اشهر 60 كلمه يقولها الاب والام في مصر
مالكش دعوة بالسياسة .. وماتمشيش فى مظاهرات:- وقد نجحت الأمهات فى هذه الجزئية نجاحا ساحقا ... وده بيظهر عندما ترى أكبر مظاهرة فى البلد لا تتجاوز 500 شخص أو أقل . 2-مش عاوزه أسمع صوت:- هذه الجملة تدريب هام جدا للتعود منذ الصغر على تقبل القمع والديكتاتورية اللذين ستواجههما طوال حياتك 3-ماتردش عليا:- دى نصيحة لو التزمت بيها ستكسب مديرك فى العمل 4-تقعد فى أول صف قدام السبورة : جملة تعودك على أن تكون فى المقدمة دوما 5-لو مش فاهم حاجة .. ارفع إيدك وقول للأستاذ مش فاهم ...ماتتكسفش (فاكرين المدرسين زى اللى كانوا على أيامهم زمان ) 6-اللى بيشيل قربة مخرومة بتخر عليه لوحده 7-ومالها الكتب بتاعت الوزارة 8-بص كويس وإنت بتعدى الشارع 9-ماتتأخرش بعد المدرسة وتقعد تصيع مع أصحابك دى نصيحة ستحقق لك قدرا من السعادة الزوجية (باعتبار إنك من الشغل للبيت ) 10-افرد ظهرك 11-مافيش مذاكرة على المزيكا ... أو .. بتذاكر إزاى والبتاع ده شغال جنبك . 12-ما تمشيش حافى فى السقعة دى 13-إطفى التليفزيون وقوم ذاكر ... أو ... إطفى التليفزيون وقوم خش أوضتك 14-إوعى تقول لحد هات لى حاجة 15-اقفل صدرك 16-صليت العصر ..؟! ( إشمعنى العصر ....!!!!!) 17-بلاش وقفة فى الشبابيك والبلكونات 18-ربــنــا يــهــديــك ... أو ... إنك لا تهدى من أحببت . 19-كل على مهلك .. وأمضغ كويس .. وماتاكلش وإنت واقف وكل من قدمك متأحفش . :clap::clap::clap: 20-المسلسل مش هاينفعك ... قوم 21-كفاية رغى فى التليفون 22-ماتقعدش قدام المروحة وإنت مستحمى 23-وإنت فاكر إحنا مستنيين منك حاجة ؟ 24-ماتعليش صوتك 25-بلاش لعب فى الشارع 26-يا ابنى اللى ذاكر ذاكر خلاص .. قوم نام 27-بلاش لعب بالمقص .. بيجيب الفقر 28-يا ابنى كلم خالتك العيانة .. اسأل عليها 29-إوعى حد غريب يديلك حاجة تاكلها او تشربها وتاخدها منه 30-النوم لحد الضهر بيجيب الفقر 31-إوعى تكدب عليا تانى مرة 32-لازم تاكل سلطة 33-لو شوفت خناقة مالكش دعوة بيها 34-عيب .. لازم تحترم الأكبر منك 35-كلمنا لما توصل 36-بلاش أكل بره 37-لو فلحت ابقى قابلنى 38-يا ابنى أنت مسطول ولا إيه 39-إنت فاكرنا نايمين على ودانا 40-وطى المدعوق ده شوية 41-قوم إقرالك كلمتين ينفعوك 42-إيه اللامبالاة والاستهتار اللى إنت عايش فيهم دول 43-إنت فاكرنا لاقيين الفلوس دى فى الشارع 44-والله ما إنت فالح .. وآدى دقنى اهيه 45-ما تتكلمش بصوت عالى فى الحمام 46-ماتنامش غير لما تغسل سنانك 47-ماتلزقش فى التليفزيون كده .... نظرك هايضيع 48-ضرب أمثلة تشجع على الكفاح .. أشهرها أحد الاقارب اللى كان بيذاكر على لمبة جاز أو على نور العامود فى الشارع ونجح وأخد الدكتوراة وسافر أمريكا 49-سلم على عمك كويس يا ولد 50-يا ابنى محدش بينفع حد 51-ماتطلعش إيدك من شباك العربية 52-قصة الغريق اللى كذب اللى كل مرة يقول إلحقونى .. لحد ما غرق 53-التهديدات المخيفة شكلا .. والكارتونية موضوعا .. مثل : هاقطم رقبتك ... هاقطع لسانك ... هادبحك دبح 54-ربنا يرزقك بعيل يوريك اللى وريتهولى 55-ماتطلعش على الملاية النضيفة ورجليك متوسخة كده 56-ماتقعدش عريان كده قدام إخواتك البنات 57-حول القناة دى ... بلاش مسخرة وقلة أدب 58-نسيت تشرب ؟ نسيت تاكل ؟ نسيت تقول هاتوا مصروف ؟ نسيت تعكنن عليا وعلى أمك ؟ 59-طلع إيدك من جيبك وإنت بتكلمنى واخيرا :harhar1::harhar1: 60-ياللا يا أبو كحكة حمرا .. إنت فاكر نفسك هاتقعد تاكل معانا :busted_red::busted_red: |
هههههههههههههههههه
مشكوووووووووووور |
انت جامد جدا
مشكوووووووووووووووووووورhttp://i41.photobucket.com/albums/e2...ak33/pic33.gif |
شكر ليكم على الرد والمرور
|
ههههههههههههههههههههه
جه يبقى جحيم مش عيشة |
-نسيت تشرب ؟ نسيت تاكل ؟ نسيت تقول هاتوا مصروف ؟ نسيت تعكنن عليا
وعلى أمك ؟ |
هههههههههههههههه
مفيش شاب او بنت في جمهورية مصر العربيه مبيسمعش الكلام ده من مامته وباباه ميرسي ليك أسامه والكلام ده برضو http://www.elmjeck.com/vb/servtop.co...s/firstnew.gif الحاجة الوحيدة اللى كل الابهات والامهات بيقولوها!!!! |
هههههههههههههههههه
والله متعودين ع الكلام ده |
الولد من دول يكبر تلاقية ماشي جنب الحيطة
|
ههههههههههههههههههههههههههههه والله يا اسامة حفظنا الكلام ده
معرفش بيتعلموه فين كلهم متفقين على كدة هههههههههههههههههه |
الساعة الآن 01:01 PM. |
Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
TranZ By World 4Arab
www.q8-one.com