شو رائيك بالصورة الرمزيه للعضو اللى قبلك

[salma]

الموضوع من عنوانه

..

إيش رآيك بالصوره الرمزيه للعضو/ه إللي قبلك

...؟؟؟؟؟؟؟؟؟؟؟؟؟؟
يالله عايزة تفاااااااعل جامد جدا

[Silver]

صورة رمزية مميزة ،،،

[manolly]

مش فهماها

[THE KING]

قطتين عسولتين اووووى

[manolly]

صورة مش مفهومة
ايه المقصود يعنى واحد تايه ده ولا بيدور على حاجة وقعت منه ولا ايه

[Silver]

إيه الكلام ده يا منوللى !!

كل صورة بتقوللى مش فاهمها

بالنسبة لصورتى ،،،

we are gaza

كلنا غزة

بالنسبة لصورتك ،،،

الصورة جميلة جداً وعجبانى

وعلى ما أظن أنها " سهام " ستار ميكر

صح كلامى ولا ؟!!

[manolly]

مش عارفة

[salma]

رقيقة مووووووووووووووووت

[بلابل]

صورة رمزية رقيقة

[salma]

صورة بتقول أنك مشرف منتدى الشباب

بس بستايل حلو اووووووووى

[scientist_363]

صوره متاخده من على النت :)


هيا صوره رايقه اوي والاون الي فيها جميله الي حد ما

[salma]

مش فاهماها بصراحه

[radwan]

الصورة دى بتفكرنى بسونيا جراهام
الغريمة الدائمة لادهم صبرى
من سلسلة رجل المستحيل
راجع قصة انتقام شبح
القصة رقم 59

بس الصورة جميلة وان كانت بتعنى(( ان كان الكلام من فضة فان السكوت من ذهب))

[manolly]

صورة لذيذة بس هو ليه البطوط مستغرب وعنده ذهول كدة

[salma]

صورة رقيقة وبسيطة جدا

[GHOST]

صوره بتدل على انها واكله حاجه سخنه

أو عندها مشاكل في النطق بس فعلاً هيا جميله أوي وفيها غرررابه

ونظرة عين قويه وثاقبه وبها ثقه

وقلب جريح لاينذف بدماء بل بروح اللسان

تجنن

[radwan]

صورة ميداليه ب 25 قرش من عند عمك زعبولة الله يرحمه

ولكنى سأتغاضى عما هو مكتوب عليها
وان كان يعنى ان هذا الشخص لا نمنحه فقط قلب واحد
بل بأربع ان كنا نملك اكثر من واحد

[salma]

ميرسى يا احمد تسلم

الصورة دى بطوط زعلان وخايف
اكيد خايف منك يا احمد

[GHOST]

صوره غريبه بجد

بس اللي محليها انها منك انتي

[golden man]

ترمز لانسان رومانسى عاشق ومحب

[prince of alex]

المااااجيك ديه ديه اصلا مش صورة رمزية ..............

[salma]

صورة بتعبر عن حبه لمصر

[golden man]

صورة تعبر عن التفكير والحزن

[salma]

مفيش صورة

[golden man]

ههههههههههههههههه
معلش هبقى احط صورة
واكيد الصورة بتتكلم عن نفسها مش محتاجة كلام

[karmen]

بتاعتك انت بقى هى الاصل الماجيك هو الاساس

[prince of alex]

ههههه صح هو الاساس

[golden man]

مرتبط بالوطن

[karmen]

برضه الماجيك هو الاساس

[manolly]

بتعبر عن انك مش عارفة تحطى صورة يا كارمن
هههههههههههههه
هبقى اقولك ازاى

[karmen]

ههههههههههههه
ماشى تتردلك فى الافراح
بتاعتك بتعبر عن الرقه
قال يعنى بقى
ههههههههههه

[prince of alex]

بتعبر عن انه واحد كدا ومش عارف يحط صورة

هههههههههههههههههه
هههههههههههههههه
ههههههههههههه

[karmen]

هههههههههههههه
ماشى شكرا انتو هتخدونى تريأتكوا بقى
بتعبر عن انك بتحب مصر ماشى يا عم

[GHOST]

دي بقى واحده رغم اللي سمعته

مش عارفه تحط صوره برده

[salma]

دى صورة بتقول ان سلمى قلبو

وهو كمان قلبها

[golden man]

على فكره والله انا حطيت الصورة مخصوص علشانكوا بس


وبرضه يا سلمى الصوره تتحدث عن نفسها

[golden man]

وفين بقية اعضاء المنتدى يا رب يكونوا بخير

[prince of alex]

بخير بس شكلهم نسوا المنتدى بتعبر انه مولع المنتدى

[البرنس الوحدانى]

حلوة صورتك
انك بتحب مصر اوى

[golden man]

دى اكيد صورتك وصورة كائن يعيش ويتعايش

[karmen]

بتعبر عن انك ناوى تحرق المنتدى باللى فيه

[البرنس الوحدانى]

انا رايي مختلف عن الاخرين
الصورة بتعبر عن انك بتحب المنتدى

[golden man]

صوره تعبر عن نظره مستقبليه متفائله

[manolly]

على ما اظن بتعبر عن جرحك المحفور في قلبك

[karmen]

بتعبر عن افتقادك لحنان الابوين فبتفرغى الشعور ده فى احتضان القطط
هههههههههههههههههههه

[salma]

مفيش صورة

[golden man]

جوست هو قلبك

[karmen]

قلبك من نار
يعنى اما انت قلبك حجر
او انت حساس جدا

[golden man]

حطى صوره بقى يا كارمن ولو مش عارفه عادى قولى

[golden man]

ومش قلبى حجر ولا حاجه يا كارمن

[ليه خلتني أحبك]

صوره حلوه اكيد زاي صاحبها

[golden man]

تشكر يا برنس

وصورتك انك لسه جديد
واهلا بيك معانا ومنورنا دايما

[youssf_star2008]

الصوره الجميلة لاقلب الجميل

[ليه خلتني أحبك]

شكلك بتحب المصارعه
صوره الرمزيه حلوه

[karmen]

أهلا بيك
ليه خلتنى أحبك
ممكن تعرفنا بنفسك
ونندهلك نقولك ايه؟
ونورتنا

[GHOST]

برده انتي مفيش فايده فيكي

خلي حد يعلمك تحطي صوره

[karmen]

ههههههههههههه
طب علمنى انت؟
صورتك بتقول ان انت عندك 4 قلوب
يعنى بتحب 4 بنات
بس اكتر وحده فيهم سلمى
وخد الكلام ده من واحده بتدرس علم نفس
ههههههههههههههه
معلش شكلى هوديك فى داهيه
لالالا يا سلمى بهزر

[salma]

انا ماخدتش بالى


ليلتك سودا يا على


مين بقى التلاته التانين قوووول متكسفش


مااااااااااااااااشى والله لوريك


ميرررررررررسى جدا يا كارمن انا مكنتش واخدة بالى خالص تسلمى يا قمر


وبعدين انتى صورتك بتعبر عن حبك للماجيك

[golden man]

صورتك ان جوست عايش جوه قلبك وبيجري فى دمك

[GHOST]

وصورتك بتقول قلبك من نااااااااااار

وياسلمى انتي تصدقي عني كده برده

ماشي ياكارمن

[karmen]

هنقول تانى صورتك بتعبر عن ايه
واللا بلاش
عارف جوست
انت صورتك بتوحيلى بأفكار غريبه

[GHOST]

اه اسكتي أحسن

وحطي صوره

ولا عاملاالي فيها عم الساحر

[karmen]

ههههههههههههههه
طب حد يقوللى ازاى بجد

[GHOST]

بصي يا ستي

بتدخلي على ملفك الشخصي من لوحة التحكم

دي سهله أكيد

وبعدين هتلاقي تعديل الصوره الرمزيه

وبعدين هتلاقي خيرات تحت بتقول بعد طبعاً ما تختريها منها ارفع صوره من جهازك

هترفعيها وتقولي حفظ التغيرات وهيبقى عندك صوره

ومش هرد عليكي لحد متحطيها باي

[karmen]

اوكى
ميرسى جوست على المساعده
وهحطها علطول ان شاء الله

[ليه خلتني أحبك]

اكيد حلوه

[golden man]

خلاص انتى كمان حطى صوره اوك

[بلابل]

بتوحى بشدة الحب

[salma]

بتقول انت بتحب حد اوووووووى

[manolly]

دي بقى بتدل على حبك ل جوست

[karmen]

بتدل على الرقه

[manolly]

بتدل على انك عرفتى تحطى صورة رمزية يا كارمن
هههههههههههههههههههههههه
عقبال صورة التوقيع

[GHOST]

بدل على انك عندك قطتين وكلب

وخايفه ع القطتين للكلب ياكلهم

بس خلي بالك

بالمنظر ده ممكن الكلب يكلك انتي

[manolly]

هههههههههههههههههههههههههه
وليه كلب يعنى

عموما صورتك مش محتاجة انى اقول بتعبر عن ايه
لانها اكبر دليل على حبك لسلمى

[karmen]

صورتك بتدل على انك بتحبى القطط

[manolly]

صورتك بتدل على انك بتحبى اتنين ومش عارفة تختارى بينهم

[البرنس الوحدانى]

صورتك تدل على انك بتعشقى القطط
بس خللى بالك الا يكونوا عيانين
ههههههههههه

[karmen]

صورتك بتدل على انك معتز بنفسك

[golden man]

صوره جميله لقلب رقيق

[salma]

صورة جميله جدا وبدل على شدة الحب

[karmen]

مش محتاجه تعليق المنتدى كله عرف الصوره بتدل على ايه

[golden man]

صوره تدل على ان قلبك محب للحياه ويانع دائما

[youssf_star2008]

صوره تدل على انا قلبك قلب جامد

[golden man]

صوره بتدل على انك من هواة العاب الاكشن

[karmen]

بتدل على انك حاد الطباع

[golden man]

تدل على تفاؤلك بالحياه

[karmen]

بتدل على انك بتغير على اللى بتحبه جامد جدا

[youssf_star2008]

صوره بتدل على انك عروسه جامدة

[karmen]

ههههههههههههه
بتدل على انك بتروح جيم علطول

[youssf_star2008]

هههههههههههههههههههههههههههه
لا مش بروح
صوره بتدل على ان قلبك مش قلب دة ورد
ههههههههههههههههه

[karmen]

بتدل على انك مش بتروح جيم
هههههههههههههه

[manolly]

بتدل على انك اخدتى الصورة دى من عندى
ههههههههههههههههههههههههههههههههههه

[karmen]

هههههههههههههههه
صورتك بتدل على الطفوله المتأخره بالتوكتين اللى انتى عاملاهم دول

[manolly]

ههههههههههههههههههههههههههههههههه
اجمل حاجة في الدنيا انك تحسي نفسك طفلة

[youssf_star2008]

صوره بتدل على انك بتحبى القطط

[golden man]

بتدل انك ما بتستلمش بسهوله وتحلم بالبطولات

[ملاك الروح]

صورتك بدل علي انك واحد ناجح ف الحياه
وحبيب كبير

[karmen]

صوره رائعه بتدل على انك بتعتزى بهذا المنتدى الرائع

[prince of alex]

واخيرا حطينا صورة!!!!

[nada minnie]

صوره بتدل على انك بتحب مصر اووى

يعنى مصرى صميم

[youssf_star2008]

صوره بتدل على انك بتحبى ، مييييييين ؟؟؟؟؟؟؟؟؟؟؟؟

[nada minnie]

هبقى اقولك بعدين

هههههههههههه

صوره بتدل على انك رياضى

[eltohamy]

اكيد الحب

[البرنس الوحدانى]

فى احتمالين
اما انك مش عارف تحط صورة
او انك بتعشق المنتدى

وعلى ما اظن التانية

[تقوى الروح]

شخص مليئ بالاحساس
وربنا يوفقك

[eltohamy]

بنوته حبوبه

[تقوى الروح]

مجهووووووووووووول
وشكلك ماجيكاوي بدام حاطط الصوره دي هههه

[youssf_star2008]

بنت عسوله

[تقوى الروح]

تسلم
باينه انه عاشق للمصارعه

[karmen]

بتدل على انك بنت زى القمر
وكمان رقيقه زى الأطفال

[GHOST]

بدل على ان تعليمي جاب فايده وعرفتي تحطي صوره

هوه قلب ريش على قلب خصايه

كوكتييييييييييل

[karmen]

ههههههههههههههه
ماشى
بتدل على ان سلمى هى قلبك

[youssf_star2008]

بتدل على انك بتحبى الورد الاحمر

[karmen]

بتدل على انك أهلاوى
ملهاش علاقه أنا عارفه بس هو كده
ههههههههههههههههه

[youssf_star2008]

انا عندى فرصه ابقى مشرف وانشاء الله استغلها
بتدل على انك بتحبى الورد

[youssf_star2008]

وانتى كمان عندك فرصه يا كارمن تبقى مشرفه فى المنتدى ده

[karmen]

ان شاء الله يا يوسف تبقى مشرف على ستاد الأهلى

[salma]

بدل على انك بتحبى القلوب

[golden man]

جوست هو نبضك

[youssf_star2008]

قلبك جامد

[البرنس الوحدانى]

اهلاوى جااااااااااااامد

وانا بحب الاهلاوية جميييييييييييييييلة

[manolly]

صورة حزينة
غيرها بقى وادخل في المود الكووووووووووووول

[THE KING]

ههه
جامده اوي
بس انا بخاف من القطط !!
هسمي مانوللي بعد كده القطقوطه

[manolly]

ههههههههه
القطقوطة
بس دى مش صورتى على فكرة
عموما انا احلى بكتيييييييييييير وقطقوطة طبعا هههههههههههههه

انت بقى صورتك دى لقلب معمول بالكروشيه
وانا استاذة في الكروشيه
فعجبانى جدا

[admin]

طب والله فكره


بما نك كويس بالكروشيه

اعملى اسم الماجيك بالكروشيه

وصوريه وفرجينى على الكروشيه

[manolly]

ههههههههههههه
يالهوى عالاستغلال
بس ده هيبقى صعب اوى
عموما هحاول والله وطبعا هيكون ليا جائزة
استغلال باستغلال بقى ههههههههه

صورتك الرمزية بتدل على انك مدير نزيه كدة ومتفتح بس حط سماعة التليفون يا ادمن في الصورة
عمالة اطلبك مشغول هههههههههههههه

[amira abdo]

تحفااااااااااااااااا عاجباني جدا صورة مانوللي علي فكره انا عملتلها كوبي وخدتها وبحطها ع الميل بتاعي لانها عاجباني جداااااااااااااااااااااااااا بجد

[manolly]

ياسلااااااااااااااام
ولو عاوزة تحطيها هنا ياقمر عادى والله
انتى كمان صورتك عسوووووووولة قوى وبسكوتة كدة ورقيقة
وفعلا عجبانى اوى

[karmen]

الصوره دي بتفكرني بغاده عادل مش عارفه ليه
صوره رقيقه أوي
بس انا ماليش في النوع ده من الصور ومبحبش القطقطه للأسف

[amira abdo]

ياريت تغيريها بقي ياكوكي وكفاية دموع عيشي حياتك كده حطي صورة احلي شوية

[الفرعون العاشق]

الرمزيه جامده جدا
فيها براءه اوى

[karmen]

ياريت تغيريها بقي ياكوكي وكفاية دموع عيشي حياتك كده حطي صورة احلي شوية
أديني غيرتها أهو يا ميرو بمود تاني خااااااالص
وغيرت توقيعي وكل حاجه
أصلي بصراحه فرحانه مووووووووووت
وحاسه ان مودي كله اتغير الحمد لله

[karmen]

رأيي في الصوره الرمزيه للفرعون العاشق
واحد واقف معرفش مين ده
في مكان كده له طابع شرقي أو عربي شويه
يعنى معرفش دي صوره كده
واللا ده شخص فعلا
هي تدي الاتنين

[bosbos love]

الصورة الرمزية
جميلة جدا ورومانسية

[المحاسب]

الصوره الرمزيه جميله اوى بتعبر عن حب حقيقى

[الفرعون العاشق]

رأيي في الصوره الرمزيه للفرعون العاشق
واحد واقف معرفش مين ده
في مكان كده له طابع شرقي أو عربي شويه
يعنى معرفش دي صوره كده
واللا ده شخص فعلا
هي تدي الاتنين


ههههههههههههههههههههه
طابع شرقى او غربى
يلا مش مهم المهم اللى انا اعرفه انه واقف امام القلعه وعلى فكره ده شخص حقيقى مش صوره
خلينا فى المحاسب بقى
الرمزيه جامده اوى يا محاسب ليه بقى عشان على ما اظن انه الراجل اللى فى الصوره ده مغنى عالمى جامد اوى واكيد الكل عارفه

[karmen]

ههههههههههههههههههههه
طابع شرقى او غربى
يلا مش مهم المهم اللى انا اعرفه انه واقف امام القلعه وعلى فكره ده شخص حقيقى مش صوره


يا سلام عليك وبتضحك وبتتريأ كمان وإنت مبتشوفش
ههههههههههههههههههههههههه
أنا كاتبه طابع شرقي أو غربي؟؟!!
يا إبني فتح عنيك وركز
أنا بقول طابع شرقي أو عربي شويه
عربي مش غربي
ومقولتلناش برضو كان مين اللي في الصوره
عملت فيها فهمي ومش من هنا

[amira abdo]

معبره ياكوكيهي احسن من الاولانيه طبعا بس فيها حبة حزن بردو بس جميله والله

[yousef eldeep]

شهادات التقديو والشكر مالية الشاشة يامعلم
وعلي فكرة المفروض اكتر من كدة كمان

[vindiesel]

صوره رمزيه جامده جدا

وبتعبر عن الشخص اللى حاططها

[karmen]

بتعبر عنك وإنت محطوط على تورتايه
تقريباً كده كان عيد ميلادك وحاطين صورتك عالتورته

[همسه]

صوره بنوته رقيقه

[youssf_star2008]

صورة بنوتة أرق

[ahmed.dodo]

صوره قلب روعه

[youssf_star2008]

صورة قلب مكتوب علية اسم دودو روعة

[ahmed.dodo]

مرسي يا يوسف

[youssf_star2008]

دة انتى اللى مرسى