شات ودردشة الماجيك [الأرشيف] - الصفحة 2?login=1

karmen

2009-09-24, 03:12 AM

عايزه اللى يعرف يفهمك معنى الحياه اه هو اناااااااااااااااا
ماشي يا علي
طب مبترغيش يعني
بقولك انت ليه معرفتناش بنفسك
بص ادخل هنا عرفنا بنفسك
قدم نفسك يا (http://www.elmjeck.com/vb/showthread.php?t=4254)صانع الخيال
عشان نعرف نرغي كويس

karmen

2009-09-25, 05:24 AM

عليييييييييييييييي(صانع الخيال)
انت رحت فين

manolly

2009-09-26, 08:49 PM

يا جماعة معانا عضو او عضوة الحقيقة مش عارفة
المهم انه نفسه يتعرف بينا
ياريت يتفضل ويعرفنا بنفسه واحنا كمان هنعرفك بينا

admin

2009-09-26, 09:15 PM

طب هو فين او هى فين

فى الانتظر

karmen

2009-09-26, 09:27 PM

هو فين ده
واللا هى فين دى؟؟؟؟؟؟؟؟؟؟؟؟
منتظرين

karmen

2009-10-01, 01:09 AM

هو فيه ايه يا جماعه مانوللى وجولدن اعتقد ان انتوا الاتنين اللى في المنتدى دلوقتى قولولى هو انتوا الكتابه عندكم عادى يعنى الاحجام والالوان عادى اصل انا الحوار ده بايظ عندى وكمان الكلام بيطلع ملزق في بعضه

karmen

2009-10-01, 01:15 AM

ييييييييييييييييييييييييي ردوا بقى عليّه

manolly

2009-10-01, 01:51 AM

اه الكلام عادى مفيش حاجة
اقولك ودى جهازك يتصلح عنددددددددددددددد
ههههههههههههههههههه

karmen

2009-10-01, 02:20 AM

اوديه عند ههههههههههههههههههههه
ده واحد جديد بيصلح كومبيوترات واللا اييييييييييييييييه؟؟؟

golden man

2009-10-01, 10:42 AM

خلاص وصلنا للشات كل مره بتبقوا هنا يعنى
ماشى اوك خلاص هبقى معاكوا

karmen

2009-10-01, 04:01 PM

ياااااااااااااااه
حمد الله عالسلامه
انت وصلت شكل المواصلات كات زحمه اوى
شرفت الشات كله يا جولدن

manolly

2009-10-01, 06:11 PM

اننى هنااااااااااااااااااااا

karmen

2009-10-01, 06:28 PM

انكى هنا
ههههههههههههههههههههه
قرفتينا
اوه قصدى شرفتينا

manolly

2009-10-01, 06:30 PM

مااااااااااااشي
حد ييجى نتكلم بقى

golden man

2009-10-02, 04:13 AM

شكلنا مش هنتجمع علشان نتكلم

karmen

2009-10-02, 04:35 AM

أنا عن نفسي موجوده اهو
مين تانى موجود؟؟

golden man

2009-10-02, 04:56 AM

موجود

karmen

2009-10-03, 02:31 AM

تافا ومانوللى
كان يوم ممتع جدا في ألعاب الماجيك
بس معلش بقى انا مضطره انى انام عشان هروح بكره الجامعه
وماشي يا مانوللى براحتك متنزليش بكره يا معف............................
هنزل مع علا بقى
وان شاء الله ابقى انزل معاكى الحد
بس على الله تقوليلي مش فاضيه
تصبحوا على خير

manolly

2009-10-03, 02:37 AM

يلا في 6000000000000000000
سلامة
هههههههههههههه
ان شاء الله هنزل الاحد

وانتى من اهل الخير

tafa

2009-10-03, 02:38 AM

مع السلامة

manolly

2009-10-03, 03:03 AM

انتوا روحتوا فيييييييييييييييييييين؟

tafa

2009-10-03, 03:12 AM

انا عن نفسى
مـــــــــــــــــوجــــــــــــــــــــــود

manolly

2009-10-03, 03:52 AM

سلاااااااااااااااام انا بقى يا شباب
اروح انام بقى احسن هيصحونى بدرى علشان عندنا ضيوف بكرة هيتغدوا عندنا
ولازم اقوم اطبخ بقى واظبط الاكل

اقصد لازم اقوم بدرى اشرف عالمطبخ
ههههههههههههههههههه
تصبحوا على خير
باي تافا
باي يا اميرة يا قمر

tafa

2009-10-03, 03:54 AM

باى
وابقى شليلى كدة حاجة على جنب

انا كمان نصف ساعة هروح اجهز علشان المدرسة
واااااااااااااااااااااااااااء

golden man

2009-10-03, 10:38 PM

يعنى كلكوا خلعتوا
وانا لوحدى ماشى

karmen

2009-10-04, 12:45 AM

لا يا سيدى مش لواحدك أومال انا هنا بعمل ايه
حد موجود؟

golden man

2009-10-04, 05:34 PM

هيما موجود
ينفع ولا لازم حد

manolly

2009-10-04, 06:01 PM

لا مينفعش هيما
لازم "حد"

اننى هناااااااااااااااااا

golden man

2009-10-04, 10:03 PM

نعمل ايه يعنى
اهلا وسهلا يا ستى
فين البقيه

manolly

2009-10-04, 10:13 PM

مااااااااااتوا

golden man

2009-10-04, 10:22 PM

بعد الشر
ان شاء الله كلهم بخير يا مانولى

prince of alex

2009-10-04, 10:25 PM

انا هنا

golden man

2009-10-04, 11:04 PM

منور وبدال انت جيت
اخرج انا بقى اخد مكانك فى السرير
تصبحوا على خيرررررررررررررررر

al3ashk

2009-10-04, 11:09 PM

انا كمان هنا

karmen

2009-10-04, 11:26 PM

بقولك يا مانوللى
فيه فيلم رعب على mbc2
افتحي بسرررررررررررررعه
واى حد تانى بيحب الرعب يفتح يتفرج
سلاموز انا بقى
اشوفكم بعد الفيلم

manolly

2009-10-04, 11:35 PM

هههههههههههههههه
طيب تمام

al3ashk

2009-10-04, 11:39 PM

انا كمان هشوف الفيلم

manolly

2009-10-05, 12:58 AM

ايه الفيلم المؤرف ده
ماليش انا فى الوحوش والهبل ده
فين الاشبااااااااااااااااااااااااااااااااااح

karmen

2009-10-05, 01:04 AM

يا سلاااااااااااااااام
انتى لسه فاكره
بعد تلاقيكى ما اتفرجتى عليه كله اصلا
على فكره ده حلو جدا
ياللا غوووووووووورى فى داهيه
أنا اللى غلطانه اصلا

manolly

2009-10-05, 01:08 AM

ههههههههههههه
والله ما اتفرجت عليه
انا شوفت اخره
اساسا تصويره وحش اوى

golden man

2009-10-05, 09:59 AM

اخره اد ايه يعنى
نص ولا ساعه

karmen

2009-10-05, 12:40 PM

هههههههههههههههههههه
دي أكيد بتمثل والله
طبعا شافتو كله
انا من ساعة ما قلتلها لحد ما الفيلم خلص
مسمعتش حسها

golden man

2009-10-06, 12:59 AM

انتى ادري بقى يا كوكى

karmen

2009-10-06, 05:30 PM

ههههههههههههههههههههه
ماشي
فيه حد هنا
واللا لا؟

amira abdo

2009-10-07, 02:01 AM

هاي ياجماعه انا جيت حد موجود عاوزه ارغي يلا حد موجود ولا نو

karmen

2009-10-07, 02:10 AM

طبعا يا ميرو يا قمر
إرغي
تحبي نرغي في ايه؟؟؟

Silver

2009-10-07, 02:13 AM

نحن هنا ؟!!

Silver

2009-10-07, 02:17 AM

ايه رحتوا فين ياجماعة ؟!!

ولا شكلى هاقعد اكلم نفسى هنا

tafa

2009-10-07, 02:20 AM

موجودين

ghada_hessen

2009-10-07, 02:21 AM

انت فين ياكارمن

karmen

2009-10-07, 02:22 AM

ايه يا أميره انتى فين
احنا موجودين يا رامى
تحب ترغي في ايه
قوللنا صحيح
انت اتخرجت مش كده؟؟؟
بتعمل ايه دلوقتى
بتشتغل واللا بتحضر حاجه تانى في الدراسه
ارغي

karmen

2009-10-07, 02:22 AM

أنا موجوده اهو يا غاده
كلنا موجودين
انا وسيلفر واميره وتافا

ghada_hessen

2009-10-07, 02:26 AM

انا عايزة ارغي معاكو كلكم

tafa

2009-10-07, 02:28 AM

تحبى ترغى فى ايه واحنا معاكى

karmen

2009-10-07, 02:30 AM

عرفينا يا ستى بكل حاجه عنك
انتى قلتى اسمك غاده من اسكندريه
وعندك 17 سنه
قوليلنا بقى بتدرسي ايه؟؟
وعرفتى منتدى الماجيك منين؟؟

ghada_hessen

2009-10-07, 02:31 AM

قولوا انتوا تحبو ترغوا في ايه
وانا معاكم

ghada_hessen

2009-10-07, 02:32 AM

ننننننننننننننننننننننننننننمىللاؤبلا

karmen

2009-10-07, 02:33 AM

جامعة اسكندريه؟؟؟
طب قوليلنا بقى عرفتى منتدى الماجيك ازاى؟؟
وانتى قسم ايه في كلية تربيه؟؟

ghada_hessen

2009-10-07, 02:33 AM

ياريت كل واحد فيكو يعرفني بنفسه:-@

karmen

2009-10-07, 02:36 AM

بصي انا ساره
فى كلية آداب جامعة القاهره
ومانوللى اسمها امنيه في كلية تجاره جامعة القاهره
وسيلفر اسمو رامى لسه مخلص كلية علوم
وتافا اسمو مصطفى
وأميره في كلية تربيه المانى جامعة حلوان
هما دول اللى انتى احتكيتى بيهم النهارده
وبكره ان شاء الله لما الباقيين ييجوا
يبقوا يعرفوكى

Silver

2009-10-07, 02:36 AM

احنا كلنا موجودين

وانا دلوقتى بجهز ورقى للجيش

يارب نخلص بقى منه وننفض ونرتاح

دعوااااااااااااااااااااااااااااااااااااااااااااتكو

وعرفينا بنفسك اكتر ياغادة

وكلنا متابعين

karmen

2009-10-07, 02:36 AM

انتى بقى
جامعة اسكندريه؟؟؟
طب قوليلنا بقى عرفتى منتدى الماجيك ازاى؟؟
وانتى قسم ايه في كلية تربيه؟؟

tafa

2009-10-07, 02:37 AM

انا

مصطفى

19 سنة

من القاهرة بس حاليا ساكن فى اسيوط

انا عرفت الماجيك كنت بتصفح كدة فدخلت على الماجيك فيه حاجة شدتنى ليه
وانا على فكرة اديلى فترة جامدة مشترك فى الماجيك بس اختفيت فترة كدة وادينى رجعت

tafa

2009-10-07, 02:38 AM

احنا كلنا موجودين

وانا دلوقتى بجهز ورقى للجيش

يارب نخلص بقى منه وننفض ونرتاح

دعوااااااااااااااااااااااااااااااااااااااااااااتكو

وعرفينا بنفسك اكتر ياغادة

وكلنا متابعين

شد حيلك يا دفعة
كلنا لها

karmen

2009-10-07, 02:38 AM

احنا كلنا موجودين

وانا دلوقتى بجهز ورقى للجيش

يارب نخلص بقى منه وننفض ونرتاح

دعوااااااااااااااااااااااااااااااااااااااااااااتكو

وعرفينا بنفسك اكتر ياغادة

وكلنا متابعين

:-s:-s:-s

:-o:-o:-o:-o:-o

:-o:-o:-o:-o:-o

يعنى ايه
يعنى انت يا رامى هتدخل الجيش؟؟

ghada_hessen

2009-10-07, 02:39 AM

انا قسم علم نفس
وعرفت منتدي الماجيك بالصدفة
ولما عجبني سجلت فيه

karmen

2009-10-07, 02:40 AM

انت عندك 19 سنه يا تافا
اومال مدرسة ايه بقى اللى انت بتقولنا هروحها؟؟
انت بتدرس ايه؟؟

karmen

2009-10-07, 02:41 AM

انا قسم علم نفس
وعرفت منتدي الماجيك بالصدفة
ولما عجبني سجلت فيه
لالالالالالالالالالالالالالالالالالالالالالالالا
انتى كمان
انتى تربيه علم نفس وانا آداب علم نفس
يالهووووووووووووووووووووي
ده انتى هتعانى من علم النفس
انتى لسه اولى ربنا معاكى
هو علم النفس في اداب زباله
معرفش في تربيه هيكون ايه
انتى بقى جامعة اسكندريه؟؟

tafa

2009-10-07, 02:43 AM

انا بدرس فى الازهر

السنة دى اخر سنة ليا 3 ثانوى

وعندنا فى الازهر فيه 6 سنين فى ابتدائى

وانا فى سنة رابعة ابتدائى عدت السنة لظروف كدة

احسبيها كدة هتلاقينى عندى 19 سنة

بس انا لسه هكمل 19 فى شهر 11

ghada_hessen

2009-10-07, 02:44 AM

انت في سنة كام

ghada_hessen

2009-10-07, 02:45 AM

انتوا مش عتلعبو لعبة الحياه

Silver

2009-10-07, 02:46 AM

انا لسه بجهز الورق

ولسه على ما اعرف ميعاد الكشف

وبعدين نروح نكشف ونسمع النتيجة

وياعالم ياندخل يا مندخلش

بس الغالب هندخل :)

