|
شخصيتك
بسم الله الرحمن الرحيم 1)ما ردة فعلك عندما يقول لك حبيبك : أحبك نعم أتزوجك لا ..؟؟ 2)اذا اردت ان تبكي الان , فعلى من تبكي ..؟؟ 3)من ستختار ليمسح دموعك ..؟؟ 4)لو خيروك بين حبيبك وبين اعز صديق فمن تختار ..؟؟ 5)ماذا تفعل اول شيء اذا ربحت مليونا جنيه ..؟؟ 6)ماهو اجمل اسم لولد واجمل اسم لبنت من وجهة نظرك ..؟؟ 7)هل تكره شخص بشده في حياتك ..؟؟ 8)هل انت من لديهم رغبة حب التملك واذا تملك الشيء اصابه الملل منه ..؟ 9)اي الدول تتمنى ان تزورها ..؟؟ 10)متى اخر مره بكيت ..؟؟ 11)بماذا تقر وتعترف أمامنا الان ..؟؟ 12)من هو اكثر شخص تفكر فيه ..؟؟ 13)هل انت مدمن تفكير ..؟؟ 14)عاده تفعلها دائما تتمنى ان تتركها ..؟؟ 15)حكمة تؤمن بها جدا ..؟؟ 16)اذا احببت شخصا في الوقت الخطأ وفي المكان الخطأ فماذا تفعل ..؟؟ 17)ماالذي يلفت انتباهك بسرعه في الشخص لكي تعجب به ..؟؟ 18)اغمض عينيك دقيقه لو سمحت ماذا خطر على بالك وانت مغمض العينين ..؟؟ 19)ايهما اهم شهادتك الجامعيه أم الزواج ممن تحب ..؟؟ 20)هل تعترف بشيء اسمه الصداقه بين الرجل والمرأة ..؟؟ |
والله كلامك جميل جدا
بس من الصعب الجواب عليه وإن شاء الله الله يتم الرد لاحقاً |
شكرا يا سيلفر
|
كلامك رائع ولى عودة للاجابة على هذة الاسئلة الرائعة |
اوك يا بلابل
|
موضوع جميل جدا وتسلم اديك والمفروض ان احنا نجاوب على الاسئله دي يا golden man |
جمييييييييل يا ماااااااااان بس الاجابة عايزة تفكييييييييير اكيد عجبلك اجاباتي بس لم اتأكد من الاجابات
|
أكيد يا عمرو المفروض تجاوب ومستنيك يا برنس بعد ان تتاكد من اجابتك
|
1)ما ردة فعلك عندما يقول لك حبيبك : أحبك نعم أتزوجك لا ..؟؟
رد فعلي انى هسيبه فورا وبدون نقاش لأن ده انسان لا يستحق منى ذرة احترام او تقدير لأنه كده يبقى مش بيحبنى ويبقى عاوزنى لأغراض في دماغه 2)اذا اردت ان تبكي الان , فعلى من تبكي ..؟؟ ابكي عالدنيا وعلى موقف حصلي زمان مش عاوزه افتكره 3)من ستختار ليمسح دموعك ..؟؟ انا مش هقول اسم بس هختار حد هو عارف نفسه كويس اوى عشان يمسح دموعي وانا واثقه هو هيعرف يمسحها ازاى حد بقى في الفتره الاخيره دى اقرب ليّه من نفسي وبقيت برتاح معاه 4)لو خيروك بين حبيبك وبين اعز صديق فمن تختار ..؟؟ طبعا منغير ما اقول انه اختيار صعب وان الاتنين اعز عليّه من نفسي طبعا كلنا عارفين كده بس هحسم قراري واختار حبيبي 5)ماذا تفعل اول شيء اذا ربحت مليونا جنيه ..؟؟ هموت بالسكته القلبيه هههههههههههههه لا بجد والله معرفش ايه اول شئ هعمله بس اكيد هقسم الفلوس وكل جزء هعمل بيه حاجه 6)ماهو اجمل اسم لولد واجمل اسم لبنت من وجهة نظرك ..؟؟ هو اكتر اسم ولد بحبه رامى واكتر اسم بنت ساندرا 7)هل تكره شخص بشده في حياتك ..؟؟ انا عمري ماكرهت حد ممكن اكون مبحبش حد لكن كره لأ واكتر شخص مبحبوش ولا بقبلو في حياتى مرات اخويا ومحدش يسألنى ليه 8)هل انت من لديهم رغبة حب التملك واذا تملك الشيء اصابه الملل منه ..؟ سؤال صعب انا عماله بعترف اعترافات عارفه انها صعبه وتودى في داهيه بس انا عاهدت نفسي انى اى سؤال ارد عليه هكون صادقه فيه ممكن اقول اه يمكن بس بنسبه مش كبيره وانا عارفه ان ده غلط وبحاول اصلح منه 9)اي الدول تتمنى ان تزورها ..؟؟ أمريكاااااااااااا مجرد فضول ونفسي اشوف الناس هناك عايشه ازاى بس مش اكتر 10)متى اخر مره بكيت ..؟؟ امباااااااارح حصل كذا موقف ورا بعض كده في يوم واحد خلونى كرهت نفسي 11)بماذا تقر وتعترف أمامنا الان ..؟؟ بعترف انى كنت صادقه في كل شئ قلته وانى اى سؤال هيتسئلنى من دلوقتى لحد اخر عمري هجاوب عليه بكل صدق ومش هكدب ولا الف وادور حتى لو كانت النتائج غير مرغوبه 12)من هو اكثر شخص تفكر فيه ..؟؟ افففففففففففففف اسئله محرجه جدا وصريحه جدا طب اقول ايه اكتر حد بفكر فيه شخص ما هو عارف نفسه 13)هل انت مدمن تفكير ..؟؟ اه الى حد ما 14)عاده تفعلها دائما تتمنى ان تتركها ..؟؟ انى بزهق من الناس بسرعه 15)حكمة تؤمن بها جدا ..؟؟ اذا لم تستحي فإفعل ما شئت 16)اذا احببت شخصا في الوقت الخطأ وفي المكان الخطأ فماذا تفعل ..؟؟ هندم وهزعل على انى هظلمه معايا بس هضطر اوسع المجال لغيري واسيبه قبل ما يحصل ما لا يحمد عقباه 17)ماالذي يلفت انتباهك بسرعه في الشخص لكي تعجب به ..؟؟ انه يكون واثق من نفسه ويكون حنين 18)اغمض عينيك دقيقه لو سمحت ماذا خطر على بالك وانت مغمض العينين ..؟؟ ولا حاجه مجرد انى فكرت هجاوب على سؤالك ده ازاى وبإيه 19)ايهما اهم شهادتك الجامعيه أم الزواج ممن تحب ..؟؟ الاتنين بس لو ضروري اجابه هتجوز اللى بحبه بس بردو هكمل تعليمى وانا متجوزاه لكن يقوللى مفيش شهاده جامعيه خالص يبقى لا بلاش منه احسن 20)هل تعترف بشيء اسمه الصداقه بين الرجل والمرأة ..؟؟ اه بعترف جدا بس يكونوا اتنين محترمين ومحدش يتعدى حدوده #:-s#:-s#:-s#:-s#:-s#:-s #:-s#:-s#:-s#:-s#:-s#:-s |
1)ما ردة فعلك عندما يقول لك حبيبك : أحبك نعم أتزوجك لا ..؟؟
هقوله مع الف سلامة روح حب حد تانى 2)اذا اردت ان تبكي الان , فعلى من تبكي ..؟؟ على جدو لانه اتوفى وانا اكتر حد اتاثر بوفاته اسالكم الفاتحة ليه ولكل اموات المسلمين 3)من ستختار ليمسح دموعك ..؟؟ مناديل فاين هههههههههههههه لا بجد مش عارفة اختار مين بس يمكن واحدة صحبتى بستريح اوى لما بكون متضايقة او بعيط واكلمها 4)لو خيروك بين حبيبك وبين اعز صديق فمن تختار ..؟؟ حبيبي 5)ماذا تفعل اول شيء اذا ربحت مليونا جنيه ..؟؟ هجيب عربية بعد كدة بقى عادى 6)ماهو اجمل اسم لولد واجمل اسم لبنت من وجهة نظرك ..؟؟ ولد/رامى و سامر بنت/بسنت 7)هل تكره شخص بشده في حياتك ..؟؟ اه في واحدة مش بحبها في اى حال ليها مش لدرجة الكره بس قريب اوى من كدة 8)هل انت من لديهم رغبة حب التملك واذا تملك الشيء اصابه الملل منه ..؟ اه شوية مش كل حاجة بيحصل كدة بس ساعات بيبقى عندى حب امتلاك لحاجات معينة 9)اي الدول تتمنى ان تزورها ..؟؟ فرنسا 10)متى اخر مره بكيت ..؟؟ امبارح بالليل بكيت لان حبيبي كان واحشنى بس مقدرتش اكلمه 11)بماذا تقر وتعترف أمامنا الان ..؟؟ اعترف انى ضعيفة الارادة ونفسي فعلا اكون قوية واقدر اتغلب على نفسي 12)من هو اكثر شخص تفكر فيه ..؟؟ حبيبي 13)هل انت مدمن تفكير ..؟؟ مش في كل حاجة بس دايما بفكر نفسي بحاجات مش عاوزة افتكرها وكتير اوى بفكر في اى حاجة (نوع من الفراغ ) 14)عاده تفعلها دائما تتمنى ان تتركها ..؟؟ مش عارفة والله بس يمكن انا رغاية نفسي ابطل كلام شوية بقى ههههههههههههه سارة اتخنقت منى 15)حكمة تؤمن بها جدا ..؟؟ من حفر حفرة لاخيه وقع فيها هههههههههههههههههههههههههههههههه (صح يا سارة) 16)اذا احببت شخصا في الوقت الخطأ وفي المكان الخطأ فماذا تفعل ..؟؟ هحاول ارجع عن الحب ده اذا امكن واذا مش ممكن هتمادى بقى يعنى هعمل ايه 17)ماالذي يلفت انتباهك بسرعه في الشخص لكي تعجب به ..؟؟ اكتر حاجة بحبها في اى حد العيون اكتر حاجة بتجذبنى من اول نظرة كدة بعد كدة بقى الشخصية والاسلوب والكلام وكدة يعنى 18)اغمض عينيك دقيقه لو سمحت ماذا خطر على بالك وانت مغمض العينين ..؟؟ هشوف حبيبي امتى 19)ايهما اهم شهادتك الجامعيه أم الزواج ممن تحب ..؟؟ هما الاتنين اكيد مهمين بس طبعا الاول اتجوز اللى بحبه واضمنه وبعدين اكمل دراستى(انا بتلكك اساسا) مفيش حاجة مضمونة اليومين دول ههههههههههههههههههههههههههههههههههههههه 20)هل تعترف بشيء اسمه الصداقه بين الرجل والمرأة ..؟؟ اه جدا واحيانا بتكون اقوى من صداقة البنت للبنت او الولد لصاحبه |
| الساعة الآن 03:38 AM. |
Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
TranZ By World 4Arab
www.q8-one.com