قدر الله وماشاء فعل

[admin]

قدر الله وماشاء فعل

مش عارف اقول ايه
ومش لاقى كلام اقوله

بس خلاصة الكلام


تعودنا ان نشارك بعض الفرح والحزن


اليوم حزن من نوع خاص


العضوة المتالقه كارمن

فقدت السياره الخاص بيها


تقريبا فى حادثه


قدر الله وماشاء فعل


ربنا يعوضك عنها خير


واهم شئ ان انتى بخير


دعوه للجميع لمشاركه كارمن زعلها على السياره


ونحمد الله على عودتها سالمة



المصدر

الصديق الدائم لها مانوالى

انا كمان هنا
ازيكم يا حلوييييييييييييييييين
ايه اخباركو تو داى
وسارة جات اهى
عايزين نقدم لسارة موضوع مواساة في الصحبة والمناسبات
العربية ما شاء الله مكملتش اسبوعين والازاز اتكسر والعربية اتطبقت
ايه يابنتى ده
اومال لو قعدت معاكى شهر هيحصلها ايه
يلا معلش بقى في الاخر ده قدرها
ان شاء الله تكون اخر الاصابات



ان شاء الله مانوالى

[البرنس الوحدانى]

ايه يا كارمن يا عسل فداكى مليون عربية
المهم انك الحمد لله بصحة وسلامة
وباذن الله تجيبى أحسن منها ( همر مثلا) خليكى فى التقيل

انتى وحشتينا اووى يلا متغيبيش عنا تانى وفداكى كل العربيات بس متغيبيش عن حبايبك

يا رب تكون آخر الحوادث

وتسلم يا أسامة ومانوللى على اذاعة الخبر
عشان سارة بس تعرف ان هى غالية علينا اوى

تحياتى

[لمحه حب]

بسم الله الرحمن الرحيم

حمد لله على سلامتك ياقمر المهم صحتك العربيه تتعوض بس عمرنا مارح نعوضك ياقمر الحمد لله انها جات في العربيه ولا فيكي منوره المنتدي



http://sososhs.jeeran.com/shrooq-w2.jpg

[EzAt99]

متزعليش يا كارمن....ان شاء الله ربنا يكرمك وتجيبي الأحسن مش بس تصلحي دي
قدر الله وما شاء فعل
ربنا يعوض عليكي

[golden man]

الحمد لله يا كارمن على كل شيء
اهم حاجه سلامتك انتى فداكى مليون عربيه
حمد الله على سلامتك واهم حاجه رجعوك بالسلامه ما يكونش فيه اصابات بس
ومحدش عارف الخير فين
بسم الله الرحمن الرحيم
( قل لن يصيبنا الا ما كتب الله لنا )

وكمان ( وعسي ان تكرهوا شيئا وهو خير لكم وعسي ان تحبوا شيئا وهو شر لكم والله يعلم وانتم لا تعلمون ) صدق الله العظيم

[عاشق الارسنال]

الحمد لله انك بخير
وربنا يعوضك غير العربيه الف عربيه باذن الله

[manolly]

اييييييييييييييييييييييييييييييييييييييه ده كله ده
انتوا كبرتوا الحكاية اوىىىىىىىىىىىى
ياجماعة كل الحكاية ان الازاز بس اللى ورا اتكسرغالبا حد خبطه او حاجة زى كدة
واتطبقت العربية من ورا علشان كانت بتركنها فخبطت غصب عنها في عربية وراها(حاجة بسيطة يعنى الحمد لله)

لكن الحمد لله مفيش حوادث ولا اى حاجة خااااااااااااااالص

واكيد طبعا بشكركم بالنيابة عنها على الشعور الطيب الجميل ده
بس يا خسارة طلع عالفاضى


بعد الشر عليكى يا سوسو انتى وعربيتك
وربنا يكفيكى من الحوادث وبلاوى العربيات دى

وتقريبا شكلنا مش هننزل بيها الجامعة ولا ايه
كل ما نيجى نروح يحصل حاجة
ارقيها يابنتى العربية دى

[karmen]

العضو المتالقه كارمن

فقدت السياره الخاص بيها


تقريبا فى حدثه




ربنا يعوضك عنها حير





يا نهاااااااااااااار مهبب
حرام عليك يا أسامه
فقدتها ايه بس متخلينيش أعيط
زى ما قالت مانوللي يا جماعه
الازاز الورانى اتكسر والشنطه اتطبقت شويه بس
حصل خير يعني
مش حادثه رهيبه اوى كده
عامة ميرسي أوى ليكم على مشاركتكم الطيبه
ميرسي أسامه والبرنس الوحدانى ولمحة حب وجولدن وعاشق الأرسنال وميدو على مشاعركم الرقيه
أنا بخير الحمد لله

[golden man]

طب ليه ده انا كنت ناوى اجى واشتريت ولا اقولك مش مهم بقى اشتريت ايه
وجهزت الشنطه ما انا قلت مش مشعقوله اسيبك ف الى انتى فيه لوحدك
يالا مش مشكله بقى
متعوضه

[THE KING]

يالاااااااااااااااااااااااااااهوي
قلبي معاكي يا اختشي
اجبلك معدده يا بيضه
ده تلاقيها عربيه 128 كحايانه
ههههههههههههههه

عالعموم خيرها فى غيرها
المرادي ازاز وصاج
المره الجايه ماتور وترونبة بنزين
ههههههههههههههه

[karmen]

128
ماشي يا سيدي
وهي مالها يعني ال 128
بس هي مش 128 هي ممكن تكون 246

:p:p:p

8-}8-}8-}

[GHOST]

حصل خير

واللي يجي في الريش بقشيش

هوه اه شكل الريش غالي شويه المرادي

بس عادي بقى

حيات أغلى

حمدلله على سلامتك

[karmen]

يا سلام
جوست بنفسه
الله يسلمك يا علي