علم نفس يا كارمن

زميلة ليكى اهى

tafa

2009-10-07, 02:47 AM

انت في سنة كام

3 ثانوى ازهر

ghada_hessen

2009-10-07, 02:48 AM

ربنا يوفقك وتدخليه
انا سعيدة لانكو كلكم عرفتوني بنفسكم:-bd

tafa

2009-10-07, 02:51 AM

انا لسه بجهز الورق

ولسه على ما اعرف ميعاد الكشف

وبعدين نروح نكشف ونسمع النتيجة

وياعالم ياندخل يا مندخلش

بس الغالب هندخل :)

انت زعلتنى والله
ربنا معاك ويا رب متتقبلش

karmen

2009-10-07, 02:51 AM

ربنا يوفقنى وادخل ايه يا غاده
ده مصطفى اللي بيقولك انه في سنه 3 ازهر
انا بقى في تانيه اداب علم نفس
والمفروض اكون 3
بس طبعا بم انى متفوقه فأنا دبلرت السنه دى

manolly

2009-10-07, 02:51 AM

هههههههههههههه
ايه يا سارة الرخامة دى
قالت كل واحد يعرفنى بنفسه
ماقالتش سيادتك تعرفينا
هههههههههههههههههههه
حاشرة نفسها كدة دايما

هههههههههههههههههههههههه
لا يا سوسو ده انتى حبيبتى والله
وانتيمتى الانتومة

يلا نرغى بقى

ربنا معاك يا رامى ومتدخلش ان شاء الله الجيش
انا هدعيلك اصل انا دعواتى مستجابة
خصوووووووووووصا في حكاية الجيش دى هههههههههههههه

tafa

2009-10-07, 02:52 AM

ربنا يوفقك وتدخليه
انا سعيدة لانكو كلكم عرفتوني بنفسكم:-bd

واحنا اسعد<:-P

karmen

2009-10-07, 02:52 AM

رامى ان شاء الله مش هتدخل
هتاخد اعفا او تأجيل
والله كلنا هندعيلك
وصح كده يا تافا
انت كده 19 مظبوط
ربنا يوفقك

ghada_hessen

2009-10-07, 02:53 AM

انتوا روحتو فين

karmen

2009-10-07, 02:54 AM

كل ده يا غاده وروحنا فين
ما احنا كلنا من الصبح اهو عمالين نرغي
ده احنا مبطلناش رغي

manolly

2009-10-07, 02:55 AM

انا هناااااااااااااااااااااا
بعمل اتصالاتى يا رامى علشان متدخلش الجيش
اطمن انت بس
دى عن تجربة
ههههههههههههههههههههه

ghada_hessen

2009-10-07, 02:56 AM

انتوا معندكوش غدا حاجة

tafa

2009-10-07, 02:57 AM

اتصالات مين بس الجيش ده ملوش اتصالات
لو ابن وزير الداخليه نفسه هيروح الجيش

ممكن تعملى اتصالاتك تخليه يروح حتة كويس

ghada_hessen

2009-10-07, 02:57 AM

يارب متدخلش الجيش يارامي

tafa

2009-10-07, 02:59 AM

انتوا معندكوش غدا حاجة

عندى مدرسة
بس انا بنام بالنهار وبصحى باليل ازاكر وان كنت اقعد على النت شوية

ghada_hessen

2009-10-07, 02:59 AM

بااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااي
علشان انام:-h:-h:-h:-h:-h:-h:-h:-h:-h:-h:-h

Silver

2009-10-07, 02:59 AM

ايوا كده يا جماعة ،،،،

دعواتكوا معايا

مش عارف لو روحت الجيش هاعمل ايه

لو ينفع اخد اللاب بتاعى معايا

عشان بس اعرف ادخل ع الماجيك

يبقى كده مية مية

شوفلنا اتصالاتك يامانوللى

تعاطفك لوحده مش كفاية

اتبرع ولو بجنيه

tafa

2009-10-07, 03:00 AM

يارب متدخلش الجيش يارامي

يـــــــــــــــــــــــــــــــــــــــــــــــــ ــــــارب

karmen

2009-10-07, 03:03 AM

لا متقلقش طالما مانوللى اتصدرتلك فيها
يبقى مفيش جيش
دى مانوللى واصله خللى بالك
ههههههههههههههههههههههههههههه
اوكى يا غاده
تصبحي على خير
انا كمان هصلي الفجر وانام
نتقابل بكره بقى

manolly

2009-10-07, 03:05 AM

شوفلنا اتصالاتك يامانوللى

تعاطفك لوحده مش كفاية

اتبرع ولو بجنيه

اهى سارة قالتلك اللى فيها بقى
هههههههههههههههههههههههههه

manolly

2009-10-07, 03:06 AM

يوم جميل اوى النهاردة
وجروب بجد تحفة
اميرة وغادة غيروا الجو وخلوه جمييييييييل اوى
عايزينكوا على طول يا قمرات

tafa

2009-10-07, 03:07 AM

اما انا برضو عندى علاقاتى وبجد مش بهزر

يلا سلام

هروح فطر وابدا طقوس المدرسة

بــــــــــــــــــــــــــــــــــــاى

manolly

2009-10-07, 03:08 AM

ربنا معاك يا تافا

Silver

2009-10-07, 03:16 AM

يلا ربنا معاكوا كلكوا

وليلة جميلة

وسهرة سعيدة

وانا مبسوظ اوى النهارده

ومبسوط كمان بغادة واميرة

يارب يفضلوا معانا على طوول

manolly

2009-10-07, 03:22 AM

يلا بقى
باك باك انا
احسن خلااااااااااااص نمت على الكيبورد
اشوفكم بكرة ان شاء الله
ويكون يوم لذيذ زى النهاردة
تصبحوا على خير

karmen

2009-10-07, 03:35 AM

لالالالالالالالالالالالالالالالالالالا
ايه ده يعنى هتسيبونى كلكم
اهئ اهئ اهئ اهئ
هقعد يعنى اغنى ظلموه
انا مش جايلي نوم
خلاص بقى هفضل قاعده عالماجيك كمان ساعه كده او نص
وبعد كده احاول انام

karmen

2009-10-07, 05:47 AM

إيه يا رامي
انت مش ناوي تنام بقى في ليلتك دي واللا ايه
قصدى في صبحك ده
مخلاص النهار طلع؟؟

Silver

2009-10-07, 05:59 AM

إيه يا رامي
انت مش ناوي تنام بقى في ليلتك دي واللا ايه
قصدى في صبحك ده
مخلاص النهار طلع؟؟

ههههههههههههههههههه

انا ما بنمش ... صاحى ليل نهار

لازم انام واقفل ابواب الماجيك ورايا

انتى بقى مش راضية تنامى ليه ؟!!

