يوم من عمر اعضاء المنتدى

[sha3lan]

السلام عليكم ورحمة الله وبركاته

يوم من عمر اعضاء منتدى الماجيك

فكرة الموضوع اننا كلنا هنعيش يوم من عمر كل عضو من المنتدى

هنختار عضو من اعضاء المنتدى وهنختار يوم معين والعضو ده هيحكيلنا

ازاى قضى يومه ده بكل امانة وبأدق التفاصيل

وانا هكتب ثلاث اعضاء واول ثلاث اختيارات تتفق على عضو معين

هنحدد له يوم ويحكى لنا ازاى قضى اليوم ده

*admin:a (113):

*silver:a (113):

*elmjeck:a (113):

يارب تكون فكرة الموضوع عجبتكم

وما تنسوش ترشحوا عضو من الثلاث اعضاء

[night_fox]

الله
فكرة جميلة جدااااا
وانا برشح
silver

[sha3lan]

الف شكر / mr pirate لمرورك الطيب


وعايزين نشوف اراء الاخوه اعضاء ومشرفين منتدى الماجيك

[nada minnie]

موضوع جميل ميرسى كتير ليك وأرشح silver

[حمدتو]

thanksارشح نفسي

[كونان]

اتفضل يا silver
مشكور يشعلان على الموضوع الجميل ده

[tafa]

موضوع جميل جدا
وارشحsilver

[بلابل]

silver
silver
silver

شكرا شعلان على الموضوع الجميل دة

[Silver]

يا نهار ألوااااااااااااان

بقى أنا كده الضحية فى كل موضوع

كلكوا عليا ولا ايه ...

صعبان عليا حالى

المنتدى كله واخدنى فار التجارب فى كل موضوع

على العموم ربنا معانا على الموضوع ده

[بلابل]

شكرا شعلان على الموضوع الجميل دة

وانتظر تثبيت الموضوع منى بعد تفاعل الاعضاء معة

والله الموفق

والى الامام شعلان بكل ما هو مفيد

[Silver]

يا ريت يا شعلان...

هل أحكى عن أى يوم ؟!

ولا فيه يوم أنت هتقوم بتحديده

ويا ترى الحكاية باستفاضة ؟ ولا بإيجاز ؟

منتظرك يا غالى ،،،

والله الموفق

[sha3lan]

والله انتا اغلى

بس انا كنت عايز عضو يعرفك اكتر منى ويحدد اليوم مش انا



علشان يكون يوم محرج شويه .....ههههههه

[Silver]

ههههههههههههههههه

براحتك يا شعلان

بس أنت صاحب الموضوع وليك الحرية التامة

وفى إنتظار اللى هيختار اليوم

[بلابل]

يا جماعة الموضوع دة بتاع اخ عزيز علينة

وانا هكملة بدلا منة

لغاية ميرجعلنا بالسلامة من تانى

ويوجد تعديل بسيط

اختيار العضو مش هيبقى بالاستفتاء

علشان خاطر الموضوع يكون ملخص عن حياة الاعضاء فقط

منتظر ردودكم من جديد

علشان نبتدى

وعلية

تم تثبيت الموضوع

[karmen]

ويوجد تعديل بسيط

اختيار العضو مش هيبقى بالاستفتاء

علشان خاطر الموضوع يكون ملخص عن حياة الاعضاء فقط



يعنى ايه مش فاهمه
يعنى انت اللى هتختار كل عضو
وضح
عالعموم المفروض سيلفر ييجى يحكى عاليوم بتاعه

[golden man]

ايوه احكى الاول يا سيلفر وبعدين نكمل يا بلابل

[Silver]

لالالالالالالالالالا

انتوا بتتكلموا فى ايه

شوفوا بس تاريخ الموضوع

وأنا بحب الروح الجديدة ونقول

كـــــــــــــــــــارمـــــــــــــــــــــن

[golden man]

هههههههههههههههههههه
لا يا معلم انا معترض احكى انت الاول

[بلابل]

