى ف الكلام وبتخلينى أضطر انى أغطى لخبطك دى
مانوللى :أنا برضه اللى بلخبط ف الكلام ياريت بس تخلى بالك من كلامك شوية وـــــــــ
المذيع :يالا ياجماعة 3 2 1
قوليلى يامانوللى ايه هى هواياتك المفضلة؟
مانوللى :أنا الصراحة بحب ــــــــــــــ
المذيع:طب قوليلى يامانوللى عمرك كرهت حد ف حياتك؟
مانوللى:بص هاقولك على حاجةـــــــــــ
المذيع: طب يامانوللى كنت عايز أسأل ــــــــ
مانوللى بقى هاتفرقع من الغيظ
ستوب ياجماعة أنا مش هاكمل الحلقة دى دة بجد مذيع مستفذ جدا
بيسأل السؤال وقبل لما أجاوب بيسأل سؤال تانى
معلش حد يعلمه التقديم صح وبعدين نبقى نكمل الحلقة
المذيع :ايه يامانوللى هدى نفسك بس ليه اللى انتى عملاه دة
ليه بس معصبة نفسك كدة
الحق عليا انى بحاول أخلى شكل حلو قدام الجمهور بدل ما تطلعى مش عارفة تتكلمى كدة
مانوللى : لا بجد أنا مش هاكمل مع المستفز دة

ويتدخل الانتاج ويهدى مانوللى ويقنعها انهم يكملوا الحلقة
المذيع: ليه أنا حاسس انك متوترة ومتنرفزة كدة يامانوللى؟
مانوللى : مالكش دعوة وخلينا نخلص الحقلة دى على خير
المذيع: مانوللى كنا عايزين نقرب منك أكتر وعايز أعرف منك ياترى علاقتك ايه بباقى أعضاء الماجيك يعنى شايفها كويسة ولا وحشة هم بيحبوكى ولا لأ؟
مانوللى : الصراحة أنا بحب أعضاء الماجيك كلهم وــــــــــــــــــــــ
المذيع : الى هنا أعزائى الماجيكاوية تنتهى حلقتنا والى لقاء آخر مع ماجيكاوى آخر
وبرنامج أرخم واحدة الساعة واحدة

يارب يكون دورى عجبكم

أنا عايزة العضو اللى بعدى يمثل دور حلاق بارد ورخم قوى قوى قوى

[manolly]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههههههههههه
والله عسل يا دبدوباية
بس انا عايزة اقولك حاجة
انا صعب شوية حد يستفزنى لانى باردة حبتين هههههههههههههه
بس اعتقد ان ده لو حقيقي وفى حد عامل فيا كدة كنت همووووووووت من الاستفزاز حقيقى هههههه
ميرسي ليكى ياقمر على كلامك

[دبدوباية]

طب كويس جدا انه عجبك والله
وزوغتى انتى من دور الحلاق الرخم