موراكيش كليه ولا ايه ؟!!

karmen

2009-10-07, 06:04 AM

Silver

2009-10-07, 06:11 AM

لا مش عندي بكره سورى قصدى النهارده
ياللا بقى ادخل نام عشان كده انا هنام منك
هتقفل الأبواب دلوقتى واللا ايه الظروف
اوعى تنسى وتقفل عليه
احسن كده مش هعرف اخرج
اصبر انا خارجه اهو
اوعى تقفل استنى

ااااااه ... ليكى حق

مقضينها اجازات من اولها

انا لسه صاحى كمان شوية

عشان بجيب شوية بضاعة

وهاحطها فى المخزن

اوعى تنامى

(:|

karmen

2009-10-07, 06:23 AM

يا ساتر هنبتديها قر كده
وبعدين احمد ربنا انت خلصت خالص
فيه ناس تانيه لسه بتتعذب وهتتعذب
فعلا بتجيب بضاعه
معرفش بضاعة ايه
بس عامة ربنا معاك
عيش حياتك يا روميو
مع نفسك يا معلم
الساعه بقت 7 ونص الصبح
انا هنااااااااااااااااااااااااام
(:|(:|(:|(:|

بباي

Silver

2009-10-07, 06:31 AM

manolly

2009-10-07, 03:38 PM

هااااااااااااااااااااااااى
ايه ده انتوا فضلتوا صاحيين كل ده
مين هنا يا ترىىىىىىىىىىىىىىى

karmen

2009-10-07, 09:46 PM

آه يا بنتى فضلنا لحد الساعه 7 ونص الصبح
انتوا فين
فيه حد هنا؟؟
واللا أخلع انا

al3ashk

2009-10-07, 09:51 PM

اخلعى انا هنا

manolly

2009-10-07, 09:51 PM

مانوللى هنا يا ناس
يلا افرحوا وظأططوا يلا

golden man

2009-10-07, 10:32 PM

ده كله خلع

karmen

2009-10-07, 11:09 PM

لا انا موجوده
ياللا ارغوا
قوللى يا هيما
روحت الجامعه واللا لسه منزلتش؟؟

amira abdo

2009-10-07, 11:16 PM

هاي يا جماعه ازيكو واحشني انا رجعت

golden man

2009-10-08, 01:27 AM

حمد الله على السلامه ويا رب معانا دايما يا ميرو
بس هسيبك وانام
تصبحوا على خير

karmen

2009-10-08, 01:40 AM

هتنام ليه يا هيما
مقولتليش يعنى لما سألتك
روحت الجامعه واللا لسه منزلتش؟؟
وانتى كمان يا ميرو
نزلتى الجامعه واللا لسه؟؟

ghada_hessen

2009-10-08, 01:12 PM

عاملين ايه كلكم
\m/

صانع الخيال

2009-10-08, 01:45 PM

انا وصلت انهاردة الحمد لله
كنت فى مشوار طويل بس جيت الحمد لله
قضيت شوية ايام بس ايه.......................
يلا مش مهم
المهم انى انا معاكوا

karmen

2009-10-08, 01:52 PM

ازيك يا دودى
ايه كنتى فين امبارح طول اليوم
استنناكى كتير
ياللا عشان نكمل لعبة الحياه
هاى يا علي
حمد الله على سلامتك
المشوار باين عليه كان طويل اوى
ايه كنت رايح كوالا لامبور بالعربيه واللا ايه؟؟

golden man

2009-10-08, 02:04 PM

معلش ما خدتش بالى من سؤالك يا كوكى
انا نزلت الكليه يوم سجلت المواد الى هاخدها الترم ده
ومش نازل تانى
وانتى ايه اخبارك

karmen

2009-10-08, 02:09 PM

أنا تمام الحمد لله
يا حلاوتكم
انتوا كمان بتختاروا المواد اللي هتاخدوها
سيدى يا سيدى عالكليات
مش احنا
ده انتوا بقى نظام تعليمكم زى american education بالظبط
ياللا ربنا معاك
وهتنزل تانى امتى
أنا عن نفسي نازله انا ومانوللى يوم السبت
انا عندى أصلي الاسبوع كله

tafa

2009-10-08, 02:33 PM

ايه اخباركم النهاردة

وحشتونى الكام ساعة دول

golden man

2009-10-08, 02:39 PM

انتى مفكره ايه يا بنتى
طبعا الكليات مقامات انا خلاص المفروض اخلص الترم ده
وربنا يسهل بقى على ما نبدا احنا لسه قدامنا اسبوعين على اقل تقدير على ما تبدا دراسه فعليه
ومنور يا تافا

karmen

2009-10-08, 02:55 PM

اييييييييييييييييييييييييه
تخلص التيرم ده
بلاش بلاش
مش عايزه احسدك والله واديك عين محترمه
ههههههههههههههههههههه
ازيك يا تافا
وانت كمان والله وحشتنا الكام ساعه دول
هههههههههههههههههه

golden man

2009-10-08, 03:06 PM

الحمد لله ما بياثرش الحسد وما اعتقدش انك تعرفى تحسدى
لو انتى رزان ممكن اصدق
على راي واحده ماما بترقينى

golden man

2009-10-08, 03:07 PM

ومش هخلص الترم ده
بقولك المفروض اخلص اترم ده بس هاخد المشروع الترم الجاى يعنهى هيبقى المشروع لوحده
بس هخلص السنه دى باذن الله
يالا اجدعنى

karmen

2009-10-08, 03:10 PM

أتجدعن ايه بس
ده انا لسه المشوار قدامى طويييييييييييييييييييل
شكلى كده هاخد كل سنه في سنتين
ربنا يستر
وانت شد حيلك
يعنى مينفعش تاخد المشروع التيرم ده مع الدراسه عادى؟

golden man

2009-10-08, 03:16 PM

ينفع اخده بس انا شهادتى كده كده هتطلع فى اخر السنه يعنى هعد الترم الى جاى فاضى
فقلت اخد المشروع لوحده واظبط فيه بقى واخد كورسات معاه علشان نخلص نشوف الشغل على طول
ما هو مفيش جيش

صانع الخيال

2009-10-08, 08:44 PM

طولت الغيبة عليكم انا عارف
بس الحمد لله انا معاكوا دلوقتى
وطبعا وحشتونى كلكوا

golden man

2009-10-08, 10:16 PM

يا رب معانا دايما
هو مفيش حد هنا ولا ايه

manolly

2009-10-09, 01:10 AM

انا هنا يا ناااااااااااااااااااااااااااس

golden man

2009-10-09, 05:37 PM

me too

karmen

2009-10-09, 06:59 PM

هاه
حد عاوز يتكلم واللا يرغي في حاجه
واللا خلاص خلص الكلام كله
على رأي الأستاذ الكبير محمد حماقي
هههههههههههههههه

tafa

2009-10-09, 07:05 PM

معاكى يا كارمن

يلا ترغى فى ايه على رأى الاستاذة الكبيرة منولى

karmen

2009-10-09, 07:09 PM

ههههههههههههههههههههه
هو النهارده يوم الأساتذه العالمى واللا ايه
قوللى عندك مدرسه بكره
واللا السبت اجازه عندكم؟؟؟؟؟