يا جماعة احنا قلنا فى تعديلات فى الموضوع

وهى

البداية من جديد

تحديد العضو واليوم الى حيحكهلنا وامتى هيكتبهلنا

عدم تاخير العضو فى كتابة اليوم المطلوب منة

وعلية يتم تحديد العضو الجديد

صاحب اول مشركة فعالة فى هذا الموضوع

هتكون الافتتاحة مع العضو

جولدن مان

اليوم الى هتحكية هو الاتنين

وتكتبلنا الرد يوم الثلاثاء

توكل على الله

[karmen]

هههههههههههههههه
قشطه كده والله
ياللا يا جولدن توكل على بركة الله
هتبدأ بكره طبعا
عشان النهارده الاتنين
اوعى تعمل حاجه وحشه النهارده وخد بالك من تصرفاتك
عشان بكره هتيجى تحكيلنا اللى حصل النهارده

[عمر-غانم]

ياللا يا جولدن
واستعد كويس

[golden man]

يوم الاتنين الى هو امبارح ما كانش فيه حاجه تتحكى
بداية من الساعه 12 باليل كنت قاعد على الماجيك لحد الساعه 3.5
وقمت نمت وبعدين صحيت صليت الفجر وجيت كملت نوم وقمت الساعه 8 كان فيه شغل فى البيت عندى فكنت موجود فى البيت لغاية المغرب وكان فيه ناس صحابى اتصلوا بيا عاوزينا نعد مع بعض قولتلهم خلاص هجيلكوا وبعد شويه واحد صاحبى عدى عليا روحنا خارجين عند واحد صاحبنا تانى وقعدنا نلعب وقعدنا مع بعض وما روحتش للناس التانيه وجيت بس كدا

[عمر-غانم]

زمان الناس التانية مستننية وشها احمر روحلهم بقى
هههههههههه
جميل جداً يا جولدن

دلقوتى أنا برشح
سيلفر
يالله ولازم تحكى

[golden man]

اوك خلاص نرشح سيلفر يالا يا عم
بس بلابل هيجى يقولك تحكى عن يوم ايه

[عمر-غانم]

كل أسبوع
إنت حكيت يوم 24/6
يبقى سيلفر يحكى 1/7

[بلابل]

شكرا جولدن

وباين ان يومك كان عادى خالص

وان شاء الله تكون معانة فى يوم مليان اكتر من كدا

[بلابل]

الضيف الجديد

تقوى الروح

واليوم الى هتقلهلنا

يوم الاحد

وهتكتبة يوم الاتنين

منتظرينك يا تقوى

[ملاك الروح]

خدي بالك يا تقوي بقي من تصرفاتك معانا
علشان هنبقي واخدين بالنا كويس أوي

وعايزين احترام كدا ف البيت
اوكي
يالا ربنا معاكي

[golden man]

اوك يا بلابل ربنا يسهل ويالا يا تقوى عايزين نشوف يوم حافل

[تقوى الروح]

‏ ‏
بسم الله
امبارح ماخرجتش من البيت
نبدأ
قومت من نومي متأخر شوية ع ١٠ومعاها شوية دقايق
طبعا فتحت عنيا ع صوت ماماتي قومي ‏ وكده
قومت اتوضيت وصليت الصبح
ومعاه الضحي
وروحت اساعد مامتي عادي
الظهر اذن روحت صليته بعدها مسكت الموبايل شوفت مين رن والي مسجلي
وعاودت عليهم وقعت العب واسمع اغاني
وقاعدين انا واخواتي قعده حلوه كده
اذن العصر بعدها بشوية صلينا وبعدها اتغدينا
وشلنا الغدا ونضفنا تاني
وعملت صنية " مجهوله" محدش يسألني بتعمل ازاي عشان دي حاجه من اختراعي بلاش احراج ههههه
ايمي وملاك ساعدوني بس مش في عمايلها بل ساعدوني القضاء عليها واكلها
و اتفرجت ع الصفحه الأخيره "برنامج"
وبعدين ع قصر الحب وبعدين صليت المغرب
ورجعت تاني اتفرج ع مرنا وخليل
وبعدها جم ٢ من بنات الجيران قعدت معاهم اتسلينا وحكينا
لما مشو فتحت النت وقعت لحد باليل قمت اتعشيت ورجعت تاني قعت لحد ١٢ او ١ مش فاكره قمت صليت العشا ونمت وبكده انتهي يومي

