|
هو انتوا لازمـ كده ؟؟ @
السلامـ عليكمـ التوبيكـ ده معمول عشان ظاهره غريبه جداّ بتحصل كتير فى مجتمعنا http://img196.imageshack.us/img196/1913/schoolz.jpg http://2.bp.blogspot.com/_Xs83-sqvFB...00/SOMA059.jpg بنلاقى كتير .. الحال زى ماهو فى الأوقات العاديه بس لحظه ... لما بيكون فى شىء ضرورى لا و ضروره قصوى كمان لازمـ و لابد الحال ده يتغير للأحسن و فوراّ نوضح اكتر مثال شخصى :: ايامـ الثانوى عندى فى المدرسه .. قالولنا ان منظمه اليونسكو عامله زيارات على المدارس و من حسن حظنا ان مدرستنا كان ليها الشرف ان لها دور فى الزياره طبعاّ خلال اسبوع .. كان مدرستنا دى قطعه من باريس الحيطان اتدهنت و جابوا واحد رسامـ رسمـ مناظر طبيعيه على الحيطان العلمـ القديمـ اللى فوق المبنى الإدارى اتغير بواحد جديد جابولنا ديسكات جديده كله ده كومـ و حته (( النظيفه الجميله المتطوره )) كومـ تانى ده طبعاّ المسمى الدارج لكل المدارس و بيكتبوه على كل مكان فى المدرسه لدرجه انى كنت بحس انهمـ هيكتبوه على هدومنا مثال تانى ملموووووووس قصاد الكل زياره الرئيس اوباما لاقينا الشوراع بتتنظف ... شجر جديد على جوانب الطريق الأسفلت كمان اتدهن ... جامعه القاهره غيروا فى شكلها http://img36.imageshack.us/img36/4571/1059q.jpg http://img377.imageshack.us/img377/7578/1061r.jpg http://img35.imageshack.us/img35/4656/1083p.jpg http://img84.imageshack.us/img84/5311/1089e.jpg السؤال بقى المحير جداّ .. و اللى بتمنى الاقى ليه اجابه ليه احنا اصلاّ من غير زيارات ولا اى حاجه منبقاش كويسين و مظهرنا كويس و مشرف ؟؟؟ هو مكتوب علينا العيشه الغريبه بتاعه (( اى حاجه .. عدى و خلاص )) انتوا ليه متاخدوش بالكمـ من مظهركمـ ... مستنيين حد يجيلكمـ عشان تنظفوا نفسكمـ و نقول هيييه الله علينا .. و بجد بجد ساعات بحس اننا بننظف وقت الشده وقت الضروره القصوى ؟؟ فعلاّ احنا شعب غريب ..... و مهما الواحد اتكلمـ وعلّى صوته .. ولا هيتسمع التوبيكـ ده .. يمكن مخدش حقه كويس .. بس يلا نصيبه بقى و الله يسامح اللى كان السبب |
الموضوع فعلا مؤثر
فعلا احنا منلاقيش النضافة غير فى زيارات كبار البلد ده يسمى نفاق مش فاهم هم ليه بيعملوا كدة تحياتى مستنى المزيد من مواضيعك الرائعة |
التوبيك مخدش حقه؟؟؟؟؟
انت مستنى زياره من فوق عشان تدى التوبيك حقه واللا ايه؟ ههههههههههههه والله عندك حق يا زيزو فى كل كلمه قلتها والله العظيم وبدون مبالغه انا لسه شايفه من كام يوم حتة مدرسه أقذر من كده مشفتش والدهان واقع والباب اللى مكتوب عليه الجمله النحاس اللى عليه صدى وكاتبين مدرستى جميله نظيفه متطوره منتجه وصديقة البيئه كللللللللللللل ده هما فاكرين الناس هبله واللا متخلفه ايه الاستخفاف بعقول الناس ده ايه القذاره دى واللا ايام زيارة اوباما كان عندى امتحان يوم ما كان جاى الامتحان إتأجل 11 يوم ده يرضى مين ده ايه القرف ده ايييييييييييييييييه البلد دى؟؟؟؟؟؟؟؟؟؟ ارحمنا يارب شكرا يا احمد عالموضوع وآسفه عالاطاله |
يا عم احمد اولا موضوعك رائع
ثانيا هى دى مصر وعمرها ما هتتغير طول محنا وشنا فى الرمل زى النعام كل شعبها شاطر يقلد تقليد اعمى من الغرب فى اللبس والحاجات الى ملهاش لزمة انما لو قلتلهم حفظو على الشوارع او وسائل الموصلات هيقلولك امال الحكومة بتعمل اية سعتها الحكومة من حقها انها تقول اننا بنصرف فلوس فى الانشأت كتير انما الشعب هو الى بيخرب فى وقت انها مبتصرفشى شلن واحد علشان من كتر الاهمال بتاع الشعب فى حق نفسة وفى حق بلدو بيجبر الحكومة انها تقول كدا انما لو احنا حفظنا وبعد كدا طلبنا اى حاجة منهم ساعت ما تتعمل هيبان ان فى حاجة اتعملت بمعنى اصح احنا الى بنعمل كدا فى نفسنا يارب مكنشى طولت عليكم موضوع جميل تقبل مرورى ووجهة نظرى |
انا شايف اننا ناس زي العسل بس اكيد اننا فينا عيوب تلهف العسل ده كله احنا اللى بنبوظ بلدنا بإيدينا انا هسألك انت يا كاتب الموضوع كام مره رميت منديل فى الأرض ؟؟؟ فى المدرسه اللى انت متضايق علشان نظفوها لليونسيكو رميت فيها كام ورقه ؟؟ قزقزت لب فى العربيه ورميت من الشباك كام مره ؟؟ الكلام مش بس ليك ده ليا انا كمان ولكل الناس احنا اللى غلطانين ونيجي بعد كده نقول انتو اللى عملتو وجيين بتنضفوا ؟؟!!؟؟!!؟؟ وانا هنزل موضوع عن الحكايه دي ارد عليك بيه ده مش دليل ع كرهي للموضوع والله ابدا الموضوع هايل بجد واكبر دليل بكده اني هثبته دلوقتي .. وتسلم ايدك يا معلم زيزوووووو |
زيــــــــزو
اقتباس:
ربنا يخليكـ يا برنس و مش عارف فعلاّ ليه احنا كده ... ليه منبقاش على طول بشكل كويس و نضيف تسلمـ يا غالى يا ابو الغوالى |
زيــــــــزو
اقتباس:
معلش انا اّسف يا كارمن واضح ان التوبيكـ فكركـ بذكريات اليمه و عصبكـ كمان هههههههههههههههههه اكتر حاجه بتضايق فعلاّ فى البلد دى و هى حاجه ملحوظه : الاستخفاف بعقولنا ده حتى فى الأفلامـ .... احلى مزاولات و كأننا اطفال بتتفرج ميرسى يا كارمن على المرور الجميل ده |
Poles can be purchased
تم تحرير المشاركه |
اقتباس:
وادى زياره منى للموضع علشان الى ميرضش ......... لكن بجد ده حالا لازم نخاف علشان نشتغل |
وسيادة المدير بقى جاي يخوفنا
عشان نشوف شغلنا واللا ايه؟ حاضر يا افندم ياللا كله يروح على شغله وبلاش اللمه دي |
| الساعة الآن 08:06 PM. |
Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
TranZ By World 4Arab
www.q8-one.com