tafa

2009-10-09, 07:17 PM

لا فيه عندى مدرسة بكرة اكيد

golden man

2009-10-09, 11:34 PM

طب مفيش حد هنا يتكلم انا مخنووووووووووووووووووووووووووووووووووووق

golden man

2009-10-10, 12:50 AM

شكل ما فيش حد هنا اتكلم معاه
سلااااااااااااااااااااااااااااااااام

karmen

2009-10-10, 08:49 AM

مخنوق ليه بس يا هيما
مالك
معلش والله مكناش موجودين ابقى
المهم انت عامل ايه دلوقتى؟
لسه مخنوق بردو واللا النهارده تمام

golden man

2009-10-10, 09:00 AM

الحمد لله على كل شيء
انتوا اخباركوا ايه

karmen

2009-10-10, 09:04 AM

احنا تمام الحمد لله
بس لو مكانش عندك مانع
احكيلنا ايه اللى كان خانقك ومضايقك
احكي حتى كده مش لازم تفاصيل لو مش حابب

golden man

2009-10-10, 09:12 AM

مفيش يا كوكى مش هتصدقى علان ايه
يمكن تقولى عليا عبيط كمان كان واحد صحبى خد ميداليه من عندى بس صاحبى جامد يعنى وانا كنت عنده امبارح الميدليه عباره عن قلب نصين فلقيت نص خدته وهو معاه نص
بس لازم الاتنين يكملوا بعض قعدت يقولى هاتها وانا اقوله لا هات النص التانى وخدت النص الى معايا ومشيت وبقيت زهقان بعد اما مشيت لانى ما اديتهالوش وخلاص وحسيت انى استخسرتها فيه فبقيت عاوز اروح اديهاله فكنت مخنوق لغاية ما كلمته وقلتله هجيبهالك وكمان صاحبى ده لو قلتله عاوز ايه مش بيحوش حاجه عنى بس لانه خادها من غير ما اعرف واكمنها حاجه فريده بس فكنت محتفظ بيها لحاجه معينه بس الحمد لله خلاص مفيش حاجه وقررت انى اديهاله
انا رغيت معلش بقى طولت
انتوا رايحين الكليه

karmen

2009-10-10, 09:21 AM

ما رغيتش ولا حاجه
بس هقولك
والله انت مش غلطان
طالما الميداليه دى عزيزه عندك اوى
يبقى كان هو المفروض من نفسه مياخدهاش
بس الحمد لله مش كله تمام دلوقتى
والموضوع اتحل
ياللا مفيش مشاكل لما ياخدها طالما هو انتيمك وعزيز عليك اوى كده
واحنا على فكره فى الجامعه دلوقتى انا ومانوللى
يعنى عندنا محاضرات كمان نصايه كده
فقلنا نقعد فى النت شويه

golden man

2009-10-10, 09:42 AM

ربنا معاكم وسلمسلىعلى مانولى مش بتدخل هنا ولا ايه
انتوا بتروحوا كل يوم

ghada_hessen

2009-10-10, 12:00 PM

كاررررررررررررررررررررمن

manolly

2009-10-10, 08:53 PM

واحنا على فكره فى الجامعه دلوقتى انا ومانوللى
يعنى عندنا محاضرات كمان نصايه كده
فقلنا نقعد فى النت شويه

ههههههههههههههه
اه المحاضرة يا فاشلة اللى محضرنهاش

golden man

2009-10-10, 10:05 PM

محضرتوهاش
اه ما العادى بتاعكم

karmen

2009-10-10, 10:10 PM

كاررررررررررررررررررررمن

نعم يا دودى يا قمر
تؤمري بإيه
عاوزانى في حاجه؟
المهم انتى كنتى فين
ان شالله يكون مانع غيابك خير
حمد الله على سلامتك
وياللا كملي لعبة الحياة

karmen

2009-10-10, 10:12 PM

آه محضرنهاش للأسف
وانتى يا هانم بدل ما تصممي وتقولى لا هنحضرها
مصدقتى طاوعتينى فورا
مبتسمعيش كلامى غير في الفساد بس
لكن الحاجه الصح استحااااااااااله
عامة أنا اصلا مخنوقه منك
وبفكر منزلش معاكى الجامعه تانى اصلا
بجد مش طايقاكي وفعلا دمي محروق
يارب اهدى شويه من ناحيتك

golden man

2009-10-10, 10:47 PM

لالالالالالالالالالالالالالا
مش ينفع يا كارمن كده مش عاوزين خصام

golden man

2009-10-11, 01:25 AM

تصبحوا على خير

amira abdo

2009-10-11, 02:06 AM

ايه يا جماعه انتو فين موجودين ولا نو عاوزه ارغي معاكو شويه اهو اي صداع مستنياكم

manolly

2009-10-11, 02:07 AM

اهون عليكى؟؟؟؟؟؟؟؟؟؟؟؟؟؟؟؟؟؟؟؟؟

[-x[-x[-x[-x[-x[-x[-x[-x[-x[-x[-x[-x

amira abdo

2009-10-11, 02:21 AM

Silver

2009-10-11, 04:52 AM

بقولك يا مانوللي يا قمر صاحبتي ف الجامعه عاوزه تسجل ف المنتدي بتاعنا وكل ما تسجل يقولها اجابة السؤال العشوائي غلط اللي هو ما عاصمه جمهورية مصر العربيه مش هي القاهره بردو ولا اتغيرت قوليلي ونبي لحسن هي مستنيه مستنياكي يا سكر

بصى يا أميرة /

إجابة السؤال العشوائى هى "القاهرة"

وتم التعديل ووضع الإجابة بجوار السؤال

http://img7.imageshack.us/img7/1449/randomq.png

وده موضوع فى شرح لكيفية التسجيل فى المنتدى

للزوار شرح كيفية التسجيل فى المنتدى (http://www.elmjeck.com/vb/showthread.php?t=757)

ولو فى أى مشكلة واجهتك

بلغينا ... وإحنا فى الخدمة

ومستنيين نشوف صاحبتك مسجلة معانا

وكمان تعمليلها موضوع ترحيب عشان نرحب بيها

منتظرين تسجيلها فى الماجيك

والله المستعان

karmen

2009-10-11, 03:03 PM

بصي يا أميره
هى كل المشكله اكيد انها كتبت القاهرة
بال ه مش بال ة المربوطه
هي دي كل المشكله
ابقي عرفيها بقى
وقوليلها تكتبها ة
ومنتظرينها عشان نرحب بيها الترحيب اللي هو

manolly

2009-10-11, 03:05 PM

تمام يا اميرة سيلفر وكارمن قالولك عالحل
خليها تسجل معانا بسرررررررررررررررررعة ياريت