[golden man]

كان يوم عادى يعنى يا تقوى زى كل يوم
عايزين يوم جااااااااااااااااااااااااامد

[تقوى الروح]

ههههههههههههه
وانا اجيب يوم جامد منين بس ياجولدن
دأنا قعت اتحايل ع بابايا يفسحنا بس هو بيزي خيرها في غيرها بقي

[golden man]

خلاص ما تقوليش لبابا بعد كده يفسحك قولى لماما
ولا ماما بيزى كمان بصى اهم حاجه تتفسحى وتيجى تحكيلنا
يالا علشان هنديكى يوم تانى

[تقوى الروح]

ان شاء الله
بس بعد يومك الجامد الي هتبقي تحكلنا علية

[عمر-غانم]

إن شاء الله تتفسحى
احنا عايزين اى حد يبقى يومه جامد

[تقوى الروح]

دعواتكو معايا كده ياجماعه
امتي هنخرج ونتفسح بقي
ومنتظرين العضو الجاي واليوم الجامد

[golden man]

انا ايامى كلها تشبه بعضها
واتخنقت من كل حاجه

[youssf_star2008]

معلش يا جلدن وانا والله محبوس فى البيت

ومخنوق خنقه سوده

[عمر-غانم]

يا ترى مين اللى هيترشح
انا شخصياً عايز سيلفر اللى يحكى

[golden man]

فين بلابل علشان يقول العضو الى عليه الدور

[youssf_star2008]

معرفش هو فين بألى كام يوم مش شايفه

[تقوى الروح]

يعني هيكون بلابل اتخطف يا جماعه
لالالا مش معقول
زمانه بيقضي يوم حلو(جامد) عشان يجي هنا ويحكيلنا عليه

[youssf_star2008]

يعنى نرشح بلابل

[golden man]

مفيش ترشيح هو احنا فى معمل
بلابل عامل احتكار وهو الى بيختار

[karmen]

هههههههههههههههههه
ايه يا جماعه التهزير الكتير ده
الهزار يعنى
ياللا يا بلابل
انت فعلا احتكرت الموضوع لحسابك واللا ايه
انا على ما اعتقد كده ان ده موضوع شعلان

[بلابل]

هههههههههههههههههه
ايه يا جماعه التهزير الكتير ده
الهزار يعنى
ياللا يا بلابل
انت فعلا احتكرت الموضوع لحسابك واللا ايه
انا على ما اعتقد كده ان ده موضوع شعلان

يا جماعة الموضوع دة بتاع اخ عزيز علينة

وانا هكملة بدلا منة

لغاية ميرجعلنا بالسلامة من تانى

ويوجد تعديل بسيط

اختيار العضو مش هيبقى بالاستفتاء

علشان خاطر الموضوع يكون ملخص عن حياة الاعضاء فقط

منتظر ردودكم من جديد

علشان نبتدى

وعلية

تم تثبيت الموضوع



اعتقادق فى محلة يا كارمن

ولو شفتى ردى وكلامى فى الاول هتعرفى

انا قلت هكملة مكانو لغاية ميجى بالسلامة

مقلتش انة بتاعى

على العموم انتظرو العضو القادم

[karmen]

فى ايه يا عم الحاج
متيجى تاخدلك قلمين أحسن
يا ابنى بهزهز عادى
اتفضل يا سيدى قول العضو اللى بعد كده
منتظرينك

[بلابل]

العضو الى بعدة كدا

هيكون

3mr

واليوم الى هيحكية

يوم الاتنين

ويكتبهلنا يوم الثلاثاء

منتظرينك

[karmen]

منتظرينك يا عمور
مش عاوزين اى غلطات يوم الاتنين بقى
اقعد كده فى بيتكم والتزم الأدب والصمت
هههههههههههههه

[THE KING]

هههههههههه

لا انا مبعرفش احكي .. بس ههحكي بأه وخلاص ..
بس اصبروا عليا شويه .. لما اشوف اللى بيحصل ده

