المساعد الشخصي الرقمي

مشاهدة النسخة كاملة : امتحان عربى زى الفل؟ مي ن عايز يحل؟


hadeer
2008-08-04, 03:40 PM
السؤال الأول: التعبير
اكتب ما لايقل عن 650 سطر في أحد الموضوعات التالية
- لم يجد الطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة

- شهدت بلدنا ******ة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل في حديد عز

- بعد انتشار ظاهرة أكل لحم الكلاب والحمير..من وجهة نظرك كحمار تكلم عن هذه الظاهرة ومن المتسبب فيها بدون غلط..الورق متراقب

--------------------------------

السؤال الثاني: القصة
من قصة ' وعهد الله ما أنت داخل الانتخابات' .. اقرأ القطعة وأجب عن الآتي
"ثم أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى؟"

- ما هي اللحمة؟ أو على الأقل حدد أقرب معنى خيالي لها

- مرادف معجزة فى اللغة ( تغيير وزاري – زيادة المرتبات – رغيف العيش) اختر يا مقلول البخت

- لماذا ضربه الرجل بالجزمة وليس بالعصي مثلا؟؟
(أهو كسل .. لسه هيرفع العصاية؟ - عشان العصاية قلة قيمة برضه واحنا في عصر الديمقراطية – عشان العصاية شغالة مع واحد تأنى...) افهم أنت بقى اختر

- حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا
ــــــــــــــــــــــــــــــــــــــــــــــــــ ــــــــــ

السؤال الثالث القراءة
من موضوع ( الزعيم..و الفنان.. والقدوة) اقرأ القطعة وأجب
"وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا الخبر حقيقي كما أنه يرحب بالتوريث ومقتنع بكل سياسات الحكومة"

- ذكرنا فى الدرس أن عادل إمام سيتقاضى في فيلمه القادم 12 مليون جنيه.. فى رأيك ياعم المحروم تبقى البوسة بكام في الفيلم؟؟

- دخل كاتب هذه السطور مسرحية بودي جارد للزعيم رغم قرفه منه أساسا.. فى رأيك ما السبب فى دخوله؟
(أكيد معزوم – طبيعى معزوم – وربنا معزوم).. اختر على أن تضع إيدك على المصحف وانت بتحلف للمراقب بتاع اللجنة
ــــــــــــــــــــــــــــــــــــــــــــــــــ ــــــــــــ

السؤال الرابع النصوص
أجب عن أحد النصين الآتيين
من نص ( ماشربتش من نيلها)..اقرأ ثم أجب
"ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها"

- بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟ (المسيسبى - الأمازون – يونج يانج)

- هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..وبوسه من بُقـُّه ورجَّعُه مكانه

- أكمل الأبيات إلى آخر كحكة فى الكليب

- قوبل النص بانتقادات بسبب بعده عن الواقع..وضح من النص ما يتفق مع القول المأثور اطبخى ياجارية .. كلف يا سيدى
ــــــــــــــــــــــــــــــــــــــــــــــــــ ـــــــ
من نص (حين ميسرة)..أجب عن الآتى

- اذكر اسم مصيبة واحدة محصلتش فى النص الأسود ده

- وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر.كمبيوتر إرهابى بقى

- سبب وجود الشرطة كل خمس دقائق فى النص (موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النص) اختر
ــــــــــــــــــــــــــــــــــــــــــــــــــ ــــــــ

السؤال الخامس النحو

أعرب ما تحته خط.. لو مالقيتش القطعة أصلا ..اتصرف

- ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا ياكلب

- كان ممدوح إسماعيل قاتلا .. ضع إن مكان كان.. على ألا تنصب ممدوح.. عشان هوه بينصب لوحده

- فُرِضت الضرائب علينا ببشاعة ..أعرب الجملة .. وارفع الضرائب أبوس إيدك
ــــــــــــــــــــــــــــــــــــــــــــــ

السؤال السادس الخط

كوز المحبة انخرم..طرطش على كمى..ياحبيبى بطل جفا وارحم عذاب امى

اكتب الجملة السابقة ثلاث مرات بثلاث خطوط.. موبينيل وفودافون واتصالات..كما يمكن التحويل من خط لخط بنفس الرقم.. فقط اتصل بخدمة العملاء.

وبالتوفييييييييييييييييييييق إن شاء الله (إبقى قابلنى لو نجحت)

:a (92)::a (92)::a (92):هههههههههههههههه:a (92)::a (92)::a (92):

Silver
2008-08-05, 02:51 AM
هههههههههههههههههههههههه

ده إمتحان صعب أوى أوى أوى

أصعب كمان من إمتحانات الثانوية العامة

يا ترى مين اللى ممكن يحل الإمتحان ده ؟!

hadeer
2008-08-05, 12:17 PM
مرسى يا مان على الرد نورت

انا بردة مش عارفة مين هحل الامتحان

manolly
2009-02-28, 12:40 AM
هههههههههههههههههه
ياريت ده الامتحان

THE KING
2009-02-28, 01:32 PM
ده اكيد اللى حاطط الامتحان هو اللى شرب الحشيش
ههههههههههههههههههههه

karmen
2009-04-10, 11:02 PM
انا مستعده اجاوب على الامتحان
بس لما اتاخد فى المعتقل ابقوا اسئلوا عليه

mody eljoker
2009-04-15, 06:36 PM
شكرا ليك على الموضوع الرائع واتمنى لك التوفيق فى مواضيعك القادمة