amira abdo

2009-10-12, 01:40 AM

هاي ياجماعه انتو موجودي eny body here ازيكوووووووووووووو

karmen

2009-10-12, 07:39 PM

هاى يا اميره انا هنا
يا ناس يا اون لاين انتوا فين
مش بتدردشوا معانا ليه؟

admin

2009-10-12, 07:41 PM

احنا هنا

amira abdo

2009-10-12, 08:07 PM

هاي انا معاكووووووووووووووو جايه اصدعكوا مستعدين

karmen

2009-10-12, 08:08 PM

طبعا يا ميرو
بقولك
ركزى شويه فى الامبراطور والنبي
خلاص قربنا
شدي حيلك

amira abdo

2009-10-12, 08:09 PM

حاضر اهو يارب يكون ادمن نام

amira abdo

2009-10-12, 08:13 PM

مش انا روحت جامعة القاهره عندكو يا كارمن جامده جدا احلي من جامعتنا خااااااااااااالص انا جامعة حلوان علي فكره

amira abdo

2009-10-12, 08:47 PM

كاااااااااااااااااارمن فينك يا بنتي انتي نمتي ولا ايه انا مستنياكي

admin

2009-10-12, 08:51 PM

طب احنا هنا

ايه الى مميز فى جامعه القاهره عن حلون

ويسلام لو تقبلى كارمن ومانوالى

يبقى اصلى

اعضاء الماجيك فى رحله للتعارف

amira abdo

2009-10-12, 08:55 PM

تصدق فعلا ادمن اول ما روحت الجامعه وشوفتها قعدت افكر ف كارمن ومانوللي وقولت لو اعرفهم كان زماني معاهم دلوقت بس الفرق بين جامعه القاهرة وحلوان كبير جدا جامعه القاهرة كده فيها روح وناس كتير انما جامعتنا كل واحد ف حاله وعايش عشان مصلحته وكبيره ع الفاضي بس بجد كانت هتبقي جامده لو كنت شوفتهم يا ادمن

admin

2009-10-12, 08:56 PM

طب احنا فيها
كارمن موجود الان فى المنتدى

هبعت ليه رساله نشوف الموضوع ده

واتفقو مع بعض على يوم وميعاد ومكان للمقابله
ويبقى اول مقابله بين اعضاء الماجيك

karmen

2009-10-12, 08:58 PM

انا اهو يا ميرو
انا كمان روحت جامعة حلوان بتاع مرتين كده
فعلا واسعه عالفاضي
وتحسي كده انها صحرا
والله انا ومانوللى فكرنا كتير نشوفك
وقلنا فعلا نفسنا نشوف اميره عبدو
لذيذه وزى العسل واكيد هنستمتع معاكى
ان شاء الله قريب جدا نشوفك يا ميرو

amira abdo

2009-10-12, 08:59 PM

اوك يا ريت بجد نبقي نتفق علي ميعاد ونقابل بعض اوك

karmen

2009-10-12, 08:59 PM

خلاص يا ميرو اوكى
ان شاء الله
هكلمك واقولك

amira abdo

2009-10-12, 09:00 PM

اوكي اتفقنااااااااااااااااااااااااااااا وياريت قريب المهم ارغو يلا عاوزه اتكلم

admin

2009-10-12, 09:02 PM

اتكلمة يالله

قوالى الى عندك

karmen

2009-10-12, 09:02 PM

خلاص يا قمر
قولى تحبي ترغي في ايه
قوليلي صحيح
بدأتى مذاكره واللا ناويه تمشي على نظام مانوللى
ههههههههههههههههه

amira abdo

2009-10-12, 09:05 PM

ههههههههههههههههههههه لا بلاش نظام مانوللي ده فيه خراب بيوت ياختي والمذاكره بدات بس مش اوي لان احنا لسه مغوطناش اوي وانتي عامله ايه ف المذاكره وايه انت فين ادمن

admin

2009-10-12, 09:07 PM

انا معاكم اصل الان معنديش مذكره
بس قريبا ان شاء الله احتمال يكون فى مذكره
بس ربنا يستر

amira abdo

2009-10-12, 09:08 PM

انت بتدرس ايه بقي يا ادمن ؟

admin

2009-10-12, 09:09 PM

اميره شوف الموضوع ده

مش عارف ان كانتى عارفه ولا لا

شرح بسيط على الماشى

كيفيه ارسال رساله الى اى عضو

كيفايه ارسال رساله خاصه الى الاعضاء اهداء الىamira abdo (http://www.elmjeck.com/vb/showthread.php?t=13500)

admin

2009-10-12, 09:11 PM

انت بتدرس ايه بقي يا ادمن ؟

والله انا مخالص معهد الكفايه الانتاجيه بالزقازيق
اريع سنوات
كان شعبه عامه

وعملت معادل للمعادله كليه تجاره
وبقيت بكالوريوس محاسبه

والان مقدم فى دبلومه موارد بشريه فى جامعه بنها

علشان الشغل

amira abdo

2009-10-12, 09:13 PM

amira abdo

2009-10-12, 09:14 PM

ياااااااااااااااااه كل ده بتدرسه ده الواحد ما بيصدق يخلص سنه ربنا يستر معاك فعلا يا سيدي ربنا معاك

admin

2009-10-12, 09:20 PM

ميرسي يا ادمن انا الاول فعلا مكنتش اعرف بس مع الوقت عرفت اصل انا بعيد عنك مليش ف التكنولوجيا خااااااااااااالص اني ضد العولميه اني ضد العولميه هههههههههههههههههههههههههههههه لابجد فعلا مليش ف النت خالص انا علي قدي جدا بس ميرسي بجد

والله الواحد بيعيش ويتعلم
واحنا هنا نفيد ونستفيد

ياااااااااااااااااه كل ده بتدرسه ده الواحد ما بيصدق يخلص سنه ربنا يستر معاك فعلا يا سيدي ربنا معاك

والله معاك حق:D
بس الدراسه الاخرى دى:-?
بمزاجك محدش فرضها عليك\:D/
وكمان تفيد فى الشغل ان شاء الله:-bd
وتكون شهاده عند التقدم للعروسه:x

amira abdo

2009-10-12, 09:23 PM

اها ربنا يوفقك ياعم ويبقي معاك دايما

admin

2009-10-12, 09:32 PM

انتى بقى بتدرسى ايه

انا مش فاكر

amira abdo

2009-10-12, 09:33 PM

انا يا سيدي بدرس deutsch اي بلغه العربيه اللغه الالمانيه في كلية التربيه هبقي معلمة اجياااااااااااال

amira abdo

2009-10-12, 09:37 PM

بصوا انا مرهقه جداااااااااااااااااااااا ونفسي انام انا همشي ناو وشور هرجع بليل متاخر انا لاجئه ف المنتدي هنا يلا باااااااااااااااااااااااااااااي اشووف كل الاعضاء بليل

golden man

2009-10-12, 09:52 PM

تصبحى على خير يا ميرو وانا شويه وهحصلك

admin

2009-10-12, 09:54 PM

وانت لسه لحقت

karmen

2009-10-12, 10:00 PM

ايه يا هيما
تحصلها ايه اصبر يا عم
انت لسه داخل
وانتى يا ميرو هنتظرك بالليل
انا كمان احتمال اقوم ناو عشان تعبت