[mahmodsalama]

فكره هائله يا باشا

[بلابل]

انت فين يا عم عمرو

انت مش عارف توصل لغاية هنا ولا اية يا عم الحج

انت تهت ولا انت فين

منتظرينك

[نسرين]

مستنيينك يا عمرو

[بلابل]

عمرو شكلو مش عارف يوصل

انت فين يا عمرو

[THE KING]

انا هنا
بس اصبر عليا شويه يا بلابل لما اخلص كرسي الاعتراف والمحكمه
شوف حد غيري ولما اجي انتو اعملوها معاه

وانا هقلك تختار مين
اختار

mahmodsalama

[karmen]

وايه يعنى يا عمرو
عالعموم ماشى براحتك
اما نشوف بلبل هيختار مين

[بلابل]

اية يا عم عمرو

انت بتهرب ولا اية

الحكاية مش صعبة خالص

وعلاش اثبتلك انها مش صعبه

شوف كارمن هتكتبلنا يوم جامد ازاى

هتحكلنا يومك النهردة وتكتبى المشركة بكرة

منتظرينك

[بلابل]

اية يا كارمن انتى فين

[karmen]

يالهوووووووووووي
انت طلبت انى احكى امتى
ده من زمان اوى
معلش مخدتش بالى
اوكى

[karmen]

