بصراحة مش لقى عنوان

[ahmed.dodo]

عمرك ماتحس بقيمة الشخص
غير لو فيوم جيت وخسرته
ساعتها بس تحس بنقص
وماتفتكرشي غير صورته
وتحس برضه إنك ندمان
إنك في يوم فيه زعلته
وتقول ياريت ترجع يازمان
وتسحب كده كل ماقولته
وتعيش وعندك برضه آمال
إنه راجعلك ودي عادته
وتعتذرله عن الآفعال
وإللي إنت فيه كنت عملته
ده فلحظه يجي علينا الموت
ولاحتى إنت إتوقعته
بيجي من غير آي شروط
غير بس إحساس بمصيبته
أنا حزين على بُعد صديق
صحيت لقيت إني فقدته
دلوقتي أنا حاسس بالضيق
في بعده عني إستفقدته
حاسيته كان مالي حياتي
بشقاوته وييا عفرتته
كان يحكي وييا يوماتي
لو شوفته أو حتى ماشوفته
منه ساعات كنت آتضايق
وآقول ياباي يادي غلاسته
وساعات آقول أنا مش فايق
لنكته وللا لهيافته
بس آما راح فجأه وسابني
شفته ساعتها على حقيقته
وإنه الوحيد إللي حاببني
رغم كتير إني ظلمته
كنت آما آعصب كان يضحك
يقلبها بهزار ببساطته
ويقول ياواد روّق دمك
وآتمادى أنا كده في إهانته
وهو كان يستحملني
ياريتني كنت إستحملته
دلوقتي كل إللي آلمني
في حياته ماعرفتش قيمته

[لمحه حب]

يعطيك العافيه تسلم

[amira abdo]

وااااااااااااو تحفه تسلم ايدك يا احمد

[slow.but.sure]

واضح ان فى حد عزيز اوى عليك فى حياتك راح منك ............بجد ربنا يصبرك وتقدر تنساه لو كان مش هينفع يرجعلك :x:x:x:x

[هيمة فرج]

جميل احساسك يا احمد

تسلم ايديك

[manolly]

دلوقتي كل إللي آلمني
في حياته ماعرفتش قيمته

جميل اوى يا احمد
وفعلا الانسان مش بيحس بقيمة الحاجة اللى معاه غير لما تروح منه

[THE STAR]

**
تسلم اخوي على موضوعك
وكلمات التي هي اكبر من ان تواجه بكلمات الشكر
تحياتي وودي.،~
http://www.lojein.com/modoi/122.gif
,:"