karmen

2009-10-12, 10:03 PM

ايه ده
ده انا نسيت والله ان عندى جامعه بكره الساعه 8 انا ومانوللى
يعنى هصحى 6
انا بقى هقعد شويه واقوم انام
ربعايه كده
ولو مجاليش نوم بالليل هبقى اجى اقعد معاكم

admin

2009-10-12, 10:11 PM

هو المنتدى فيه منوم

اشمعنى انا اقوم اانتام كمان شويه علشان عندى شغل

manolly

2009-10-13, 09:46 AM

ههههههههههه
ايه حالة الخمول اللى انتوا فيها دى

طيب انا في الجامعة ناو انا وكارمن
محدش فاتح ليه

karmen

2009-10-13, 10:10 AM

متهيألى انا شفت رضوان في المتواجدين الان بس معرفقش مش بيشارك ليه
تعالى بقى نرغى انا وانتى مع بعض
هههههههههههههههههههه

prince of alex

2009-10-13, 02:36 PM

ايه كل المشاركات الي فيها نووووووووووووووووووووووووم ديه

دا انا جالي النعاس منها

صحصحوا شوية

وانا عندي فكرة عشان نطور الموضوع دهـ

ايه رأيكم نختار موضوع عن حاجة معينة ونعد نرغي فيه كذا يوم لحد ما نخلص على كل حاجة وكداا

نختتار موضوع تاني

وإذا وافقتوا على الفكرة انا عنزل ثلاث مواضيع نختار منها واحد ونعد نرغي فيه

ونستمر على كدا،،،،،،،،،،،،،،،

admin

2009-10-13, 06:54 PM

مفيش حد هنا ولا ايه

manolly

2009-10-13, 06:56 PM

لا في هنا اكيد

فكرة جميلة يا برنس اليكس
تمام باردو
بدل ما الشات في حالة خمول كدة

admin

2009-10-13, 07:00 PM

طب قولى انتو علمتوا ايه اليوم فى الكليه يامنوالى

manolly

2009-10-13, 07:04 PM

والله سارة جات حضرت معايا محاضرة
ودكتور اووووووووووف ممل ورغاى
خرجنا بقى قعدنا شوية
وانا اكلت وسارة لا علشان عاملة دايت
فقعدت اغيظها بقى هههههههههههههه
في الاواخر اصابتنا حالة ملل شوية
قومنا نروح
وبعدين هيسنا بقى كالعادة
اصل انا وسارة ساعات بنقرر نهيس
فبنبقى اخر هبل
بس جميل اوى احساس التهييس كدة خصوصا لو مخنوق يخليك في حالة كدة تمام
تحس ان الدنيا كلها مجانين
ونضحك بقى واخر حلاوة

admin

2009-10-13, 07:09 PM

manolly

2009-10-13, 07:11 PM

سارة طول عمرها تقول انا عاملة دايت
وتيجى تانى يوم تلاقى الدنيا تمام ولا دايت ولا حاجة
تقريبا هو دايت كدة مؤقت متقطع

انا مخنوقة والله مش عارفة ليه
جيت من الجامعة نمت وصحيت لقيتنى مش طايقة نفسي
مخنوووووووووووقة اوى اوى

admin

2009-10-13, 07:16 PM

ههههههههههه

دايت على ما تفرج

فعلا الواحد لم بيكون مخنوق بيكون الدنيا غمقه

شوفى كارمن واخروج او اعملى اى شئ علشن التفكير

manolly

2009-10-13, 07:19 PM

نخرج فين ياعم دلوقتى
انت محسسنى ان احنا عادى كدة نخرج في اي وقت
وبعدين انا مخنوقة يبقى اقعد في البييييييييييييييت
علشان اتخنق اكتر هههه

admin

2009-10-13, 07:23 PM

بالمناسبه شرح لوحه التحكم جلو

ولا عاوز تعرفى شئ تانى قوالى

manolly

2009-10-13, 07:28 PM

لا تمام كدة
ربنا يخليك والله
بس انت عامل زى بابا هههههههههههههههههههههه
سارة بقى تشرحلك يعنى ايه عامل زى بابا
قولها الموبايل والجبنة النستو

admin

2009-10-13, 07:48 PM

ايه باقى موضوع بابا ده

manolly

2009-10-13, 07:56 PM

ههههههههههههه
اصل بابا كل ما يجيبلى حاجة لازم يذلننى بيها كل شوية
هههههههههههههههههههه
يعنى جابلى موبايل جديد من قريب
كل يوم ييجى جنبي
حلو الموبايل اقوله اه جميييييييييل
يقولى بتعرفى تتعاملى معاه
اقوله اه
يقولى طيب يلا اى خدمة اقوله ماشي يا بابا خلاص شكرا وخلاص
ييجى بعد شوية يشوفنى ماسكاه
يقولى حلو الموبايل
ههههههههههههههههههههههههههههههه
وهكذااااااااااااااااااا
امبارح جاب جبنة نستو
فانا عملت سندوتش كنت جعانة عادى يعنى
بيقولى حلوة الجبنة قلتله اه
بعد شوية قاعدة في حالى
بيقولى يعنى عجبتك الجبنة دى نجيب منها بدل التانية يعنى دى احلى
اقوله اه والله العظيم حلوة
ههههههههههههههههههههه
نظام بقى ذل بالحاجة دى ههههههههه

انت بقى عملت زيه
دخلت انا في الموضوع قلتلك ميرسي
هتقعد تزلنى ولا ايه ههههههههههههههههه

admin

2009-10-13, 08:07 PM

ماشى ياستى

manolly

2009-10-13, 08:08 PM

لالالالالالالالا ده انت الخير والبركة اومال ايه
ذلنى ياعم براحتك مانا واخدة على كدة
ههههههههههههههههههههه
لا بجد والله ربنا يخليك لمصر وتفضل كدة في خدمة الوطن هههههههه

admin

2009-10-13, 08:15 PM

ماشى

يس كويبس وضعتى اسمى فى التوقيع بالذوق بدل ما استغل نفوسى

هههههههههههههههههههههههه

manolly

2009-10-13, 08:30 PM

انا مش حطيته
ومش هحطه:p:p:p
وكدة بقى استغليت نفوذك
لالالالالالالالالالالالالالالا
عيب اوى
انا كمان هستغل سلطتى واخفيك من الالعاب:)]:)]:)]

admin

2009-10-13, 08:36 PM

انا مش حطيته
ومش هحطه:p:p:p
وكدة بقى استغليت نفوذك
لالالالالالالالالالالالالالالا
عيب اوى
انا كمان هستغل سلطتى واخفيك من الالعاب:)]:)]:)]

