ياللا ندردش طول أيام العيد

[karmen]

السلام عليكم يا كل الماجيكاويه




كل سنه وكل منتدى الماجيك طيب وبألف صحه وسلامه




أنا قلت يا جماعه أعمل الموضوع ده


عشان نرغي فيه النهارده(وقفة عيد الفطر المبارك)



ونرغي فيه طول أيام العيد وبعد العيد بشويه




خلينا نحكي مع بعض هنا عن كل شئ حصل معانا في العيد



أو أي شئ احنا ناويين نعمله في العيد






يعني تحكيلنا عن يومك في العيد بالتفصيل




وندردش مع بعض عن العيد



العيد زمان والعيد دلوقتي




خروجاتك في الاعياد زمان ودلوقتي








واللى عاوز حد عن حاجه في العيد ييجي يسألهالوا هنا










هنا هنتناقش عن كل شئ يخص العيد











هثبت الموضوع خلال فترة العيد



ياللا
كل عيد وإنتوا بخير
عيد فطر سعيد علينا جميعا

[admin]

والله فكره واه الواحد بيتسالى


انا عن نفسى هصلى العيد

واروج اعيد على الاقارب


ونشوف هعمل ايه تانى

[karmen]

أعتقد اغلبنا هيعمل كده يا أسامه
خليك بقى متابع معانا
وقولنا خطوه بخطوه هتعمل ايه وعملت ايه
ياللا كله يشارك معانا

[karmen]

والله أنا مش عارفه هعمل ايه
انا لو صحيت بدري عالساعه 6 كده
وده طبعا من رابع المستحيلات ممكن أروح أصلي في جامع عمرو بن العاص
أنا ومانوللى وواحده صاحبتنا كمان
لو بقى صحيت كالعاده عالساعه 3 العصر
لسه بقى مش عارفه هروح فين
بس اكيد اول حاجه هعملها اول ما اصحى
انى اكلم كل صحباتي اعيد عليهم
وبعد كده بقى لسه مش عارفه
هبقى اقولكم

[karmen]

الساعه دلوقتى 5 و5 الفجر
مش عارفه هواصل لحد 6 وأروح أصلي العيد واللا هنام دلوقتي حالا
ربنا يقدم اللي فيه الخير بقى
بكره هبقى اقولكم واحكيلكم عملت ايه
ياللا انتوا فين محدش بيحكي معانا عن العيد ليه

[admin]

الساعه الان 11.42

دخلت نامت الساعه 3 الفجر وصحيت الان


ولم اصلى العيد ولم ايعد على اى شخص

[karmen]

أنا صحيييييييييييت
الساعه واحده الضهر
ايه ده؟؟؟؟
ليه كده بس يا أسامه
مصليتش العيد ليه؟؟
طب روح عيد عالناس دلوقتي
اعمل أي حاجه
انت راحت عليك نومه واللا ايه؟
انا بقى فضلت صاحيه لحد الساعه 7 ونص
وشفت الناس وهما رايحين يصلوا بس مروحتش
ملقيتش حد صاحي خالص يروح معايا
كلمت كل صحباتى وكل قرايبي ومفيش حد عاوز يعبرني ويصحى
وكلمت مانوللى الساعه 6 الا 10
قعدنا احنا الاتنين نحبط في بعض
انا اقولها ياللا نروح تقوللى لا بلاش
بعد كده هي ترجع تقوللى طب خلاص تعالي نروح نصلي
انا اقولها لا خلاص ماليش نفس
تعالي ننام بقى
وقعدنا احنا الاتنين نكسل في بعض لحد ما نمنا
وانا لسه صاحيه اهو دلوقتي
لما نشوف بقى هنكمل اليوم ازاى
ياللا قولولنا
وانت يا أسامه روح بقى عيد على أي حد
طالما مصليتش اعمل أي حاجه تدل على العيد

[prince of alex]

لا يا جماعة انا صحيت بدري وصليت

وكان في ناس كتيرةاوووووووووووووووووي

وبعدين نمت

وقمت لقيت عمي برة جه وجااااااااب معااااااااااااااااه كحك طعم جااااااااااااااااامد كيك اووووووووووي

وبعدين نزلت جبت فطار عشان نفطر بقا

ونزلت السيبر وقلت اخش عـ الماجيك

ولاقيت الموضوع ده فقلت ادخل واشارك

وكمان ياريت يتثبت طول ايام العيد

واستنوني انا عشارك كتييييييير معاكو

[karmen]

طب تمام يا أحمد
صليت العيد الحمد لله
يا بختك
مجبتلناش يعني من الكحك والبيتى فور
متقلقوش أنا هجيبلكم
الساعه دلوقتي 8
أنا بقى بعد ما صحيت الساعه واحده كلت رينجه وفسيخ وعشنا حياتنا تمام
وبعد كده بطنى وجعتني مووووووووت
رحت دخلت نمت لحد الساعه 5 العصر
بعد كده صحيت خرجت أنا وأخويا إتمشينا شويه وجبنا شوية أكل وحاجات للبيت
وبعدين رجعت اهو عشان أدخل عالماجيك
بس ملاقيتش حد خالص
*http://www.elmjeck.com/vb/servtop.com_ramadan_2009-1430/buttons/collapse_thead.gif (http://www.elmjeck.com/vb/#top) المتواجدون الآن (http://www.elmjeck.com/vb/online.php): 23 (الأعضاء 1 والزوار 22) http://www.elmjeck.com/vb/servtop.com_ramadan_2009-1430/misc/whos_online.gif (http://www.elmjeck.com/vb/online.php)أكبر تواجد بالمنتدى كان: 240 بتاريخ 2008-03-30 الساعة 10:00 PM
‏karmen (http://www.elmjeck.com/vb/member.php?u=8666)


انتوا فيييييييييييين؟؟؟
ياللا أكيد كل واحد منكم دلوقتي في موال
لما تيجوا بقى ابقوا إحكولنا عملتوا ايه
سلاموووووووز بقى دلوقتي

[prince of alex]

لا يا ماما رنجة ايه ده قرف

[admin]

نكمل المشهد الثانى من الحلقه الاول من مسلسل يوميات عيد الفطر


انا الان فى البيت بعد يوم غير ....