بص انت اللى قلت بالتفصيل الممل متلومش غير نفسك
هههههههههههههههههه
امبارح صحيت من النوم الساعه 12 الظهر
بستهبل جامد انا بس الحمد لله انى صحيت كده مش زى كل يوم الساعه 3 او 4 العصر
قلت بقى يوم من نفسى اصحى بدري واحس برمضان والصيام
وعشان كمان كنت معزومه عند خالتو
قمت صليت الصبح والظهر مع بعض عشان للأسف مكنتش صليت الفجر
نمت قبل الفجر بنص ساعه فعلا متضايقه من نفسى
ما علينا
وبعد ما صليت قريت شوية قرآن
كانت الساعه دخلت على واحده
مبفتحش تليفزيون انا خالص قبل الفطار
كله بعد الفطار
قعدت اتسلى شويه قريت شويه من قصه وكتاب كده بصيت فيه
بعد كده مسكت التليفون رغي متواصل لمدة ساعه
نصايه مع صاحبتى ونصايه مع بنت عمى
ومسكت الموبايل بعت كده كام رساله عالماشى ل 6 من صحباتى
ورنيت على شوية ناس وبعدين اتصلت بناس مكنتش كلمتهم بقالى زمن
انا شغاله عالحوار ده من اول رمضان
كل يوم اكلم شوية ناس مكلمتهمش بقالى فتره
المهم
الوقت سرقنى فى الحاجات دى وببص لاقيت العصر بيأذن
الساعه 3 ونص
ده طبعا للى ميعرفش العصر بيأذن امتى
قمت اتوضيت وصليت وقريت شوية قرآن
كانت الساعه حوالى 4
قمت بقى عشان ألبس
وطبعا ده لو كان فى يوم تانى غير رمضان
كان هياخد منى عالأقل ساعه ونص يعنى كنا هنروح للناس بعد المغرب
لكن بما اننا فى رمضان ومفيش اى نوع من انواع التظبيت
فخلصت حوار اللبس كله فى ربع ساعه بس وده انجاز فى حد ذاته
عالساعه 4 ونص نزلت انا وماما وركبنا العربيه
مشوار خالتو بياخد نص ساعه تقريبا
طبعا مش هنتكلم كتير عن زحمة المواصلات وبالذات فى الوقت ده
انا كنت هطرشأ من جنابى من الحر والسواقه والشمس اللى ضاربه فى نفوخى
طبعا جاتلى حالة أتب فى رجلى اللى شغاله فرامل بنزين دبرياج
السواقه فى الزحمه زباله بشكل مش طبيعى
المهم بعد ما جاتلى كل حالات القرف كنا خلاص مفيش دقايق ونوصل
ولاقيت ماما بتقوللى ايه يا ساره انتى مشغلتيش التكييف ليه فى الحر ده
بصوا بقى لكم انت تتخيلوا جالى نوع من انواع الشلل الرعاش
يعنى انتى يا ماما لسه فاكره دلوقتى طب مقلتيش ليه من بدري
طب انا اتنيلت على عينى نسيت انا حيوانه فكرينى بقى
المهم كنت فاكره ان المشوار يآخد نص ساعه لكن للأسف أخد ساعه
ووصلنا على 5 ونص
طلعنا عند خالتو
طبعا بعد السلام والبوس والترحيب وخالتو فى الدور السادس ومعندهمش أسانسير
يعنى حاجه آخر هبل
ماما طلعت بعدى بربع ساعه اصلا
المهم قعدنا بتاع ربع ساعه كده والنور قطع
يادى النهار اللى زى وشى
حاجه فقر
والله العظيم فقر آخر شئ كنت اتوقعه ان النور يقطع عند خالتو كانت الساعه 6 وشويه كده
المهم كملوا عمايل الاكل والبلح والخشاف وكده على ضوء الكشاف
انهمكوا اوى فى تحضير الاكل
المغرب بيأذن حوالى 6 وتلت او ونص الا 5
ببص فى الساعه لاقيتها 7 الا تلت
وهما نايمين فى العسل ومحدش واخد باله ان المغرب أذن
ما هو ولا تليفزيون ولا ميكريفونات جوامع
ماهو النور الهباب قاطع
المهم قلتلهم وشربت ميه عشان كنت ميته من العطش
والنور جه الحمد لله
وكلنا وطبعا مش لازم اقول كلنا ايه
ده يبقى تفصيل أوىىىىىىىىىىىىىى
شكلكم زهقتوا أصلا وأنا كمان والله تعبت
المهم بإختصار
اتفرجت وانا بفطر على يوميات كرومبو
محدش يضحك بجد
تلاقى نصكم متابعها اصلا
وبعد كده اتفرجت عالرحايا بتاع نور الشريف وبشرى ساره بتاع ميرفت امين وبعديه على
عشان ماليش غيرك بتاع الهام شاهين
هما دول التلاته اللى انا متابعاهم ورا بعض بس
طبعا كانت العشا اذنت وعلطول انسى الحوار ده واقول انا هصلى المغرب الاول وانسى
المهم صليت المغرب والعشا
وقعدت مع ولاد وبنات خالتو
بعد طبعا الولاد ما رجعوا من التراويح
المهم سهرنا شويه وهرجنا وضحكنا والذى منه
طبعا مش هقول عالكلام اللى قلنا لأن كده يبقى أوفر أوى
ويبقى ملل وانا حاسه انكم بتنفخوا دلوقتى وزهقتوا وعمالين تقولوا ايه أم اليوم
اللى مش راضى يخلص فى ليلته ده
المهم بعد ما خلصنا السهره
رجعنا انا وماما وطبعا كانت الزحمه المعتاده بس بالليل غير الصبح طبعا
بالليل هدوء الى حد ما مع ان فى شوارع القاهره مبتفرقش ليل من صبح فى زحمة المواصلات
وصلنا وقعدت شويه بعد كده فتحت النت
ودخلت عالماجيك
قعدت اتفرج عالمواضيع وشاركت شويه وكلمت مانوللى شويه عالنت
بس المايك معرفش كان فيه ايه بتاعى واللا بتاعها اللى بايظ
المهم كنت انا سامعاها بس هي مش سامعه صوتى
طبعا بقت هي تتكلم وانا اكتب لحد ايدى ما باظت واقولها ابوس ايديكى
نتكلم بكره لما تشوفى مايكك او انا اشوف مايكى
ومفيش فايده مش عاوزه تقفل ابدا وتقوللى جربى مش عارف ايه واعملى ايه المهم
الساعه بقت 3 صحيت ماما واتسحرنا
بس كده وبعد كده نمت زى القتيل وصحيت النهارده
طووووووووووووووووولت أوىىىىىىىىىىى أنا

[بلابل]