احنا وصلين برضه:d:d:d

manolly

2009-10-13, 08:38 PM

ماشي يا واااااااااصل
اما نشوف كلام مين هيمشي

admin

2009-10-13, 08:51 PM

بلاش عند

احسن اجيلك فى الحلم

manolly

2009-10-13, 08:54 PM

هههههههههههههه
يامامتى
وبعدين تجيلى ازاى اما انا اصلا معرفكش
هبقى اخمن بقى
بس ابقى قولى لونك ايه ههههههههههه

karmen

2009-10-13, 09:05 PM

ايييييييييييييييييييييه كل ده
انتوا قطعتوا بعض
اهدوا شويه
وخلينا نتكلم زى ما قال برنس اليكس في حاجه مفيده

manolly

2009-10-13, 09:06 PM

اه فكرة تمام
بدل ما يبقى شات خناقات
ههههههههههههههههههههه
يلا حد يقترح علينا حوار نتكلم فيه

amira abdo

2009-10-13, 09:34 PM

هاي يا عساسيل انا جيت انتو فين يا ناس يا اون لاين

golden man

2009-10-13, 09:46 PM

انا هنا علشان تغيظينى يا اميره
مش بتحبى تحرقى دمى
اذيك الاول ايه اخبار الكليه

amira abdo

2009-10-13, 09:51 PM

الحمدلله تمام معرفش ليه بجد يا جولدن عاوزه اغيظك
ع العموم انت لو ف جامعه ايه اخبارك

golden man

2009-10-13, 10:10 PM

عاوزه تغيظينى طب ليه مش تقوليلى ده انتى حتى ما تعرفنيش كده من الباب للطاق
سبحان الله
على العموم انا تمام بس لسه ما روحتش الكليه

amira abdo

2009-10-13, 10:13 PM

اهو غلاسه عجبني اسمك فقلت عاوزه اغيظك ههههههههههههههههههه المهم هتروح جامعه امتي؟

golden man

2009-10-13, 10:21 PM

يوم الثلاثاء القادم ان شاء الله يا غيظانى
هههههههههههههههههههههههههه
خلاص هبقى اكتبلك اسمى فى ورقه او ابقى اكتبيه انتى علشان تخلاكى فكراه بدال عجبك

amira abdo

2009-10-13, 10:29 PM

ههههههههههههههههه ماشي يا سيدي
ربنا معاك يا سيدي ف جامعتك بص انا مضطره امشي ناو وهرجع شويه كده يلا بااااااااااااااااااااااااااااااي

golden man

2009-10-13, 10:42 PM

سلام يا ميرو

manolly

2009-10-14, 04:52 PM

هايات هايات
مين هناااااااااااااااك

golden man

2009-10-14, 05:25 PM

هاى عليكى اذيك يا مانوللى

manolly

2009-10-14, 05:56 PM

ازيك يا جولدن اخبارك ايه

amira abdo

2009-10-14, 07:13 PM

هاي عليكو وبركاتو ازيكو يا عساسيل ايش اخباركم عاملين ايه؟

admin

2009-10-14, 07:16 PM

وعليكم السلام

ازيك اميره

ا حنا تمام

اتتى اخبارك

prince of alex

2009-10-14, 07:16 PM

amira abdo

2009-10-14, 07:19 PM

هاي ادمن هاي برنس ايه اخباركم عاملين ايه انا تماموز كويسه الحمدلله

admin

2009-10-14, 07:23 PM

احنا تمام

ايه اخبار اليوم الدراسى

هل من جديد

amira abdo

2009-10-14, 07:28 PM

كان يوم لذيذ حاولت افهم علي قد ما اقدر انا اصلا فهمي بظئ وال ايه مش بيتكلمو غير الماني شوفت اعمل ايه بس ونبي قولي انت بس المهم انت عامل ايه ف الحاجات الكتير اللي بتدرسها دي؟

admin

2009-10-14, 07:31 PM

ههههههههههههههههههه

هو الماجيك بالالمانى يعتى ايه

انا لسه لم ابدء دراسه بعد
بس الشفل كل مشاكل ربنا يستر

manolly

2009-10-14, 07:37 PM

انا جيييييييييييييييييييت
نورت الشاااااااااااااااااات

فرحانين طبعا بوجودى انا عارفة

amira abdo

2009-10-14, 07:42 PM

natuerlich manolly wir sind alle gluecklich
حبه الماني كده معناها طبعا يا مانوللي كلنا مبسوطين اخبارك عامله ايه وايه سؤلك ده ادمن انت بتحرجني كفايه عليا الجامعه واللي فيها

admin

2009-10-14, 07:44 PM

استغفر الله العظيم

ايه الناس الغريبه دى

بتدحل كده بدون احم ولا دستور

اهلا

amira abdo

2009-10-14, 07:53 PM

ايه يا مانوللي فينك روحتي فين

golden man

2009-10-14, 07:58 PM

اذا حضرت .................. ذهبت .......................

prince of alex

2009-10-14, 08:01 PM

اذا حضرت .................. ذهبت .......................

ليهـ يا عم بس

منوللي بتحبنا كلنا الا اذا كنت حضرتك زعلتها يعني

karmen

2009-10-15, 01:43 PM

هاااااى عليكوا
وحشتونى
اخباركم ايه
حد هنا عاوز يرغي واللا اخلع انا؟؟

amira abdo

2009-10-15, 06:31 PM

هاااااااااااااااااي اخباركم ايه انا عاوزه ارغي ناو اهو مين موجود

karmen

2009-10-15, 06:39 PM

أنا موجوده يا ميرو يا قمر
ياللا قولى عاوزه ترغي في ايه

admin

2009-10-15, 06:40 PM

ازيك ياكارمن
فينك

amira abdo

2009-10-15, 06:44 PM

احلا كبار المنتدي كلهم هنا heheheheehe روحت ف الكازوزه هههههههههههههههه اخباركم ايه ازيك يا كارمن ازيك يا ادمن عاملين ايه

karmen

2009-10-15, 06:57 PM

انا الحمد لله يا اسامه
انت اخبارك ايه
انا موجوده اهو
مغبتش غير يوم واحد
وانتى يا اموره اخبارك ايه

admin

2009-10-15, 06:58 PM

ازيك اميره

انا تمام
الحمد لله مخوق بدرجه فوق الوصف

amira abdo

2009-10-15, 07:02 PM

انا الحمدلله كويسه يا سوسو
بس مخنوق ليه بقي يا ادمن خير؟

karmen

2009-10-15, 07:05 PM

ليه يا اسامه مخنوق ليه
مالك فيك ايه؟؟
احكيلنا

اوس الواثق

2009-10-15, 07:09 PM

انا جيت

اوس الواثق

2009-10-15, 07:10 PM

اسامه احنا اسامات زى بعضينا احكيلي انا هفهمك

amira abdo

2009-10-15, 07:11 PM

احلا اوس اخبارك عامل ايه

manolly

2009-10-15, 07:13 PM

ازيكوا يا حلوييييييييييييييييييين
وحشتونى والله اوى
اكيد انا وحشتكوا انا عارفة طبعا من غير ما تقولوا ههههههههههههههههههه

ايه يا اسامة مالك بس مين مزعلك وانا اقتلهولك
احكيلنا