مسابقة ثقافية للجميع (تحدى بين الأعضاء)

[البرنس الوحدانى]

السلام عليكم ورحمة الله وبركاته
بإذن الله ستقام مسابقة ثقافية للأعضاء
والمسابقة مكونة من 849 سؤال


ومسموح للكل انه يجاوب حتى لو حد قابله جاوب ع السؤال
وانا هختار مين ال اجابته صحيحة

وبإذن الله ال هيفوز معانا ليه لقب من الإدارة
ولكن أحتاج الى من يشرف معى فى هذه المسابقة

ال عايز يشرف معايا يقول
وبإذن الله هنجمع النقاط ونشوف مين ال فايز فى الآخر

وطبيعة المسابقة ان كل يوم سؤال
وان شاء الله ستكون مسابقة مميزة جدا

وللمعلومية انا هحط السؤال الصبح وهسيب فرصة للإجابة لآخر اليوم
ترقبوا المسابقة

وال عايز يبقى مشرف يقول فى أسرع وقت ولكن يتوجب عليه المتابعة والإستمرار الى النهاية

تحياتى

[manolly]

ممكن اعرف اشمعنا 849 سؤال يعنى ليه مش 850 او 600
هههههههههههه

[karmen]

يا بنتى عشان الضرايب
لازم يبقى فيه جنيه ناقص عشان الضرايب
ب 11 و 99 قرش
ههههههههههههههههه
لا بجد بقى
بقولك يا علي انا عندي استعداد أشرف معاك عالمسابقه
ايه رأيك
بس المشرف معاك هيعمل ايه او دوره ايه؟؟؟؟

[البرنس الوحدانى]

خلاص كفاية هزار بقا خلينا شوية جد

اوكى يا كارمن انتى المشرفة معايا
وانتى دورك انك تجمعى نقاط الأعضاء
يعنى انا هقول السؤال واقول من ال جاوب صح
وانتى بقا تجمعى النقاط اوك
بس يا رب متكنش المهمة صعبة عليكى
انا عارف انك ادها وادود
وباذن الله هنبدأمن بكرة

تحياتى

[THE BOSS]

اوك يا برنس احنا معاك

وانا انشاء الله هاكون اول من يجاوب

[البرنس الوحدانى]

بسم الله الرحمن الرحيم

السؤال الأول:
كم عدد الروايات التى كتبها شكسبير؟
1_36 رواية
2-35 رواية
3-37 رواية

منتظر الإجابات

[THE BOSS]

اظن 37

[THE BOSS]

ايه يا جماعه مفيش حماس ليه

[admin]

اعتقد 37


والموضوع عايز صبر
احنا لسه فى الاول

[البرنس الوحدانى]

الإجابة صحيحة للعضوين ولكن انا هاخد بأول من جاوب بإجابة صحيحة
نقطة لبووس

[البرنس الوحدانى]

السؤال الثانى:
كم يبلغ عدد المعلقات فى الشعر الجاهلى؟؟؟؟؟؟؟؟؟؟؟
1- 10 معلقات
2- 7 معلقات
3- 12 معلقة

ننتظر الإجابات
تذكروا أول من يجاوب الإجابة الصحيحة له نقطة

[THE BOSS]

7 معلقات يا برنس

[karmen]

ها يا برنس صح واللا غلط؟؟
كده بوس كان 1 نقطه
قوللى هو انا ينفع اجاوب معاهم واللا مينفعش ؟؟

[البرنس الوحدانى]

صح يا بووس

أكيد يا كارمن ينفع تجاوبى

هو مفيش غير بووس هنا يا جماعة

يلا عايز حماس

[البرنس الوحدانى]

السؤال الثالث:
من القائل
اذا المرء لم يدنس من اللؤم عرضه........فكل رداء يرتديه جميل
1- عبد الرحيم محمود
2- آل بن عاديا
3- أبو العتاهية

منتظر الإجابات

[THE BOSS]

الجواب آل بن عاديا

و احب اكمل واقول ان اسمو الكامل السمؤال بن عاديا وهو كان صاحب حصن الأبرق

[البرنس الوحدانى]

صح يا بووس
طب السؤال الرابع:
من هو صاحب ديوان سقط الزند؟
1- أبو العلاء المعرى
2- أبو الطيب المتنبى
3- أبو تمام

[prince of alex]

اعتقد ابو العلاء المتعري

[البرنس الوحدانى]

متعرى ايه بس ههههههه

صح يا برنس اليكس استمر

طب السؤال الخامس
من القائل:
وما الناس الا هالك بن هالك..............وذو نسب فى الهالكين عريق

1- ابن الرومى
2- أبو نواس
3- المتنبى

[THE BOSS]

ابو نواس

[البرنس الوحدانى]

صح يا بووس

السؤال السادس:
من القائل:
الموت حق أين لى منه مفر.............وجنة الفردوس خير المستقر

مستنى الاجابات

[THE BOSS]

ايه يا برنس مفيش خيارات؟؟

[THE BOSS]

عموما الجواب : ضرار بن الأوزر

[THE BOSS]

مافيش سؤال جديد و لا ايه ؟؟؟؟؟؟؟؟؟

[radwan]

المسابقة رائعة يا برنس
لكن 800 سؤال كتير جدا

ممكن يكونو أقل شوية وهيكون أحسن بالتأكيد

بحييك على الموضوع

[البرنس الوحدانى]

السؤال السابع:
من هو الشاعرالذى قال آخر شعره عند قبر فى الأناضول؟

[yousef eldeep]

اجابة السؤال السابع

امرؤ القيس

[البرنس الوحدانى]

اجابة زى الفل يا معلم
السؤال الثامن:
شاعر أطلق عليه ( الملك الضليل) فمن هو؟

[البرنس الوحدانى]

النتيجة:
بووس 5
برنس اليكس 1
يوسف 1

يلا يا جماعة ال يكمل 20 نقطة يفوز
شدوا حيلكم