انا غلطان اساسا انى قلتلك احكى

وكنتى عوزة تكتبى الكلام كمان الى دار بنكم وانتو قعدين

دنا كنت حكمت عليكى

ههههههههههههههه

بس بجد كان يوم جامد

ههههههههههههه

نورتى الموضوع بيومك يا كارمن

ومنتظرينك فى يوم جديد

بس يكون كلة فى البيت

علشان مطوليش علينة

هههههههههههههههههه

[بلابل]

ارشح انا المرة دى كمان

ولا تختارو واحد المرة دى انتو

[karmen]

مااااااااااااااااشي يا بلبل
ليك يوم
بس خليك فاكر انت اللى قلت اى عضو يحكي بالتفصيل الممل
ماااااااااااااااااشي
أيامك سوده معايا
هههههههههههههه
أنا بقول اختار انت وخلاص مش لازم ترشيح
اصل الترشيح هياخد وقت
اختار بقى

[manolly]

هااااااااااااااااااااا
هو بلابل نام بعد كدة ولا ايه
ولا لسة بيدور على حد

يلا يا بلابل عايزين نقرا يوم حد تانى
بس حد ميكونش رغاى زى كارمن كدة
هههههههههههههههه
لا بجد كان يوم لذيذ ومسلى

[karmen]

بعد إذن أصحاب كل المواضيع الغايبين واللي نايمين في العسل
انا هنشط كل المواضيع اللى نايمه دى ومفيهاش نشاط
لحد ما اصحابها يرجعوا وبعد كده يستلموها
بعد اذنك يا بلابل وبعد اذنك يا شعلان
انا هختار اللى يحكوا ايامهم لغاية ما حد فيكم يرجع
عندى ملحوظه كمان
كل عضو يحكى اليوم اللى هو عاوزه مش لازم احنا نحددلهم يوم معين
لأن ممكن يكون اليوم اللى احنا هنحدده ده مفيهوش اى حاجه حصلت ويكون نايم طول اليوم
لكن هو بقى هيعرف انهى يوم اللى يستحق انه يحكيه
ويسلينا بيه
والعضو اللى هيحكى يوم يختاره هو
(manolly)

[manolly]

ليييييييييييييييييييييييييه بس كدة
هههههههههههههههههههههههههههه
والله انا مش فاكرة يوم محدد
لان طبعا كلكم عارفين ان كل ايامى جميلة ومحتاجين تعرفوها
هههههههههههههههههههههههههه


سيبيلى بس فرصة افتكرلكم يوم كويس واحكيه
او لو انتى فكرالى يوم كويس قوليلى عليه
علشان انتى عارفة ان انا زهيمر

[golden man]

يالا احكى يا مانولى

[manolly]

والله هفكرلكوا في يوم حلو كدة
معلش انتظرونى شوية بس

[golden man]

اوك يا مانولى منظرين

[karmen]

ياللا يا ميمو احكيلنا اى يوم من ايامك الجميله
اقولك احكى يوم دريم
فاكره
قوليلهم يا ندله ازاى سبتينى وروحتى مع..................
بس احكى بالتفصيل الممل من ساعة ما صحيتى من النوم لحد ما نمتى تانى

[manolly]

لالالالالالالالالالالالالالالالالالالالالالالالالا
الا ده

هفكر في يوم تانى

[karmen]

طيب إخلصي
عاوزين نشاط مش ملل

[golden man]

يالا يا مانولى ايه يعنى
احى يوم دريم
او رؤي
او حتى مودرن
بس يالا احكى

[karmen]

خلاص نأجل مانوللى شويه على ما تفتكر يوم
ياللا يا جولدن مان إحكي

[golden man]

احكى ايه
مين ده
انــــــــــــــــــــــــــــــــا
انا اسمع بس
خلاص لو مصممه يعنى استنى لبكره على ما فكر فى يوم
او مش بكره يعنى النهارده باليل كده

[karmen]

أوكىىىىىىىىىىىىىىىىى
منتظرين يا سيدى

[manolly]

هههههههههههههههههههههههههه
هيموت زيي تقريبا عقبال مايفتكر يوم


اجلونى انا بقى

[golden man]

بوم عادى زي اى يوم اصل انا مش فاكر حاجه دلوقتى خالص ولما افوق وافتكر هقول يوم تانى بس علشان ما عطلكوش
صحيت النهارده على صلاة الجمعه صليت وجيت قعدت فى البيت شويه وبعدين روحت لواحد اشتغل معاه فى شقته شويه وكنت متصل بواحد صاحبى علشان نروح لواحد صاحبنا خلصنا الشغل ورزحت خدت دش ولبست وروحت لصاحبى فى بلد جنبنا كفر المصيلحه ( بلد الريس ) ما حدش يقول مش عارفها وروحنا لصاحبنا التالت روحنا ما لقينهوش ناديت لابن عمه اسئله عليه يقولى مش عارف المهم اننا كنا متصلين بيه اساسا قبل ما نيجى وروحنا قعدنا عند ابن عمه واتصل ما يرضش سايب الموبايل فى البيت وخرج وبعد شويه جه وقعدنا والدماغ عليت فى القعده وخرجنا قعدنا فى الهوائ الطلق قدام الخضره والهواء العليل وجبنا شيبسى وبيبس بقى والدنيا كانت متظبطه قعدنا شويه واتفقنا ننزل الكليه وكنت جايب جاكت علشان الجو لو سقع باليل والواد الى معايا جاى من غير جاكت وهيسوق المكنه ( الموتسيكل ) فلبس الجاكت ومشينا علىالطريق السريع والواد فاتح على 60-80-100-لحد ما وصلنا ل 115وطايرين وعمال يعمل مقصات بالمكنه ومهيسين وجاب اكل للبيت ليهم كلناه واحنا ماشيين
وبس رجعت البيت وبتعشى
اتفضلوا كلوا معايا

[manolly]

احمد ربك انك رجعت البيت اساسا واتعشيت
ههههههههههههههه
حد يمشى بالموتوسيكل بسرعة كدة يالهوى

بس يوم تمام
ها سيا كارمن اختارى حد تانى

[karmen]

وبعد شويه جه وقعدنا والدماغ عليت فى القعده


يا حلاااااااااااااااوتك
الدماغ عليت ازاى ان شاء الله
اعترف الانكار مش هيفيدك
هههههههههههههههه
تماموز يا هيما
ياللا اللى بعد كده أسامه
وانتى يا امنيه لو افتكرتى حاجه لسه دورك شغال تعالى احكى
لو لسه ما افتكرتيش روحى نامى بقى احسن

[manolly]

من رايي انك تحددى يوم احسن
واللى عاوز يحكى يوم معين براحته

[tafa]

احلى يوم شفته لحد دلوقتى
هو يوم فرح اختى
كان حتة يوم تحفة
اول ما صحيت من النوم
فطرت ولقيت ناس قعدت تفطر معايا معرفهمش اساسا
انا اصلى كنت لسة صاحى فمكنتش مركز
بعد شوية عرفت انهم ولاد خالى
بعد كدة روحت اشتريت لبس علشان الفرح
علشان انا كنت مسافر وموصلتش غير قبل الفرح بيوم
على الساعة 3 العصر بدانا نجهز نفسا
كلنا لبسنا
وعلى الساعة 6 المغرب
خدت عربية واحد جارنا بس مقلقمش على العربية
عربية مركبتش ومش هركب زيها تانى
المهم خدتها ورحنا انا والعريس علشان نجيب اختى من الكوفير
وكانت معانا بنت عمتى كنت بتصور فيديو
لما وصلنا العروسة مكنتش لسه جهزت
فقعدنا بتاع ساعة
وبعد كدة جهزت فركبنا العربية ورحنا على النادى
لقينة امة لا اله الا الله موجودة
انا مش عارف الناس دى جات اذاى
فيه ناس مكناش دعيينها وجات
المهم العريس مس ايد العروسة ورحين يقعدو فى الكوشة
وانا وبنت عمتى مشيين وراهم
وبارضو هيا بتصور
المهم بعد ما العريس والعروس قعدو بدات اليلة بأى
وصحبات اختى رقصو رقص مقلكمش
وبعدينى اخت طلبت منى انى ارقص
فرقص رقصم ولا شكوكو فى زمانه
الفرح قعد شغال لساعة 3
وبعد ما خلصنا الفرح
اليوم قلب فجا
اختى قلتلى روح وصل اصحايها لبيوتهم
العربية بتاعة ابويا مقلكمش تمشى كيلو وتقف مش عارف ليه
روحت البيت كانت الساعة7
نمت بتاع يومين

