|
حوار بين جيلين (معاكسة البنات للأولاد) شاركونا ياشباب
حوار الاخلاق بين جيلين الامس واليوم. ابتهال والملاك البرئ ابتهال: السلام عليكم يا ملاكي ازيك واحشاني قوي الملاك البرئ: وعليكم السلام ورحمه الله ازيك انتي اختي ابتهال ابتهال: الحمدلله نحمده ونشكره الملاك البرئ: شفتي اللي حصل امبارح ابتهال: حصل ايه خديتيني الملاك البرئ: كنت باتفرج علي التليفزيون وكان في موضوع خطير ابتهال: عن ايه الموضوع انا ما شفتش الملاك البرئ: انتي اتخديتي من اللي حصل ولسه ما حكتهوش امال لما اقولك ها تعملي ايه ابتهال: قولي بسرعة حصل ايه الملاك البرئ: البنات بتعاكس الشباب والشباب زعلانين تتصوري ابتهال: يا خبر اسود هي حصلت الملاك البرئ: للاسف الشديد جدا حصلت والاسواء ان الشباب بيقولوا فين امهاتنا بتاعة زمان تيجي تتفرج ابتهال: يايا حسرتي على الزمن الجميل الي كانت فيه البنت تخجل هيتفرجو على ايه يا حسرة على وقاحة البنات الملاك البرئ: احكيلي اختي ابتهال علي الزمن ده وقوليلي ايه اللي حصل ابتهال: احكيلك عني الظاهر ان انا ما كنتش بنت الملاك البرئ: امال كنتي ايه ابتهال: انا كنت راجل ماشي في الشارع مافيش حد يستجري يهوب ناحيتو مش خوف لا لا ده احترام يا اختي الي يحترم نفسه الناس تحترمو الملاك البرئ: يعني مش كنتي بتعاكسي الشباب زي دلوقتي ابتهال: ده حتى زوجي فضل 4 شهور متردد ازاي يفتح معايا موضوع الزواج مش خوف لا لا ا احترام انا اعاكس اعوذ بالله ده انا ما تعاكستش مش يمكن وحشة وان مش شايفة نفسي ههههههههههههههه الملاك البرئ: يا سلام فين البنات الا بيوقفوا الشاب من دول وبتاخد منه نمرة تليفونه وعادي ابتهال: ربنا يعافينا ويعافي اولادنا يارب الملاك البرئ: اقولك علي حاجه ابتهال: قولي الملاك البرئ: ايه رايك ناخد راي البنات والشباب معانا في حوارنا ابتهال: والله فكرة جميلةمنك يا قمر مصر الملاك البرئ: تنفذيها معايا ياشمس الجزائر ابتهال: معاك ظالمة أو مظلومة الملاك البرئ: ان شاء الله مادمنا في الحق بنتكلم فاكيد الكل معانا ابتهال: هنشوف أعضاء مجموعتنا الجميلة هيقولو ايه الملاك البرئ: تعالي ننده عليهم ويشاركونا في الحكايه دي بين قدمنا وحدثنا وهل اختلاف الاجيال ممكن يعمل الفجوه دي ونشوف العادات الغريبه بين شباب اليوم والامس ابتهال: يالله مستنيين ارءكم في المعاكسة الي تقلبت احنا رافضين المعاكسة القديمة تطلع لينا معاكسة جديدة الملاك البرئ: استني انتي خليهم هما يقولوا |
الدنيا حالها اتقلب
ومبقتش تفرق بنت من ولد ده البنات بقت جريئة عن الولاد شكلنا احنا اللى هنخاف نتعاكس |
موضوع جميل جداً وفكرة أجمل للنقاش وسأضع هذا الفيديو [عذراً، الروابط تظهر فقط للأعضاء المسجلين. إضغط هنا للتسجيل] لفتح جوانب الحوار الأخرى وسأجهز ردى للنقاش فى هذا الموضوع أتمنى من الجميع التفاعل فى هذا الموضوع ومشكورة الملاك البرئ لطرح لهذا الموضوع الهام ومرحباً بك معنا فى منتدى الماجيك بين أخوانك وأخواتك |
السلام عليكم ورحمه الله اخويا الماجيك الخوف هنا مش بنت بتعاكس ولد وله ولد بيعاكس بنت الخوف بقي في اساس تربيه نعلم اولادنا دينيا صح لاانت تخاف وله غيرك يخاف شكراا لمروك الرقيق لموضوعي الماجيك |
السلام عليكم ورحمه الله شكرااا لك اخي سيلفر بمروك الاكثر من رائع لموضوعي وتدعيمه بهذا المقطع من الفيديو لتوضيح اكثر لما وصل ايه حال الشباب في التدني الاخلاقي والوصول لمستوي من عدم الاحترام لمشاعر الغير وخاصه عندما تتخلي البنت عن اجمل صفه بها وهي الحياء وهي بالفعل دعوه للنقاش النزيه بين شبابنا من الجنسين للوصول معا لمبداء الاحترام المتبادل بيننا بارك الله فيك اخي سيلفر |
اهلا اختى معاك معنا فى المنتدي انا من رائى المتواضع ان السبب فى الكلام ده هو التربيه والانتفاتح على الغرب التربيه اساس كل شئ ييعنى فى التعليم الوزراره اسمه وزراره التربيه والتعليم يعنى التربيه اولا ثانيا وده الاهم والاخطر الانفتاح على الغرب ومشاهده التلفز والقنوات الغربيه ويتاثر المشاهد بما يرى وبحاول يقلد اللهم ما احفظنا |
تسلم ايدك اختى على الموضوع
الاساس فى ذلك هو التربيه |
السلام عليكم ورحمه الله الشكر لكم جميعا اخي adminوللمنتدي الرائع اولا التربيه عامل اساسي في البدايه ولكن مع دعمها بالدين تاكد انها ستكون تربيه لا تنفع معاها اي اعلام مسيئي غربي كان ام عربي الدين حمايه من الكل شكرااالك ولرئيك اخي الهادف معي بالموضوع |
السلام عليكم ورحمه الله شكراالمروك الطيب اخي التهامي ورايك بان التربيه هي العامل الاساسي للتقويم صحيح شكرااا جدااا لك |
لالالالالالالالالالالالا
مش معقول توصل لدرجة ان البنات هما اللى يعاكسوا الولاد انا الحمد لله مشفتش كده ومش عاوزه اشوف لأن البنت منغير حيائها متبقاش بنت بس فعلا البنات اتغيروا كتير عن زمان ربنا يحفظنا ويحمينا ويستر كل بنات المسلمين بس فعلا زى ما قالوا التربيه هى اساس كل شئ لو البنت متربيه تربيه محترمه وقويمه ظروف الحياه وتغيرات المجتمع مش هتقدر تغيرها معاها التربيه السليمه اساس كل شئ شكرا ليكى الملاك البرئ على طرح هذا الموضوع للنقاش |
| الساعة الآن 12:44 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir