المساعد الشخصي الرقمي

مشاهدة النسخة كاملة : اسمه مدرج

samir aboraia
2009-03-10, 02:36 AM
خلاص مش هطرقع لب...ده انا ناوى اخدها جد
نفسى انجح واخلص...مش هسيبها تهب تدب
7 الصبح صحيت...ع المفارق وقفت
ولا مواصلة لقيت...بعد شقا وصلت
ونزلت م العربية...على صرح علمى بتنح
ادام باب الكلية...اقف ياناس واسرح
انا مش بهرج..طلعت جرى ع المدرج
وياريتنى م طلعت...
تخيل
ف اول محاضرة احضرها...دكتور واقف بيشرح
ورقة وقلم وبكتبها...ركز يمكن تفلح..
وياريتنى م ركزت...
تخيل تانى
مرة واحدة..دخلت علينا...وف وسطينا قعدت
دنجة دنجة..روحنا مارينا...دماغنا ع المحاضرة سرحت
فسكت...ولنفسى سألت..
اوعى تضحك...انا مش بهرج
سكت ...ولنفسى سألت ...
مش ده اسمه مدرج
اللبس عارى...وشبابنا شارى ..ومين يطفى جوايا نارى
ياناس ...ياناس دى تحت القدم لازم تنداس
مش عارف ليه حسيت..انى بقيت...جوه كباريه
من غير زيطة...جنب الحيطة..بقيت...قاعد بقول فيه ايه
لا وايه..استنى ...
ده لسه فيه...اطلب واتمنى
محل بقالة...ولا الفجالة..شايلاه ف شطنتها
لزوم الشغل...شغالة حلاقة...ومعاها عدتها
سكت...وسكت ..وسكت
وضحكت...وقلت....
شعر ودقن ياحيلتها
ياناس حرام...مش ده العلام..امتى نفوق ونصحى
هكتر ف الكلام..مش هقول سلام...امتى نرسم ف وشوشنا الفرحة
تخيل...ايوة تخيل تانى وتالت..
اتخيل من غير م نعيل
كل كلامهم...ف نجوم الطرش...وقصة جديدة
شيلت الهم...وحسيت بالعطش..ياخى جتها نيلة
كلامهم طلاسم...ميتفهمش...ابو رغوة شديدة
وبيقولوا عليه ف الاخر
اسمه المدرج...
انا مش بهرج..
ازاى يبقى اسمه المدرج
admin
2009-03-10, 09:05 AM
والله عند حق

هو ده المدرح

وربنا يوفقك ياحبيب قلبى

وبنقل الى ابداعات الاعضاء
radwan
2009-03-11, 09:32 PM
هو ده واقعنا للاسف

لكن لا املك الا ان اقول انه بالفعل ابداع
Silver
2009-03-14, 03:26 AM
ما هو حالنا كده

ولو اتغيرنا يقوله علينا كلام مش قد كده

ويقولوا عليك شريك مخالف ومش بتاع كده وكده
البرنس الوحدانى
2009-03-20, 05:54 PM
لما نسال الناس يقولوا دا عصر الحرية
مع ان دى همجية
خلاص خلاص مبقاش فى انسانية

تسلم شعرك واقعى وجمييييييييييييل