انا اخذت دش وجهزت الملابس وخرت اعادى على اصداقى

وبعدين رحعت اتفرج على التلفويةت شويه

وبعد العصر كان افضل شى علشان روحت كتب كتاب اخت احد الاصدقاء عقبال عندكم جميعا

وتقابل مع باقى الاصدقاء

ورجعت المغرب وتفرجت على التلفزيون ونمت تانى

ولسه صاحى



بكره باقى نحاول نشوف الاقارب

وعيد سعيد

[khkhalillil]

عيد مبارك لجميع اهل المنتدى وكل مشارك في المنتدى

[karmen]

عيد مبارك عليك ان شاء الله
وانت يا اسامه مقلتلناش عملت ايه باقي ايام العيد
النهارده خلاص اليوم التالت ومحدش خالص قالنا هو عمل ايه تانى وتالت يوم
انا عن نفسي قضيتهم في البييييييييييييييييييت
وكنت حاسه بحالة اكتئاب غير عاديه حتى ولا فتحت النت ولا دخلت عالماجيك ولا اى حاجه
كنت علطول نايمه او بتفرج عالتليفزيون وطبعا بإكتئاب

[مياسين]

بس انا ما فرحتش بالعيد خالص لقيته ممل وبفتح عالناس جروح ما بعرف ويا دوب خالي بس الي زارنا ماشوفتوش الا شوية بس بجد الجرح من نصيبي

[prince of alex]

شعور متبادل بصراحة اوحش عيد في حياتي

[karmen]

آه
عندك حق يا احمد
وانت يا مياسين
فعلا انا كمان زيكم بالظبط
ده يعتبر اوحش عيد في حياتي
كان ملئ بالإكتئاب وعدم الاحساس بأي شئ
مكنش فيه فرحه خالص
مش عارفه ليه كده
ميرسي ليك يا مياسين ومنور المنتدى
شكرا يا احمد

[admin]

والله العيد خالص

انا بقى تانى يوم وثالث يوم زى بعض
الجلوس فى البيت بدون خروج

والجلوس على النت او مشاهده التلفز بدون اى فائده

[بسملة]

ازيكم عاملين ايه واحشني والله
انا قلت ادخل اقول عملت ايه في العيد
اول يوم كعادتنا صحينا ونزلنا نصلي العيد بس كانت المرادي الصلاة كانت متغيرة عشان لاول مرة اختي الصغيرة تيجي معايا وبعد مخلصت صلاة العيد فضلت ادور عليها في الجامع وقابلت صاحبتي في الجامع وقلتلها دوري معايا علي اختي مش وقت سلامات بس الحمدلله لقتها ههههههههههه
بعد كده روحت البيت ولبسنا ملابس العيد وسافرنا القاهرة ورحت عند تاتا وفطرنا رنجة ونمت علي الظهر كده وصحيت الساعة 3 فضلت اتحايل علي اخويا وخالي وخالتي ننزل نروح في اي حتة بس كلهم كانوا كسالي ومردوش بس بعد شوية لبسنا كلنا وروحنا لعمي نعيد عليه ورجعنا علي الساعة 8 المغرب
وخرجت انا وخالتي ورحنا اشترينا شوية اكسسوارات وشوية كتب كنت عايزاها وبعد كده رجعنا ونمنا
وجه تاني يوم معملناش اي حاجة لغاية 7 المغرب نزلنا واصورنا انا واخواتي وبعد كده سافرنا لبتنا وفي تالت يوم قضنا اليوم في البيت اقنعتهم بالعافية نروح اي سينما نفرج علي فيلم الف مبروك بس محدش رضي يجي فرحت انا وبابا السينما بس للاسف ملقتش الفيلم لقت فيلمين عمري مهدخلهم اكيد طبعا ملهمش قصة فرجعت انا وبابا بس علي الاقل اتمشينا شوية
يعني العيد السنادي كويس وانا بصراحة مبحسش بالعيد الا لما اصلي صلاته والحمدلله بدات اصلي العيد وانا صغيرة اوي تقريبا سنتين
وميرسي يا كارمن علي التويك الجميل ده
ومعلشي رغيت كتير انا عارفة

[karmen]

زينا كلنا يعنى يا اسامه
ولا خرجت ولا عملت
مش عارفه ليه كده

[karmen]

يا سلاااااااااام عليكي يا بسمله
هو ده الشغل واللا بلاش
ايوه كده هو ده العيد صحيح
تمام يا قمر
فرحتينى والله
اخيرا حد استمتع بالعيد فعلا
ميرسي ليكى يا بوسي عالمرور

[بسملة]

ميرسي ليك انتي يا جميل ان شاء الله العيد الجاي نعيد كلنا فيه كويس

[خالد20010]

هلا بالماجيك

[karmen]

يا اهلا وسهلا بيك انت يا خالد
منور الماجيك كله

http://abeermahmoud2006.jeeran.com/443-wellcome.gif


http://abeermahmoud07.jeeran.com/643-Welcome-AbeerMahmoud.gif



http://abeermahmoud07.jeeran.com/640-Welcome-AbeerMahmoud.gif




http://abeermahmoud07.jeeran.com/641-Welcome-AbeerMahmoud.gif