[manolly]

طيب احكى اليوم من اوله بالتفصيل الممل
هو المفروض كدة

[tafa]

طيب احكى اليوم من اوله بالتفصيل الممل
هو المفروض كدة
تم التعديل
وتقريبا اانا شرحت كل اللى حصل

[manolly]

ايييييييييييوة كدة تمام
بس باردو عايزين تفاصيل اكتر في الفرح
بنت عمتك كانت حلوة؟هههههههه
اقصد العروسة بس تلغبط
هههههههههههههههههه
بس يوم جميل
ومبروك لاختك وعقبالك

[tafa]

ايييييييييييوة كدة تمام
بس باردو عايزين تفاصيل اكتر في الفرح
بنت عمتك كانت حلوة؟هههههههه
اقصد العروسة بس تلغبط
هههههههههههههههههه
بس يوم جميل
ومبروك لاختك وعقبالك

طبعا العروسة كانت قمر
بس انا كنت احلى منها طبعا<):)

[golden man]

ما حدش يفهم غلط الدماغ عليت راقت كده
والدنيا بقى لونها بمبى وانا جنبك وانت جنبى
ههههههههههههههههههههههه

[karmen]

ميرسي ليك يا تافا على يومك الجميل ده
ممكن نستضيف اسامه ييجي يحكى لنا يوم

[golden man]

اسامه موجود على طول ما دخلش ليه

[karmen]

ياللا يا أسامه

[golden man]

خلاص حد تانى يجى

[karmen]

أميره عبدو تيجي تحكيلنا عن أى يوم تحب تحكيه
من أوله لآخره

[golden man]

يا يا ميرو يوم جامد كده

[انا وحيد]

هى الفكره جميله فعلان وانا لسه شيفه دلوقتى وانا اختار elmje:ar!:ar!ck

[Coejjssx8387]

http://www.elmjeck.com/vb/../images/vom.gif (http://www.elmjeck.com/vb/../)

[karmen]

طب ياريت صاحب القلب الميت ييجي يحكيلنا عن يوم من حياته

[بلابل]

يا جماعة الضيف الى معانا

جوست

منتظرينك يا معلم

مش عوزين تاخير من اى عضو تانى

اليوم لى هتقلنا علية وتحكى

الاربعاء يوم النصر لمصر باذن الله

منتظرينك

وهتكتبهلنا يوم الخميس ان شاء الله

[admin]

نشوف جوست وصاحب القلب الميت الى يدخل فيهم يقول يوم من عمره

[manolly]

يوم الاربعاء ايه بقى
ماخلاااااااااااااااااص
اقولك احكيلنا يا على او صاحب على يوم السبت
بعد اذن صاحب الموضوع طبعا
اللى هو اول ماتش
اهو يوم احسن شوية

[amira abdo]

انا جيت وممكن اقول يوم
احلي يوم عيشته بجد ومش هنساه يوم ما جبت ف ثانويه عاميه 95 ف الميه اليوم ده كنت هموت م الفرحه ومش قادره امسك نفسي من السعاده قعدت اتنطط واضحك واكلم اصحابي ف التليفون والمدرسين واقولهم واختي قعدت تقولي يا سوسه اللي يشوفك يقول مش بتفتحي كتاب طلعتي قروبه المهم كان بجد اجمل يوم ف حياتي لاني شوفت ف عيون امي وابويا احلي فرحه وكفاية ان ابويا وامي كان بيفتخروا بيا عشان نجاحي ده وان شاء الله هفضل كده علطول ياااااااااااااارب ادعولي دعواتكم معانا

[صانع الخيال]

طبعا لازم يكون اجمل يوم من ايام عمرك
النجاح فى اى شئ بيكون لية مذاق تانى
وفرحة غير اى فرحة
يلا الى بعدو